قصائد أفضل شاعر الخليج

الموضوع في 'همس القوافي - قصائد مكتوبه' بواسطة mr.hrbi, بتاريخ ‏18 ديسمبر 2008.

  1. mr.hrbi
    Offline

    mr.hrbi .. عضو مميز .. .. عضو مميز ..

    إنضم إلينا في:
    ‏15 سبتمبر 2008
    المشاركات:
    7,938
    الإعجابات المتلقاة:
    495
    نقاط الجائزة:
    0
    قصائد أفضل شعار الخليج

    :cry:بسم الله الرحمن الرحيم

    مسأء الخير/صباح الخير

    أخواني واحبائي زوار واعضاء قسم همس القوافي بمنتدى تغاريد الكرام

    اليو احب اقدم لكم مجموعة قصائد لأفضل الشعار عندي

    قصائد تحمل من المعاني ما يكفي لتعبر عنك

    انا ماني شاعر لكن احس ان بالقصائد اقدر اوصل كلامي

    لو زعلان او متضايق أو أشتقت او ابي اعاتب شخص عزيز على قلبي

    ارسل له بيت شعر يكون يوصف نفس ما أشعر به

    أسف على الأطاله

    نبداء مع افضل شاعر


    الشاعر المتألق طلال الرشيد(الملتاع) عدد القصائد


    ((قالت قدر))




    قالت قدر و أقول يومك تبيني
    غصبن على الدنيا يدك في يديني
    لا تظلمين الوقت وش ذنب الأيام
    لا تظلمين الحظ لا تظلميني
    غديت مابين ارجا فيك واليأس
    هذا يبي مني وهذا يبيني
    إن قلت شمت وخاطري طاب كذاب
    وان قالت أبيك ارخصت نفسي بعيني
    خيرني أمري بين أصعب خيارين
    موتي أنا أو موت الحساس فيني
    لكن زماني المر علمني أني
    أموت محني لجل قلبي جبيني
    والله ما تلقين حبي مع الناس
    روحي وها لأيام بينك وبيني

    ......................................

    ذكرى الفراق



    اليوم ذكرى الفراق ومرت اول سنه
    اليوم لي عام متغرب وحيد وحزين


    اليوم انا ضيف جرحي جيت باطمنه
    اني جمعت الدموع وجبت امانة امين


    ما يجرح الصادق الا غدر من يامنه
    لا جت من احباب قلبك لا تلوم السنين


    مليت من هالاماني دام مهي ممكنه
    لاهي تحقق ولا ياسي بوجهي يبين


    لوين انا وانت مثل الشمس والازمنه
    مع كل صبحٍ يجددني لشمسك حنين


    لا قلت احبك احبك كنها دندنه
    او كنها وردةٍ مابين اصابع جنين


    يا اجمل الناس لك بين الملا هيمنه
    كثير غيرك ولكن مين مثلك و وين


    يا عاذلي خذ عيوني يمكن تثمنه
    تشوف عيبه وانا اشوفه ملاك حسين


    امس افترقنا وانا احسب مرت اول سنه
    يا طولها ليلة الفرقا سنة للحزين




    ......................................
    عيون الحب



    عيون الحب لا يمكن تناظر
    عيوب الخل لوهو عيب كله

    تماري فيه وبوصفه تكابر
    ترى من فوق خلق الله محله

    رفيق الليل في الشباك ناطر
    واثاري الليل شباك لخله

    حفظ احلى الكلام وصار شاعر
    بصبر ينتظر والصبر مله

    حبيب عشت في دنياه عابر
    حسب قوله ويا شعري فقله

    انا ضحيت له وارجي وصابر
    واذا عيا اقول الله يحله

    على الملتاع الا يا بعد باكر
    يبي السلوان والذكرى تظله

    صحيح ان الهوى سحر المشاعر
    يراه الصب عز لو يذله

    عيون الحب في قلبي تناظر
    تشوف اللي عيوني ما تدله





    ......................................


    جتني


    جتني وشافتها عيون حايرات

    ذا شعاع الشمس او هذا سناها


    ضاعوا اللي جوا معاها مسيرات

    واقبلت تمشي تقل محدٍ معاها


    ياسنا الفضه وياجيد المهات

    ياشذى نبت الخزامى في وطاها


    قلت كن بوجنتك زهر النبات

    قالت ان الرمش يجرح لي صفاها


    تجرح الظلما عيون ناعسات

    سلهمت وأغضت تغطرس في بهاها


    حققوا بالشوف في لون الشفاة

    هو خذا منها الشفق والا عطاها


    ولو ظلام الليل يعطينا ثبات

    فيه من لون الشعر والا كساها


    كيف أباصف زين كاملة الصفات

    كيف أباصل في حروفي منتهاها


    ........................


    العواذل




    حبيبتي كل العواذل تشابه
    قلبٍ ظلام ووجه يشبه للأصحاب

    ولا ما غدى لك صاحبٍ ينحكى به
    لا تسمعي أن كان لك قلب وأحباب

    إلى مشيت الدرب يلهث سرابه
    وإلى سكنت الدار ناداني الباب

    وشلون أنام وهم قلبي صوابه
    والشوك ينبت بين جفنين وأهداب

    تعبت امني .. الأسئلة بالاجابة
    وانطر شروق الشمس والشمس بغياب

    وتعبت أناظر والمعنى عذابه
    أنك بعيده والملا دونك حجاب

    اجمع كلام وما أعرف الإجابه
    وعندي شعور صدق والوقت كذاب

    كل النجوم اللي امطرت من سحابه
    حبيبتي دمعك جرح قلب واتراب

    واللي وقف ما بين بابي وبابه
    قلبٍ ظلام .. ولابس ثوب الأصحاب




    ...............
    باقي الخلق في كف




    انتي بكف وباقي الخلق في كف

    متعليه في وسط قلبي ولك شان


    في غير وصلك مالقلبي ترى شف

    محتاج لك يانور عيني وشفقان


    لا جابوا اسمك صرت انا تقل مختف

    مالي على نفسي الى اطروك سلطان


    من غير حبك غضت عيوني الطرف

    ياللي جمالك صار للزين عنوان


    اريد انا قربك ترى ياغذا الحرف

    وان ماحصل موتي ودنياي سيان




    ................


    ما جته في موعده


    يحتريها موعد آمال كبار ناجته
    يحتريها حافظ بعض الكلام اللي يبلغ حاجته
    يتأمل بالوجيه يتحراها تجيه
    والثواني يأس يرجي وترتجيه
    لا تأمل بالوجيه
    موعدك لا ما تجيه
    وما جته
    الناطر الموعود اشبهه بالعود
    اللي وقفت يوم على متنه حمامه
    راحت وناطرها تعود
    طويل النفس ليله
    ويرجي صبر حيله
    ويله
    كم تأمل بالوجيه وكم تحراها تجيه
    وما جته
    لو قيل لي ان القمر ياطا على متون النجوم
    والشمس لا جا الليل ترخى جوانحها و تنوم
    وان الغيوم قلب على الصحرا حنون
    اصدق وما اصدق تجيه
    اللي على خده يده
    واللي الامل باسمه نده
    قم تأمل بالوجيه
    موعدك يمكن تجيه




    ......................................





    مكانك مكانك



    أموت من فرقاك .. و أموت بلقاك
    وأموت من جورك .. و أموت بحنانك
    كلٍ قضاه يموت مرّه .. و يفداك
    و أنا أموت ألفين مرّه .. عشانك
    أذكرك.. لا مني نسيت إني نسيتك
    أنساك .. لامني ذكرت نسيانك
    رضيت أنا بالهم لرضاك مرضاك
    و ارخصت لك قلبٍ جرحته .. وصانك
    أجيك في صدري عتاب .. و أبجفاك
    و أرجع ألوم الوقت و أقول خانك
    أحب فيك .. احساسي إني بلاماك
    في عز خوفي منك أحس بأمانك
    عجزت أفرق بين وصلك و فرقاك
    ياللي عطيت الناس بيدك عنانك
    مر تجيني لين أقول إني إياك
    و مر تروح بعيد و انسى أوانك
    أقبل و تقفي .. و اعتذر عن خطاياك
    و أقول ما عييت .. عيا زمانك
    و إن خانتك دنياك .. أو خنت دنياك
    إرجع و تلقابي .. مكانك.. مكانك




    ....................................





    يا طاهره




    ابنت انا ماني كذا وظنونك تكذب عليك
    كلي عيوب وماقوت تخجلني ظنونك وتوب
    اكذب عليك ودوم اخونك وألبس الأبيض واجيك
    واعشق معك الفين وجه ويمتلي صدري قلوب
    احلى اقول لك لو قلتها البارح لذيك
    ياقف على شفاهي معك مراهق صب لعوب
    اكذب ولا ادري ليه اكذب اعشقك ما ارتجيك
    اخاف من صدق الحقيقة في الهروب من الهروب
    والله احبك واعشقك واعرف زمان اني ابيك
    لكنها هذي الحياة تعلمت مني الذنوب
    العين عجزت تعتقك والقلب عيا يشتريك
    في السجن خيال وفي،في الصدر رجال كذوب
    هذي الحقيقة مايجي في الكون اطهر من يديك
    وانا الذي انقض وضوء الغيم والماء والهبوب
    انقل عيوبي فوق متني وانتي لعيبك شريك
    وباكر تبسّم لي وجيه لك يعبسها الشحوب
    ياطاهرة حنا كذا والمظهر يكذب عليك
    يمكن يجي يوم نجي نخجل من ظنونك نتوب




    .....................................





    آخر الحب




    كنت احسب اني عرفت الحب قبل اعرفك
    وعشقت قبل اعشقك واشتقت قبل التقيك


    وكنت احسب اني لقيت احباب قبل اوصلك
    واثري توهمت في غيرك وانا كنت ابيك


    تعال نعطش وتشربني وانا اشربك
    تعال قبل الوعد اجلس معي نحتريك


    تعال شفني وانا استناك كم اشبهك
    يطري علي الف راي و راي واحتار فيك


    اجي مكان الوعد والا اسبقه انطرك
    والا آخذ الموعد اللي يحتريك واجيك


    يا آخر الحب ذقت الحب في اولك
    ويا اول الشوق اقصى الشوق ما ينتهيك


    علمتني كيف اعرفك لين صرت اجهلك
    ضيعتني في متاهاتك وكنت ارتجيك


    حبيب الاحلام يابعدك ويامقربك
    حرام يكفي تبعثرني وانا احتويك


    ان شفتك بحلم صدقته وانا اتوهمك
    وان شفتك بعلم كذبته الين انتشيك


    اخاف اغمض عيوني وان رمشت افقدك
    واخاف افتح وتصبح حلم ولا التقيك




    ..................................


    اخرحب




    كنت احسب اني عرفت الحب قبل اعرفك
    وعشقت قبل اعشقك واشتقت قبل التقيك

    وكنت احسب انيرلقيت احباب قبل اوصلك
    واثري توهمت في غيرك وانا كنت ابيك

    تعال نعطش وتشربني وانا اشربك
    تعال قبل الوعد اجلس معي نحتريك

    تعال شفني وانا استناك ك اشبهك
    يطري علي الف راي و راي واحتارفيك

    اجي مكان الوعد والا اسبقه انطرك
    والا آخذ الموعد اللي يحتريك واجيك

    يا آخر الحب ذقت الحب في اولك
    ويا اول الشوق اقصى الشوق ما ينتهيك

    علمتني كيف اعرفك لين صرت اجهلك
    ضيعتني في متاهاتك وكنت ارتجيك

    حبيب الاحلام يابعدك ويامقربك
    حرام يكفي تبعثرني وانا احتويك

    ان شفتك بحلم صدقته وانا اتوهمك
    وان شفتك بعلم كذبته الين انتشيك

    اخاف اغمض عيوني وان رمشت افقدك
    واخاف افتح وتصبح حلم ولا التقيك




    ........................................





    إن حكت



    ان حكت غار السكوت من الحكي
    وان بكت يحسد مدامعها الغرور

    كنها والشمس خصم ومشتكي
    وبين ذيك وذيك عذبت السطور

    الثرى يا مايسه مغروركي
    ومن يلومه ما يعرف سر الغرور

    والجمال امرايته في وجهكي
    والبها له في جفن عينك فتور

    الحلا يا حلوتي شبّه بكي
    منهكٍ حرفي ويشكي به قصور

    والحروف اتهني احروف اسمكي
    والاريج اختال في عرس العطور

    يا غريره ياغرورى مسلكي
    تهت والا تاه عن كفي العثور

    في طريقي ضاعت الخطوه لكي
    ماتميز بين نار وبين نور




    ........................................ .



    "الليلة إحساسي غريب "




    الليلة إحساسي غريب

    عاشق ونا مالي حبيب

    حبيت كل الناس لاموني

    حبيت كل الناس باعوني

    قلت أحب الحب أحسن

    قلت أحب الحب أضمن

    لا أحن .... ولا أتوه

    ولا بعد في يوم أحزن

    رضيت بأقداري ونصيبي

    صرت محبوب الحبايب

    وصار كل عاشق حبيبي

    الليلة غير

    شعوري غير

    أشواقي غير

    حتى الأغاني غير

    صدري سما ... واحساسي طير

    بس طيفك ماتركني

    ظل ساكن تحت جفني

    كان وافي...كان يذكر وإنت ناسي

    إنت وينك ؟

    كان هذا الفرق مابيني وبينك؟!

    جيتني تشكي الزمن

    وجيتك أبي أدفى

    لقيت في قلبي وطن

    ولقيت فيك منفى




    ........................................ .





    أوعدك




    أوعدك

    إن كان بعدي يسعدك

    الليله أرحل

    من الليله باختار الطريق

    من الليله الليل الرفيق

    و أوعدك

    ما أعاتب أو ألوم .. إلا نفسي

    و ما دام في قلبٍ معك

    أوعدك

    حبيبتي يا ليت

    ما قولك يا ليت

    و ما قد تمنيت و شكيت

    حبيبتي ويلي

    لا من غدى جسري

    أنا لنسيانك انتي ذكريات

    حبيبتي

    ما أصعبه نسيان ذاتي

    و إلا أقوم .. أوعدك

    سريت

    عن الليل اللي ف عيونك

    عن بلادك سريت

    و أوعدك

    إني أقول إني نسيت

    بس أوعديني

    لا زارني طيفك و أنا وحدي

    إني ما أبكي

    و أنك في قلبي تموتي

    و أنك على عيوني تفوتي

    و ما أعرفك

    و أوعدك

    إني من الليلة أموت

    من يوم أقوم .. أوعدك

    أوعدك




    .......................................





    حبيبتي




    حبيبتي لا من غديتي لي سراج اتبعه
    وكني غديت من الظما اركض ويطردني السراب
    لا تبخلين اليا شربتك ماشربتك من سعه
    دامي من جروح الهموم الموجعه كلي صواب
    اليوم مرتني السواني والفصول الاربعه
    اليوم مريت المواني والمباني والسحاب
    اليوم ماكني لقيتك مر صوتك ماسمعه
    اليوم ما كني فقدتك من سؤالين وجواب
    يابنت في خدك وهج سيل الشموس الساطعه
    احرق بداخل داخلي انسان ماهو للتراب
    واللي خلق ظلم الليالي بالعيون الهاجعه
    اني من الحرمان اتسائل وحرماني جواب
    يوم الوداع تخيلي مالي حبيب اوادعه
    محروم انا وتخيلي محروم حتى من العذاب
    يابنت لي قصه تطول بكلمتين موجعه
    هي باختصار اني انا اركض ويطردني السراب




    ....................................




    رسالة .. إلى صديق الطفولة




    صديق الطفولة وش جرى لك مع الأيام
    هي أنصفت دنياك والا أنت بك مثلي

    فقدنا ملامحنا مثل ساير الأنام
    عبث بنا جور الزمن والزمن يبلي

    وقفنا جميع وبيننا حاجز الأعوام
    صعيب ٍ وصولي لك.. ويا صعب لك وصلي

    وأنا اشوف في وجهك طريق غشاه عتام
    وذاك النخل واشوف دارك ودار أهلي

    وسدره.. هي أكرم من أهل بيتها اللوام
    وفي وجهك أصحابي.. عصى مدرسي.. وفصلي

    وعود ٍ كبير ودايم ٍ فالظلال ينام
    في ذكرياتي له بعد ملمح وجلي

    وسور كتبنا فيه ذكرى عبث وأوهام
    ولي في عيونك صورة زانها جهلي

    بثوب تبلّل بالمطر والتراب وشام
    وأنا حب أسير الْعَب وهي حافيه رجلي

    أنا وانت طفل وطفل دايم رضى وخصام
    بكانا سهل والضحكة أمرٍ بعد سهلي

    دعاني بوجهك ناده ٍ ينده الأحلام
    معه رمح مدري هو علي غاضب.. أو لجلي

    أنا كيف أباصل والأمل خلف مو قدام
    كثير الأسى والسِّهد يا من فعل فعلي




    ........................................ .





    عيون الصغار




    وجهك غضب .. وجهك عروس

    يضوي مدى .. يحرق نفوس

    تشبه لك الشمس الشموس

    ! .. و ما لمحتك

    سلام يا أحلى الأنام

    دربي مثل عينك ظلام

    تشبه لك أسراب الحمام

    ! .. و ما وصلتك

    يا صوتها الرايح وجاي

    مابين أشواقي وشقاي

    تشبه لك الونّه و ناي

    ! .. و ما سمعتك

    حبيبتي والبوح نار

    إنتي أنا بكل إختصار

    تشبه لك عيون الصغار

    ! .. و ما عشقتك

    يا مهرتي البيضا الأصيل

    تلعب و انا صبٍّ نحيل

    تشبهك غابات النخيل

    ! .. و ما سكنتك

    يا غاية الحلم المحال

    مثلك أنا حلمي الوصال

    يشبهك في الشاعر خيال

    ! .. و ما كتبتك




    ........................................ ...




    ما قلت احبك




    ما قلت احبك ولا قد قلت ما احبك

    احب مالي عيوني وانت تسواها

    لو تدري اشكثر تعني لي تعرف انك

    اخر امل في حياتي واول مناها

    ياكثر

    احس انك بي مني وبي منك

    روح قسمها على شخصين مولاها

    لا تقول شتحب فيني اعشقك كلك

    من ليل شعرك لشمسك واخر اقصاها

    سميتني نصفك الثاني ويا شحك

    انا بسميك كلي وانت معناها

    تعبت

    تعبت اوديك ليه يا قلب ويردك

    لآخذ حلومي ولا خلاني انساها

    كل الحمام استراح وناح في ظلك

    والورد الاصفر سقته الروح من ماها

    ليتك بعمري ثلاث اشخاص ما املك

    واحد معي دووم واحد روحي يملاها

    والثالث بجفن عيني لا فقد حسك

    او اغمض الجفن جاني فيك يتباها

    مو بس احبك انا والله من حبك

    احب حتى ثرى الارض اللي تاطاها




    ........................................





    مهوب إنت المريض .. إنت الشفا



    هلا بك .. هي هلا اللّي قالها الصايم ليوم العيد
    هلا بك .. هي هلا اللّي قالها للغيث هالوادي
    هلا بك .. هي هلا اللّي قالها يعقوب بالتنهيد
    ليوسف يوم عاد..و عاد شوفه.. و أنكف الغادي
    هلا بك .. كثر ما أمّنت خايف .. أو رعبت مكيد
    هلا بك يا عدو همومنا .. وهلال الأعيادي
    تصاغرت الهلا .. من كبر قدرك .. و اعذر الترديد
    لأنك شامخ مثل الجبل .. له بالصدى حادي
    حسدت الشعر .. يوم إنه طليق لك .. و أنا في قيد
    وجبته يوم جاك .. و شفت فيه مراة حسادي
    مهوب إنت المريض .. إنت الشفا .. يا قريّبٍ و بعيد
    وانا أقول المريض اللي .. فقد طلّتك فبلادي
    سلمت إنت .. و سلمنا من سلاماتك عن التنكيد
    أهنّيك .. أو أهنّي الناس .. أو نفسي و أنا البادي
    يابو كل اليتامى و الضعوف و معسر ومريد
    غديت الشمس وقلوب الخلايق زهر عبّادي
    عليك نخاف منك .. إلى رقدنا و إنت في تسهيد
    تقل من كثر حب الخير .. صرت لنفسك معادي
    تطلّبك المرض نفسك .. و قلت أبشر بلا تحديد
    فلا والله أرد اللي طلبني .. لو يبي زادي
    هذاك إنت الضليل الضافي الوافي مناة الغيد
    هذاك إنت الكبير المنور المنثور بالكادي
    هذاك إنت الأصيل الماجد الناجد سليل الصيد
    هذاك إنت الرفيع المشرق البراق والهادي
    هذاك إنت الوفي العارف الوارف ربيع البيد
    هذاك إنت العظيم الشامخ اللّي فوق الأشهادي
    هلا بك .. و القدر بالصدر .. لا عجز القصيد يصيد
    قصيدٍ لا درى إنّه فيك .. سمى شارده عادي




    .......................................




    ورثي احرامي



    أنا مابي من الدنيا 00وصول ٍ للعيون الدعج
    وأظن الصدق يكفي00لو أموت00وورثي احرامي

    حبيبي جاهل ٍ طاغي 00يحسب إن الجوارح ثلج
    وأنا مالي شفاه وفم00صوتي ضيّع احلامي

    إذا حبك ذبحني صد ّ00كل ٍ له بموته نهج
    تشهّد بالعجاج البيد00قبل تموت قدامي

    أنا غصن ٍ00وأنت اوراق00والعاذل خريف وعج
    و وش عذر الورق والغصن00لا يابس ولا ظامي

    غديت الشايب اللي عاصب ٍ راس الزمان الحرج
    كبير ٍ حز ّم الدنيا على متنه 00ولا قامي

    شليلي بالعفاف ابيض 00 على حالته يومه نسج
    تدور الناس والدنيا00وأموت وورثي احرامي



    .....................................




    حكاية شمس



    كنك ملاك وطلع توه
    الله وش كثر محلوه

    ماعاد به غيرك حكايه
    جيتي وكل ترك جوه

    الليل لف ولمسها لمس
    بعيونك اغرب حكاية شمس

    وانتي الى الحين نسايه
    ضيعت باكر عشانك امس

    دايم اقرب وهو يبعد
    وفي شفتك للشفق موعد

    ويحط لاحزاني نهاية
    من غيرك اللي قدر يسعد

    ياللي تحلين اي لباس
    يغار من جيدك الالماس

    حرام تعذيب وكفايه
    حني على الناس ياحلى الناس

    والشمس تحضر بميعادك
    من يقدر يلوم حسادك

    تغازلك حتى المرايه
    (( .... )) ياشمس والناس

    بيضا وفيها سمار الحور
    سمرا وفيها بياض النور

    ماله بدايه ولا نهاية
    من مثلك اللي جماله جور

    والكامل بحق وجه الله
    ياحلوتي كامله والله

    ياللي لكل البشر ايه
    من يشبهك حلوة الطله




    ........................................ ..



    يانواف



    شفتك يانواف وهليت أنا عبره....
    غرق بها خدي ومسحتها بيدي ....
    عليك يامفارق أبوك ياذخره ....
    في لحظه أظنها بساعه العيدي....
    جعل اللي ذي قاتله متحيرآ أمره ....
    وجعله ماينعم بشوفه العتيدي....
    جعله بوسط النار يكويه من جمره ....
    اللي حرق فؤادك على أبوك ياسيدي ....
    عسى الله بجنه الفردوس يعوضه عمره ....
    ويعش فيها مع الحور متهني سعيدي




    ......................................


    أعشقك كلك




    لا تقول شتحب فيني أعشقك كلك
    من ليل شعرك لشمسك وآخر أقصاها

    سميتني نصفك الثاني ويا شحك
    أنا بسميك كلي وانت معناها

    تعبت أوديك له يا قلب ويردك
    لا آخذ حلومي ولا خلاني أنساها

    كل الحمام استراح وناح في ظلك
    والورد الأصفر سقتها الروح من ماها

    ليتك بعمري ثلاث أشخاص ما أملك
    واحد معي دوم واحد روحي أملاها

    والثالث بجفن عيني لا فقد حسك
    أو غمض الجفن جاني فيك يتباهى

    مو بس ماحبك أنا والله من حبك
    أحب حتى ثرى الأ رض اللي تاطاها




    ........................................ ....




    مريض اللي فقد "سلطان"



    بشدّ لمشرق الشمس .. و بعلّق فوقها ديوان
    أمانه لا وصلتي مغرب الشمس .. انثري قافي
    أنا بلسان نجد أرسل .. قصيدة شوق .. من ولهان
    على زهور النفل ريح الخزامى .. تنّده الغافي
    تنهّد بالقصيد طويق .. سالت دمعة الصمان
    من أنفاس القصيدة .. انصرم طلع النخل صافي
    نختني للقصيد أرضٍ .. من الوادي .. إلى بابان
    ثراها يشربك حبٍ .. و لا يرواك يا وافي
    ألا يا شيخنا حبك .. عليّ الله من الإيمان
    ما دام انت الوطن و الدار .. ستر العاري الحافي
    غلاك اللي شرب كل الجوارح .. لين صار احسان
    غديت من الغلا ملجأ .. لمن حبك معه خافي
    لنابك هيبةٍ تفرح صديق .. و تجرح العدوان
    و لك منا رجال تعد .. موتٍ دونك انصافي
    تعلمنا المراجل منك .. لك بالمرجلة نندان
    و لا نلحق معك .. ما يلحق الإعصار مع سافي
    كملت إلا أن عذروبك بشر .. و عن البشر شتان
    تطيح و تمترض .. ليتك مخلد دوم متعافي
    سبقني للقصايد فيك .. من روس العرب اخوان
    و لي بين الشموس .. سراج .. خوفي كيف ينشافي
    و إذا كلٍ سبقني مدح .. اسمح لي بوصف انسان
    حنونٍ في ضلوعه .. قلب طفل .. بحس شفافي
    تقل شمسٍ إلى من .. بان بسمه يرجح الميزان
    و كل الخلق عقب الشيخ .. سرج بعضها طافي
    ألا يا أميرنا .. هنّ بسلامة حالك الخلان
    فلا قبلك مريض .. يهني الزوار و اللافي
    سِلِم .. من يوجع اقدامه .. و لا توجعه في ميدان
    سلم .. من له دعينا الله .. رد الشيخ يا شافي
    سلم .. من نار عينه تمن أهل الدار .. و الجيران
    سلم .. من ضحكته تودع مريضٍ ميسٍ شافي
    سلم .. من طوّع الشمس الشرود .. و عنها بعنان
    تعلق في معارفها .. و يمم راس مشرافي
    إلى قالوا مريض قل .. مريض اللي فقد سلطان
    و إلى قالوا بعيدٍ قل .. قريب الهمّ لسنافي
    نخيت الشعر .. أوصف وش تحس الناس لكحيلان
    و إذا خان الشعر شاعر .. عسى يكون الغلا كافي




    ........................................ ....





    موت الإحساس



    قالت نصيب وقلت يومك تبيني

    غصب على الدنيا ... يدك في يديني

    لا تظلمين الوقت وش ذنب الايام

    لو اقبل اعذارك يعيي حنيني

    غديت ما بين الرجا .. فيك والياس

    هذا .. يبي مني وهذا .. يبيني

    ان قلت شنت وخاطري طاب كذاب

    وان قلت ابيك ارخصت نفسي بعيني

    خيرني امري بين اصعب خيارين

    موتي انا او موت الاحساس فيني




    ........................................ .......





    يا بعد حيي



    اليوم يا بنت من زيي
    الشمس واردت على ضيي

    جيت انتخي بالوجيه البيض
    يا عزوتي يا بعد حيي

    الجادل اللي حلاها غير
    ضيعت في شمسها فيي

    بعيونها سلسبيل رماح
    و الموت بالسود متهيي

    موت و انا اموت انا بالموت
    كثيرها غرّق شويي

    لا قلت تكفين قالت جاك
    و ان جيتها فجأة تعيي

    و لا قلت مالي و مال الغيد
    قالت وهم بينهم زيي ؟

    و ان قلت انا تبت مالي كار
    مقفي زمانين عن غيي

    قالت و هي تلتفت للناس
    طلال موته على يدي




    ................................





    "حكوْ فيها "




    حكوْ فيها

    خذَوْ في طاري الحلوه و جابوا

    مسيكينه

    بسيرتها تنابوا

    و ذي صدق لشفاهي أبد ماهو قريب

    بشر يا مصعب ارضاهم

    و انا ماني حسيب

    أنا سايق عليك الله لجل الله يا شامت

    خلي الشوك من يدّك

    و لا تطرف عيوني كحلت بالزين

    لانام .. انا افداها اذا ودّك

    يا هل ترى انتي وين يا بنت الشفاة؟

    انا ادوّر عليك بصورتك

    وينك ؟؟

    أنا كني لمست رداك و ايدينك

    ما شفتك بكلّ الكلام

    شفتك على سجادتك

    كنك تصلين القيام

    و ليلك سرى بعبادتك

    ما اصدقه ..

    و الهرج ابد ما هو دليل

    ما اصدقه ..

    يعلّ يفداك الذليل

    الله يستر خوافيها

    اللي حكو فيها




    ........................................


    علمتني وشلون احب





    علمتني وشلون احب
    علمني كيف انسى
    يابحر ضايع فيه .. الشط والمرسى
    علمتني وشلون احن
    علمني كيف اقسى
    سير علي .. بس امسح دموعي وروح
    سير علي .. جب لي معك قلب وروح
    سير علي .. اذا تذكرت الجروح
    ياطاغي النظرة .. خطا
    تجزى بهالبخل العطا
    وانا اللي اهديتك أمن.. عين وجفن
    هذي فراش وذا غطا
    ياجرح من وين ابتدي
    وانت معي من مولدي
    وعيت يدي .. على وداعك تهتدي
    بس انت علمني الجفا
    دامني عجزت اعلمك .. كيف الوفا
    علمتني كيف السهر .. ونسيتني الممسى
    علمتني وشلون احب
    علمني كيف انسى




    ........................................ ....




    لحن بدو



    حنا ولا من قلت حنا تحنا
    كل الكلام بعطر تاريخ الاجداد

    المجد هم وهام فينا وغنا
    حتى علينا من على روس الاشهاد

    يا كبر حظ الي نخانا و ثنا
    نشد له فوق الفخر سرج وشداد

    ان هلل التاريخ غطرف وطنا
    وان سولفو عنا رجاجيل واجواد

    وان بان لك شمس ترى ذيك حنا
    نشرق مدام الظلم ظلما وحساد

    يا بنت يمي كان رمشك تمنا
    اشق لك ثوب السماء جود وعناد

    واشدلك زملً جفن المعنا
    واسري بوجهك لاغشى وجهي سهاد

    يا حلو قدك يوم قدك تثنا
    محدا تغنى فيك من خوف الالحاد

    حنا البدو يابنت هذا لحنا
    نحبك اكثر لاغدى حبك جهاد

    وحنا البدو يا بنت لامن نخنا
    بناتنا يثالث العيد الاعياد

    وحنا البدو يابنت وان قلت حنا
    فاح الكلام بعطر تاريخ الاجداد




    ........................................ .





    مشتاق و مضنيني الفراق


    مشتاق ومضنيني الفراق
    يا عيونها خذي من عيوني تعب
    واعطيني من جفنك فتور
    وابكي علي لو بالكذب
    مليت بك طبع الغرور
    يا عيونها مشتاق
    وللدمع مع جفني عناق
    مشتاق ومضنيني الفراق
    يا اجمل الخود
    كنت الامل وانتي الوعود
    وهجرني من هجرتيني دفا بيتي وانا فبرد الشتا موعود
    ايا مسكين يا قلبي انا ماشي وهو يلتقت لك عود
    ايا مسكينه يا روحي تحب اللي يعذبها و يزيد صدود
    وحشتيني
    كثر ما خانني هذا الزمن واكثر وحشتيني
    احبك حب اكبر حيل من كلمة احبك واسألي عيني
    يا اقرب من نظر عيني لعيني
    يا ابعد من حنانك عن حنيني
    امانه كيف تنسيني
    وانا من ليلة التوديع الين الحين
    احس ايديك بايديني




    ........................................ ..




    ميت وأنا حي



    بيني و بينك عرفت الموت
    تحب و الحظ متجني

    تبي الصدق حبها منحوت
    و أصبحت منها و هي مني

    أفرشلها القلب بالياقوت
    و أقول يا دلي إتمنّي

    صدري قصور و مدن و بيوت
    و هي المليك اللي يحكمني

    يا ويل ويلي عليها صوت
    تحكي تقل كنها تغني

    و سكوتها غير كل سكوت
    كل شي فيها يكلمني

    قد شفت شمس زرعوها توت
    بشفاتها التوت متثني

    يا حلوها و القلم مبهوت
    وش يكتب بوصفها عني

    هي دنيتي و الهوى و القوت
    و إن غبت عن وجهها كني

    متغرب و غربتي تابوت
    ميت و أنا حي مستني

    قولو لها لو يفوت الفوت
    هو ينفع الصوت متعني

    و قولو لها و الله إلا موت
    لو خاب في حبها ظني




    ........................................ ..




    يازمان الذل

    أخر قصائده قبل وفاته بشهر




    أسلحتنا في المصاحف

    يا زمان الذل

    .. زل..

    ما بقى في الناس شيمه

    وما بقى للعدل خِل

    ومن كثر ما حنا صغرنا

    صرنا حتى بدون ظِل

    صرنا ما نملا المحِل

    صرنا أمه تحتقرنا

    كل أرذال الأمم

    لاتصدق ياعزيزي

    بالعروبه والقيم


    يا زمان الشيخ بوش
    يكفي هزأت المبادىء

    يكفي أحرجت العروش

    الكرامه يا طويل العمر ما تكفي النعوش


    يا زمان البيت الابيض
    إنت مالك أمر يرفض

    تبغى هذا الدين أطول

    تبغى هذا الشرع أعرض

    إنت إكتب وإحنا نحفظ

    مو غريب

    لو نَحَسْب الخبث طيب

    ومو غريب

    نصرخ ولا من مجيب

    ومو غريب

    لو يكثر أعداد الأرامل

    فبلاد ما ترضى الهوان

    وحكومة ما تعرف تجامل

    ومو غريب

    لو تعتبر حتى عصا الكهل العجوز

    أسلحة دمار شامل


    يا زمن نهب المتاحف
    جانا جيش الحقد زاحف

    جتنا لعلوج الزواحف

    فتشوا حتى العقول

    وأسلحتنا في المصاحف


    يا زمن أمريكا شكراً
    أنتزعت الأقنعه

    إنت ازلت الأقنعه

    وانكشف وجه النوايا

    واتجاه الاشرعه

    ما نصدقهم خلاص

    وما بقى من نسمعه

    كل ذولا إمعه


    بس خلك مستريح
    الصحيح

    يوم هب الحقد من واشنطن ولندن

    كذب باسم المسيح

    الكل فضل ينحني

    وبغداد اختارت تطيح


    يا زمان الازمنه خليك شاهد
    إحنا مو ناقصنا واحد

    هو صلاح الدين

    احنا ألف مليون واحد

    هم صلاح الدين

    حنا بس بعيب واحد

    هو.. فساد الدين

    يا زمان الذِل

    حِل

    قلت لك مالك حِل



    ........................................




    أنا هواي و بس بنت الجزيرة


    كتب أحد الشعراء هذه القصيدة بعد عودته من المغرب، فقال:



    ياللي تنشد عن علوم الذي طاف
    كل البحور وكل دوله وديره
    خذ من علومي علم اوصافه اوصاف
    جزل سمين يشتعل له سعيده
    الزين عقب المغربيات ينعاف
    غيد لهن بالزين ذكره و سيره
    فيهن حلا طاغي ولين و تعطاف
    وفيهن حنان يشعل القلب غيره
    حلوات وصف وفاهمات بالاعراف
    زيننات منطق صافيات السريره
    بنات قوم طيبهم غصب ينشاف
    اولاد مغرب بالليالي العسيره
    ياللي تنشد عن علومي بالانصاف
    هرجي يكفي صامله عن كثيره
    الزين في لميا وتغريد و الطاف
    ماهوب في حصه وكشره و منيره


    ؛
    ؛
    ؛







    فرد عليه طلال الرشيد - رحمه الله - بهذه القصيدة:




    يابن الحلال ان طعتني خل الاسراف
    واترك جمال الغيد لاهل البصيره
    الزين موبس في الملامح والاوصاف
    الزين روح وعفه وطيب سيره
    مانيب من يهوى سريا وانصاف
    انا هواي وبس بنت الجزيره
    بنت الخليج اللي تماري بالاعراف
    وحنا نماري باسمها كل ديره
    مالي غرام بقول وخا وبالزاف
    اذبحتني عند الطرحه المستديره
    احب قولة ياهلا وعل وماخلاف
    من بنت ثوبي بنت الارض النضيره
    اللي تحلاها الظبي حلو الاطراف
    جمال في عفه ورقه وغيره
    واللي بها سحر مهو سحر عراف
    ياعل عين ماتراها ضريره
    عطف وحنان وذوق في لين الاعطاف
    والى كشفت لثامها شفت أميره
    صعب على اللي بالردي شاف ماعاف
    وحلوه علىاللي سنه الله ضميره
    شمس الى من اشرقت والدجا طاف
    غابت نجومك غصب لو هي كثيره
    السيف مايزهى سوى كف سياف
    والخيل دون حصانها مستخيره
    بس أنت دورلك على قدك لحاف
    وان طعتني دور بدلنا عشيره




    ........................................ .........



    أنا مقدر أكون



    أنا مقدر أكون أني حبيبن في بعض أحوال
    أنا كلي أجي والا أروح بعزتي كلي
    تخيرت الفراق ومادريت أن الفراق وصال
    أقول اني نسيتك بس مدري كيف تاصلي
    خذاني لك سؤال في عيونك والجواب محال
    خذاني منك دمع في عيوني مارضى ذلي
    رحلت أنت وتركت لخاطري طيفك وصبري طال
    غدت ذكراك شمس ما تغيب وصورتك ظلي
    حكيت ومالقيت من الحكي إلا الندم موال
    سكت ومت بالحسرة ولا ادري وشهو احسن لي
    أحبك .. كل ما فيني يحبك يا خلي البال
    تخيلتك دواي وصرت جرحي الصعب ياخلي
    تعبت أرحل مع وجيه الناس بانساك بالترحال
    ولا أدري وش يجيبك في وجيه الناس وأهلي




    ........................................ ...



    تنهيدتين ونار



    كلمني عنك
    أبعرف كل شئ عنك منك
    قلي وش اول جروحك
    قلي وش أخر أمل ترجيه روحك
    إحكي عن طبعك
    و عن ربعك
    عن اللي يهز دمعك
    قلي وش معنى الحياة
    قلي بأنفاسك متى قد قلت اّه
    إحك لي عن الحب
    إحك لي ... إحك لي
    إحك لي عن الشوق
    طربي فوق .. فوق
    خذني منك
    وإحك لي .. عنك
    الصدق
    إن الامل من قبل أعرفك ...كذب
    و التضحيه أوهام
    وإني أنا من قبل أعرفك
    كنت أعرف أنام
    كان السهر مو هالسهر
    لعب ... و أغاني .... و إختصار
    صار السهر تفكير
    صار إنتظار
    صار إحتظار
    صار السهر ... تنهدتين و نار
    يامنتهى أمري
    بالهمس قلي مره يا عمري
    وطر بي فوق ... فوق
    خذني منك
    و إحك لي ... عنك




    ........................................

    قصيده قويه جداً لطلال الرشيد يقال انه قتل بعد القائها بفتره وجيزه.؟:

    يا صغيّر ما يكبِّرني لقب
    وما يصغِّرني إذا انكرني صغير

    ماخذينا الصيت من جمع الذهب
    ولا نسابة شيخ أو قربة وزير

    كاسبينه من هل السَّيف الحَدَب
    الجنايز كان ما جاك النذير

    صيتهم نجمٍ على راسه لهب
    سمعوا الصقهان به وأجهر ضرير

    بالوفا تاريخٍ أبيض ينتصب
    لاحكوا بالحق حيين الضمير

    ضيغميٍّ للسناعيس أنتسب
    لابةٍ طلنا بها عرشٍ كبير

    عند حدّك يا كثير الهرج تب
    لاتمر النار وثيابك حرير

    كان لك عزٍّ بذلّي فتعقب
    والله الا تبطي وحبلك قصير

    أحسب أنك من صناديد العرب
    وأثر ساترتك عباتك يا غرير

    ما حسب للسوس زراع القصب
    والقرادة ما درى عنها البعير

    ولو حسبنا للحسايف والتعب
    ما بذرنا يالعصافير الشعير

    عن هلك أبرا إلى الله وأحتسب
    الرجال اللي مجاراهم عسير

    من قريش المصطفى وأبو لهب
    والدغالب ما غشت عذب الغدير

    للرجال من الرجاجيل العتب
    والزكاة تحل في حال الفقير

    لعن ابو وقتٍ غدينا به حطب
    تحرقه نارٍ يثوِّرها أجير

    ما ألومك والزمن سوّى العجب
    هو بقى غير الكرامة بالجفير؟

    ما أذل و راسي يشم المهب
    لو بقى من شمّرٍ طفلٍ غرير

    وما أهاب ولا يزلزلني غضب
    الشجاعة ورث والعاقل غزير

    يا صغيّر ما يكبَّر باللقب
    غير من هو كان من دونه صغير




    ((رحمه الله واسكنه فسيح جناته))​
    جاري تحميل الصفحة...
    آخر تعديل: ‏18 ديسمبر 2008
  2. mr.hrbi
    Offline

    mr.hrbi .. عضو مميز .. .. عضو مميز ..

    إنضم إلينا في:
    ‏15 سبتمبر 2008
    المشاركات:
    7,938
    الإعجابات المتلقاة:
    495
    نقاط الجائزة:
    0
    عبـــــدالرحمــن بن مســـــــاعـد





    احترامي للحرامي



    احترامي للحرامي ..

    صاحب المجد العصامي ..

    صبر مع حنكة وحيطة .. وابتدا بسرقة بسيطة

    وبعدها سرقة بسيطة .. وبعدها تعدّى محيطه

    وصار في الصف الأمامي

    احترامي .. للحرامي

    صاحب المجد العصامي

    صاحب النفس العفيفة .. صاحب اليد النظيفة

    جاب هالثروة المخيفة .. من معاشة في الوظيفة

    وصار في الصف الأمامي

    احترامي .. للحرامي

    صاحب المجد العصامي

    يولي تطبيق النظام .. أولوية واهتمام

    ما يقرب للحرام .. إلا في جنح الظلام

    صار في الصف الأمامي

    احترامي .. للحرامي

    صاحب المجد العصامي

    يسرق بهمة دؤوبة .. يكدح ويملي جيوبة

    يعرق ويرجى المثوبة .. مايخاف من العقوبة

    صار في الصف الأمامي

    احترامي .. للحرامي

    صاحب المجد العصامي

    صار يحكي في الفضا .. عن نزاهة ما مضى

    وكيف آمن بالقضا .. وغير حقة ما ارتضى

    صار في الصف الأمامي

    احترامي .. للحرامي

    احترامي للنكوص .. عن قوانين ونصوص

    احترامي للفساد .. وأكل اموال العباد

    والجشع والازدياد .. والتحول في البلاد

    من عمومي للخصوص ..

    احترامي ..

    للصوص !!


    ........................................ .......... ...........



    رحل




    رحل أشتاق لجراحه

    رحل

    أشتاق لجراحي... رحل

    يحق له طيبتي ماتحتمل

    قليله في وقت الهموم

    ماكنت اعتب او الوم

    يحق له مايحتمل .. هذا الملل

    اسدلت أيام لعناده

    حبيته في قربه .. وبعاده

    متعبه هذي السعاده

    رحل أشتاق لجراحه

    رحل


    ........................................ .......... .............



    تعاريف



    الشوارع
    مستقبل الماضي المضارع

    الكراسي
    مصدر افراح ومآسي
    لا هي تبارك لجالسها الجديد
    ولا هي لأهل تاركها تواسي.

    الكراسي عامدة
    تهزأ بنا وهي جامدة
    الصرير اللي من قوائمها
    يقول: ما في احد منكم أساسي

    المواطن
    شخص تخفاه البواطن
    شخص ما هو لمصلحة مستقبله فاطن
    المواطن في جميع الأزمنة و الأماكن
    دومه ماكل و شارب وساكن
    ما يبي غير الذي يقدر يفكر له
    يبين له
    يقرر له وش الفاتح من الألوان و وش الداكن
    المواطن كفء عاقل محترم لكنه شخص جاهل بالبواطن.

    الذكاء
    انك تلاقي مكانك بين اكوام الغباء.

    الجود
    العطا بحدود
    او بمعنى آخر انك تعطي اكثر من الموجود.

    الحياة
    الممر الكهل بين الولادة والممات
    او بمعنى آخر نقول المسافة بين جبهة متجه صوب السجود وبين سجادة صلاة .

    السياسة
    السياسة فن والدنيا ومسارح
    ولأجل تحقيق المصالح
    تقدر انك تكرهه في داخلك
    وتلعن الطيب في ساسه ..
    لكن ان شفته عليك تقوم له وتحضنه وتبوس راسه.

    الاقتصاد
    ناس تزرع من فجر ربي لين الشمس تغرب
    وناس تصحا في العشا تتولى تقسيم الحصاد .

    السجون
    هي مكان العزل من يخرج على القانون
    وإن غدا القانون جائر تصبح القضبان دنيا وتعزل الخارج عن المسجون.

    النفاق
    رغم اختلافك تبقى آرائك وآراء الذي تخشاه دايم في (اتفاق)
    أو نقول هو انتماءك كل فترة لانتماء
    أو نقول هو ارتماء
    أو بمعنى آخر هرولة صوب اليهود، وبكا على أطفال العراق .

    السراب
    وهم .. ما هو ماء لكن يعطي للضامي أمل واحساس مفعم بالأمل
    والسراب ينادي يا ضامي تعال ما تبقى الا خطوتين وتنعم برشف الشراب
    أو بمعنى آخر نقول
    السراب
    الوعود اللي قطعها المرشِّح للمرشَّح في انتخاب.

    الطواغيت
    ناس تتعلق صورها فكل قرنة وفكل بيت
    ناس تلقى في دولها العيون ما هي عيون والعقل مثل الجنون
    وأصغر الذنب أكبره
    والحديث ذو سجون والعفو عند (المقبرة)

    البخل
    تقتير مع وفرة دخل
    أو بمعنى آخر ووصف وجيز
    عكسه المطلق فعل سلطان بن عبد العزيز

    الحداثة
    الرضوض الناتجة عن ارتطام الشهب باسراب البعوض
    ما هي طلاسم او غموض
    او بمعنى آخر نقول الحداثة : واحد زائد واحد يساوي ثلاثة

    العبث
    تمنع دخول كتاب أو تخفي حدث أو اعتقادك أن لك تأثير
    وإن هالعالم برأيك أكترث
    أو بمعنى آخر نقول العبث حاكم يرسل كل صبح لمعركة
    وفي المسا من زود تقديره لهم يحرص على رجوع الجثث


    الصفر
    الصفر كشف جليل من اكتشافات العرب
    يظل برهان ودليل على الشروق اللي غرب
    نقدر نقول إن الصفر انجاز تعدى وقته
    في وقت غابر أوجدوه ومن يومها وهم تحته

    الفقر
    الفقر هو غنى فاحش هناك ومستقر
    الفقر مطلب ضروري لأجل تتسوق شعارات القناعة
    والصبر لأجل يطلب صاحبه انصاف ما بعد القبر


    =.=.=.=.=.=.=.=.=.=.=.=.=.=.=
    الاقتصاد
    ناس تزرع من فجر ربي
    إلين الشمس تغرب
    وناس تصحى في العشا
    تتولى تقسيم الحصاد

    بغداد
    حضارة شاهقة
    وأمجاد
    أقدار صلفة
    وشعب يفاخر بنزفه
    وتحتاج الحكاية لص
    يصير الأقوى بالصدفة
    ويكون القاضي والجلاد
    وبحسن إعداد
    وقدرة فائقة
    في البطش والتنظيم
    وبداعي خوفه
    الأطماع والتقسيم
    والأنواء
    يقسّم شعبه لأجزاء
    جزء يعيش في المنفى
    وجزء في عيشته منفى
    ومواطنين
    معززين مكرمين
    مقرنين
    في الأصفاد

    بغداد
    خبر لو أنها أنداد
    مدينة .. بائها بوابة التاريخ
    ودالها دنيا من الأمجاد
    سنين صلفة
    وشعب يفاخر بنزفه
    وتحتاج الحكاية لص
    يصير الأقوى بالصدفة
    ويوطد حكمة الأوغاد

    السجون
    هي مكان
    لعزل من يخرج على القانون
    وان غدا القانون جائر
    تصبح القضبان دنيا
    تعزل الخارج عن المسجون

    النفاق
    رغم اختلافك
    تبقى آرائك وآراء الذي تخشاه
    دايم في اتفاق
    أو نقول : هو انتمائك
    كل فتره لانتماء
    أو نقول : هو ارتماء
    أو بمعنى آخر نقول : النفاق
    هروله صوب اليهود
    وبكى على أطفال العراق

    السراب
    وهم ما هو ماء
    لكن يعطي للظامي أمل
    وإحساس مفعم بالرجاء
    والسراب ينادي : يا ظامي تعال
    ما بقى الا خطوتين
    وتنعم برشف الشراب
    أو بمعنى آخر
    نقول : السراب
    الوعود اللي قطعها
    المرشح للمرشح في انتخاب

    الجزيرة
    الجزيرة من قديم الوقت تُعرف :
    بالمكان اللي يحيطه ماء من كل الجهات
    وفي جديد الوقت دولة
    ما عجبها وضعها وسط الخريطة
    قالت اتعدى حدودي ..
    و اثبت لغيري وجودي .. في الحياة ..
    و هكذا نقدر نقول ان الجزيرة :
    دولة مغمورة صغيرة ..
    كبرت وصارت قنااة

    التطبيع
    التطبيع .. ربط المصالح للجميع ..
    يبغى عدوك يشتري ..
    ليه ماتبيع ؟!
    ليه مايكون الراعي هو ؟!
    ليه ماتصير انت القطيع !
    وش يمنع ان الذئب يصبح
    حارس الحمل الوديع ؟!

    الإرهاب
    تدبير إجرامي ..
    قتل مدنيين ..
    ترويع أبريا ..
    تطبيق شرع الغاب
    هدم البيوت العامرة ..
    سفك الدماء الطاهرة ..
    قتل الكهل والشاب
    وان قلنا اسرائيل تفعل كذا دوما ً !!
    تقول أمريكا :
    مايعتبر إرهاب !
    كي يعتبر إرهاب .. في شرط إلزامي ..
    يكون إسلامي .. ومدعوم من أعراب

    مؤسسة خيرية
    مشروع يعُنى .. بتخفيف الألم
    والمرض ..
    والكمد ..
    يعنى بتعمير المساجد ..
    والمساكن ..
    والمدارس ..
    والمشافي ..
    داخل وخارج البلد ..
    يُعنى بفك الدين ..
    تفريج الكرب ..
    رفع المشقة والكبد ..
    يُعنى بتقريب المسافة للرغد ..
    مؤسسة خيرية ..
    فرقها عن غيرها ..
    كونها سرية ..
    تعطي ولا يعلم أحد
    مؤسسة خيرية
    عبدالعزيز بن فهد


    ........................................ .......... ...............



    كباريه



    فرقة موسيقية
    كمنجة بثلاث أوتار .. قيتار .. ثلاث طبّالين
    اورق .. ناي .. شاي
    فُرقة موسيقية
    يجون .. كل ليلة يجون .. ومع أول الصبح يسرون
    لجل ثاني ليلة يجون
    هم يعزفون .. وما يعزفون في مكان تسمع فيه الناي قانون
    ازعاج .. صجة .. دجة
    ايقاع خليجي غالبا ً مقلوب
    ايقاع خليجي دائما ً مطلوب
    شباب .. بنات ترقص .. والعطر في اول الرقصة حلو ..
    وفي آخر الرقصة هبوب
    غناء وطرب .. عرض وطلب
    واحد يغني .. بدلته تلمع .. يُفترض فنان
    ياليلة دانة لدان
    قرقعت كيسان .. دخان .. ما اسعد الشيطان
    ضوء خافت .. كل شي حلو والضوء خافت
    كل شي كذب والضوء خافت

    وفي اطرف الصالة .. هناك اثنين .. واحد يقول :
    - " شفت هاذيك الطويلة اللي ترقص " ؟
    الثاني - " وين؟ "
    - " هاذيك اللي مع حسين "
    " واعدتها البارحة وجتني .. مالومها حبتني ..اعطيتها ألفين "
    " مسكينة هي ..
    ماودها تجلس في ملهى ..
    بس انها تساعد اهلها "
    الثاني قال : " كل البنات اللي هنا تساعد اهلها "

    غسان .. غسان .. مدير هالصالة
    ركض غسان .. وصل فلان .. وصل المهاب .. معاه عشر اشخاص
    ركض غسان " اهلين وسهلين ..شو هالحلو..يخزي العين "
    الفرقة تنهي الأغنية .. وتعزف بسرعة ..
    " حمد لله ع السلامة .. ياجاي من السفر "
    أحلى طاولة للمهاب .. طاولة على البست
    لفلان اللي من اسبوع كان لابس البشت ..
    اليوم على البست

    غسان قلقان .. مضت ساعة .. وما نقّط أحد
    نادى " ياجارسون " وحط يده في جيب البنطلون ..
    " خذ هالألفين ..على المغني ارميها .. وشاور على فلان "
    ادريس قام " فلان ينقّط وانا لا.. ياللإهانة .. والله لنقّط "
    - " يادريس لا .. هذي فلوس التذكرة .. وشلون نرجع .. السفر بكرة "
    ادريس قال " بكره اروح لفلان احلف له
    ( انسرقت فلوسي .. الاوتيل غالي .. وانا معي عيالي )
    وارجع انقّط "

    جارسون هناك يحكي مع زميله
    غسان قال " الفواتير ماتنزل الا آخر السهرة "
    الحق معه .. بهذا الوقت .. مافيه احد يقرا
    جوزيف وين .. اليوم فل .. ودوه للشرطة .. غسان شافه يسرق من النقطة
    والكل عارف .. الثلث للفرقة .. والثلث للنمرة .. والثلث للصالة
    وكله لغسان

    طلعت الشمس .. الساعة ثمان
    الكل سكران .. الكل تعبان
    ماعدا غسان " قفل الصالة ..الوعد بكرة "


    ........................................ .......... ..............



    قالت احبك



    قالت احبك
    واحضنتي ثم ٍ قالت من انت ؟؟
    وضحكت .. ثم ٍ بكت
    ثم ٍ حكت .. ثم ٍ سكتت
    ثم ٍ قالت لي من انت !!

    اللي جرى .. ماهو غريب
    الزمن فعله .. عجيب
    نسّاها اسمي ..
    نسّاها حبي ..
    نسّاها دمعي ..
    في يوم انا ..
    في احضانها طفل وحبيب !!

    ياهي جرحتني .. يوم نكرتني
    حاولت اداري عبرتي .. بس ماقويت
    خانتي دموعي .. وبكيت
    وبعدت عنها واتبعتني وامسكت يدي
    واحضنتي ومسحت دمعتي من فوق خدي
    رجعت البسمه لشفاي
    نسيت انا همّي وشقاي
    صرخت للدرب الطويل
    لا مانستني .. مستحيل
    الزمن او اي شي ..
    يقدر يقسيها علي
    يقدر ينسيها هواي
    وفجاءه سكتت
    ثم ٍ ضحكت
    ثم ٍ قالت لي من انت ؟


    ........................................ .......... .............



    قالوا ترى



    قالوا ترى مالك امل في قربها لو يوم
    ابعد وجنب دربها ..هذا هو المقسوم
    قلت اتركوني واسكتوا..خلو العتب واللوم
    قدني غرقت في بحرها..ولاعاد يفيد العوم

    قالوا ترى في حبها ويل ..واسى..واهموم
    قلت ان قتلني حبها ..حسبي تقول مرحوم

    قالوا انسى ذكرها..منتب بها ملزوم
    قلت ابشروا ياعذلين..بنسى لذيذ النوم

    قالوا بتلقى غيرها..واترك هواها اليوم
    قلت العفو ياحاسدين ..ما ابدل القمر بنجوم

    قالوا لغيرك حبها..قلت الجواب مفهوم
    دام انها متهنيه..وشلون اصير محروم

    بقضي الليالي انتظر..صابر على المقسوم
    متعلق بطرف الأمل .. يمكن يجيني نوم

    قالوا ترى مالك امل ..في حبها لو يوم
    ابعد وجنب دربها..وهذا هو المقسوم


    ........................................ .......... ...............



    الشهر



    ياللي تحبيني شهر ..
    ثم ٍ تجافيني شهر
    ثم ٍ تحنيلي شهر .. وتفكري كيف الرجوع كذا شهر
    وترجعيلي في شهر ..
    ماقد خطر في خاطرك .. ان السنة اثنعشر شهر ؟!
    وقتي معك نصفه هموم
    ونصفه الباقي اسى .. ولو طبعك القاسي نسى
    وبالصدفة جاء مرة صباح .. وكلمة منك فرحتني
    لابد ما همس الجراح .. تسمعيني في المسا
    ولو تعتب جروحي عليك .. وتشتكي منك إليك
    بترجعي تحبي شهر .. ثم ٍ تجافيني شهر
    ثم ٍ تحنيلي شهر .. وتفكري كيف الرجوع كذا شهر
    وترجعيلي في شهر ..
    ولا يجي في خاطرك ان السنة اثنعشر شهر

    اعذريني لو اقول .. حبك نسى معنى الفرح
    اعذريني لو اقول .. وشلون يذكرنا الفرح ؟!
    مادام اذا كنتي قريبه .. كل تفكيري يكون ..
    بُعدك متى ؟! .. وإلى بعتي ابلا سبب
    الاكيد بترجعي .. بس الأكيد هذا متى ؟!
    ولو تعب مني الصبر .. وملّ من صبري العذول
    وقلت ياناس اسألوها .. الحب هو كله هجر ؟!
    ردك يجيني في شهر ..
    قالوا تقول :
    " ماينتظر .. بس يشتكي !
    يصبر عليّ .. ترى السنة اثنعشر شهر " ؟!


    ........................................ .......... ...................



    شبيه الريح



    شبية الريح
    وش باقي من الآلام
    والتجريح
    وش باقي من الأحلام
    وش باقي من الأوهام
    غير اني .. الاقي في هجيرك فيّ
    الاقي في ظلامك ضيّ
    واوقد شمعتي في الريح
    شبية الريح
    اذا تسمح بغيب شوي
    ابجمع همي الباقي
    وادفن صبري الذابل في أوراقي
    و برجع لك اذا باقي بنفسك شي

    شبية الريح
    أنا مقدر أكدر صفوك العاصف
    شبية الريح
    أنا من لي سوى إحساسك الجارف
    بقايا زيف أشواقي
    سما أمطار أحداقي
    شبية الريح وش باقي
    ابي أعرف
    متى تسكن رياحك
    وابي أعرف
    غرورك هو متى يطلق سراحك
    وابي أعرف
    متى تعصف
    متى تعطف
    متى تنزف جراحك
    وابي أعرف
    إذا باقي في بحرك موج اكسر فيه مجدافي
    وابي أعرف
    إذا باقي في همك هم ماشالته أكتافي
    وابي أعرف
    إذا باقي في هالدنيا حزن مامرني واستوطن أطرافي
    وابي أعرف
    إذا باقي من المعجز في هالدنيا
    سوى العنقاء
    والا الغول
    والا خلك الوافي
    بقايا زيف أشواقي
    سما أمطار أحداقي
    شبية الريح وش باقي ؟!

    سنيني يم
    وقلبي المركب المتعب وانت الريح
    مجاديفي عذاب وهم
    وزادي الوجد والتبريح
    وصبري صبر بحّارة
    بغوا في اليم محّارة
    غشاهم موج كان من الغضب أغضب
    وكانوا للهلاك أقرب
    لولا كثروا التسبيح
    شبية الريح
    حبيبي الأصدق الأكذب
    عجزت اوصل شواطي طبعك الأعذب
    تعبت أنطر في وسط العاصفة
    قلب وشعور وعاطفة
    تعبت أجمع ألم كل الموادع
    في المواني وأحضن أطيافك
    تعبت السهد في ليل الشوارع
    والثواني تنطر انصافك
    تعبت الظلم واجحافك
    شبية الريح
    أنا ودي أكدر صفوك العاصف
    شبية الريح
    أنا كني نسيت إحساسك الجارف
    بقايا زيف أشواقي
    سما أمطار أحداقي
    شبية الريح
    كيف أسألك : وش باقي ؟
    وأنا الباقي من إحساسي
    ذرته الريح


    ........................................ .......... ..............



    سبعة ارقام وجفا

    بيني وبينك سبعة ارقام وجفا
    عندي بقايا جرح وعندك بقايا وفا
    لاجزا الله هالدنيا خير
    في كل لحظة طبع غير
    ياللي جفاك طوّل
    ترى المغيب اقبل
    وما عاد به شي ٍ نخافه
    لامن غدت كل المسافه بيني وبينك سبعة ارقام
    سبعة ارقام وجفا

    بيني وبينك كان شي ٍ يسمى حب
    كنا بنقطع به درب ٍ طويل ٍ صعب
    فيها الحسد والخوف
    فيها العذول اللي يستمع بالشوووف
    فيها الرجوع اصعب من النسيان
    فيها الصديق اقسى من الانسان لامن جرح انسان
    ياللي احبك غصب
    الدرب ماله درب
    وكل شي صرنا نخافه
    دام انها كل المسافه .. بيني وبينك
    سبعة ارقام وجفا

    ياللي ضيعتي الوفا
    اليوم ضيعني الوفا !
    اقبلي مني الجفا .. واقبلي عمري اللي ضاع
    وارضي لي ب الهم رفيق
    ولا لمحتي مركبي في بحر حبك غريق ..
    ابعدي .. لاتضعفي .. لا تمدي لي الشراع
    ياللي قتلتي كل شي
    ما ابغى منك الا شي
    حققي لي اللي ابي واقبلي مني الوداع
    ولاذكرتي ما مضى ... اكتبي سر الضيااع
    سبعة ارقام .... و دفا ,,,



    ........................................ .......... .................




    تعالي


    تعالي مابقى حولي .. سوى ظلي وبُعدك
    بَعدك ألهب أيامي أنا قيض الملل
    في بُعدك ضاع من ليلي الدفى والأمل
    غدت متشابها الأيام .. تلاشى النوم والأحلام
    أنا لحالي .. تعالي

    تعالي .. مالقيت أصحاب
    يحلف لك .. أنين الباب
    انه مابقى حولي .. سوى ظلي وبُعدك

    ماغدى للشمس معنى .. من تركتي ..
    سوى القيض
    وماغدى لليل معنى .. من هجرتي ..
    الا الكدر والغيض
    وماغدى للأجوبة في خاطري .. الا سؤال !
    ليه .. ليه ؟!

    يالأمان اللي أبيه ..
    في غيبتك .. مابه ربيع و ورد
    يالأمان اللي أبيه ..
    في غيبتك مافي العمر الا الشتا والبرد

    من رحلتي .. مابقى في مسمعي الا بُكى الريح
    ومابقابي من البُكى .. سوى قلب ٍ جريح
    ومابقى حولي أحد يسمع سؤالي ..
    من فيني يبالي ؟؟؟
    من غيرك في بالي ؟؟

    تعالي .. مالقيت أصحاب
    يحلف لك .. أنين الباب
    انه مابقى حولي .. سوى ظلي وبعدك

    تعالي ... تعالي
    ضاعت الأحلام ..
    وماظني بلاقيها لحالي ..
    تعالي .. نبعد الألام من حولك .. وحولي
    تعالي ..

    لجل حربي مع الغربة .. مع الوحدة ..
    أبيلي سلاح حبك ..
    لجل حربي مع اللي جاي
    بلاقي قوتي في ضعفك
    لجل حربي مع نفسي ..
    أبيلي سلاح منك
    أبيك انتي .. تعالي
    أبيك انتي .. تعالي

    باكر أجمل .. من خيالك
    أو خيالي

    تعالي .. وان لقيت أصحاب ..
    مايسكت أنيين الباب ..
    الا لو لقى حولي دفى حبي وحبك
    تعالي


    ........................................ .......... ...................



    تدرين وادري

    تدرين وادري بنفترق
    تدرين قلبي بيحترق
    حنا اتفقنا في كل شي الا الزمن
    عيى الزمن لا نتفق
    ولاتزعلي لو نفترق
    قلبك خلي
    وقلبي انا اللي بيحترق

    ياوردة في كل الفصول
    يافرح عيّى لايطول
    قولي واقول
    ان كان عندك لي حلول
    يافرحة القلب الحزين
    الوقت يمر ..
    ومالك عذر
    كانك تبين ننسى العمر ..
    ننسى السنين
    وانذوب في حب وحنين
    تدرين وش سر الحكاية
    الوقت يمر .. ولكل شي لابد نهاية
    وحنا قربنا من النهاية
    ومالك عذر
    يابسمة الثغر الخجول
    ان كان عندك لي حلول
    وان كان ودك نتفق
    والا ترانا بنفترق
    ولاتزعلي لو نفترق
    قلبك خلي
    وقلبي انا اللي بيحترق

    ياحب .. يادنيا جديدة
    يا احلى ابيات القصيدة
    ان كان جرحي ما كفى
    انزفلك جروح ٍ جديدة
    وان كان شعري ماوفى
    انسى الحكي وانسى القصيدة
    يا احلى ايام العمر
    كثر الحكي وش بيفيد
    ومابقى عندي صبر
    والجرح في قلبي يزيد
    مالك عذر
    يابسمة الثغر الخجول
    ما اظن عندك لي حلول
    وما اظن ودك نتفق
    واحنا ترانا بنفترق
    ولاتزعلي لو نفترق
    قلبك خلي
    وقلبي انا اللي بيحترق


    ........................................ .......... ...............



    الصبر

    الصبر ... مالي انا الا الصبر
    الغدر .. وشلون جاء منها الغدر
    ياقلب ابي منك العذر
    انا ما هقيت ان الفجر يقدر يخون وقت الفجر
    وان السنين تقدر تمر ابلا عمر
    لا ماهقيت ان الوفا في قلبها ماله قدر
    واني انا محتاج مني الصبر
    ياقلب ابي منك العذر .. وان مارضيت مالي جدى كود الصبر
    ياجرحي في كل الدهر فارقت انا الدنيا
    يا طعنةٍ وسط الظهر .. لابد انا انساك
    بنسى انا كل اللي راح .. بنسى الفرح لجل الجراح
    بنسى قصيدي والشعر .. بنسى سنيني والعمر
    مع الهجر يمكن في يوم اسلى
    وان ماسليت او ما نسيت
    منك العذر .. مالي جدوى كود الصبر
    ياللي خذلتي مدمعي .. ان كان ودك ترجعي
    عندي طلب .. لاترجعي
    ياللي خذلتي مدمعي .. ان كان ودك ترجعي
    شرطي صعب ! ..
    لو تجمعي آهات قلبي اللي انجرح
    وتنسي السعادة والفرح
    وتتعذبي
    وبعد العذاب تتعذري


    ........................................ .......... ...............



    استاهلك

    ابسألك .. هو أنا استاهلك ؟!
    استاهل الدمع اللي جرّح وجنتك ؟
    استاهل اني اعشقك ؟
    ابسألك عن حالنا .. انتي وانا
    ياللي احس .. انك انا
    حالنا ما هو غريب
    انّا نكون متأكدين ان الفراق ما هو بعيد
    بالرغم من جرح السنين
    عشقنا دايم يزين
    ماهو غريب .. اني لو مرة في همي
    نسيت وبكلمة جرحتك
    قبل ما تتألمين .. اللي ينزف هو دمي
    ابسألك ماهو غريب .. استاهلك
    ابسألك لو قلت لك ان الحنان اللي في قلبك
    ينبت من الصخر الزهر ..
    وان النهار اللي في خدودك يخلي النسمة عطر ..
    وان العذاب اللي في عيونك يعلّم الناس الشعر ..
    ولو قلتلك اني احبك اكثر من هموم البشر
    وكثر الجفا وكثر السهر ... لو قلت لك
    وانك اقرب من عيوني للنظر
    كل الذي اقدر اقوله
    واللي ما اقدر اقوله
    استاهلك .. حبيبتي ؟!
    وباجاوبك .. للأسف ما به احد يستاهلك


    ........................................ .......... ...................



    تعبت أنزف جراحي



    تعبت أنزف جراحي حبر و أدور للألم أسباب

    لجل أكتب شعر يحكي بعض أصغر معاناتي

    قفلت من الأسى بابي وسجنت الكون خلف الباب

    وعصتني دمعةٍ فيها سؤال لكل اجاباتي

    ملل أخبار حسّادي أحد صادق وأحد كذاب

    و أحد ما طال تجريحي و أحد عايش لزلاتي

    أنا شاعر رغم أنف الحسد والحقد و الأحباب

    وانا ياحاسدي المسكين بعيد العيب عن ذاتي


    أنا ما زادني شعري ولا زادتني الألقاب

    تجي دنياي أو تدبر عزيز ف كل حالاتي

    أنا فرحي لمِن حولي وأيامي فدى الأصحاب

    قصيدي بلسم المجروح ونبض الناس أبياتي

    كسرني قلبي المكسور نادت دمعي الأهداب

    تعبت أركض ولا أوصل ولاتوصلني غاياتي

    أبي ذل ٍ يغطي الأرض لك يا رب يا وهّاب

    وابي أحيا جبيني فوق ما تملكني رغباتي

    من الدنيا أنا مابي سوى عفو العلي التواب

    ويحسن خاتمة فعلي ويغفر لي ضلالاتي

    أبملا العمر "بالتوبة" و "نوح" و "هود" و"الأحزاب"

    متى كانت سنيني عمر انا عمري في ركعاتي


    ........................................ .......... .............



    انا ماشي



    الا يا قلب نبضي ..
    يا سما دمي ووجداني
    فمان اللي عطاكي كل طهر الأرض ..
    أنا ماشي ..
    هذا كان اخر مانطق قلبي ..
    وأول نبض في لساني
    وتلاشى النطق ..
    وعصر حزن الوداع اللي حضر قلبك دموع ..
    بكت ادفى دموع الخلق ..
    وسرى في داخلي برد الخشوع
    وغير العطر ودموعك وجرحي من وداعك ..
    مابقالي ..
    استعفر اللي صورك مما طرالي
    طرالي يادفى عمري..
    وياترحالي وحلي
    ارشف دمعك الطاهر .. واغسلبه واصلي
    واحمد ربي اللي بك حباني
    الا يا ام اجمل من سكن قلبي
    ويا داري وعنواني
    فمان اللي عطاكي كل طهر الأرض ..
    أنا ماشي ..


    ........................................ .......... ................



    فقير



    فقير وعندي المال الكثير
    فقير وملبسي غالي حرير
    ويا صاحبي الحافي الفقير
    ابنشدك ابسألك وشهو الحصير !!
    وابسألك وشلون انا امر وانهي
    واذا حكيت قبل انتهي من كلمتي
    يقاللي سم ويصير
    ولاشكيت من غفلتي طوّل زمنها
    يقاللي لاتشتكي .. ماخلقت الشكوى لأمير
    وابسألك وشلون انا مع كل ذا .. اقول عن نفسي فقير ؟؟؟
    ياصاحبي لاصار للضحكه ثمن
    وصاروا اصحابي كثير بس بثمن
    والوفاء مابه وفاء الا بثمن
    ابسألك ماني فقير ؟؟؟
    ولاصارت اقوالي حكم
    ولاقالها غيري غدت حكيٍ قديم
    ابسألك ماني فقير؟؟
    ولاصرت انا مانيب انا
    ولاغلطت قالوا صحيح .. وكل شي اعمله يصبح عظيم
    ابسألك ياصاحبي ماني فقير؟
    وياصاحبي ابنشدك لامن جفتني دنيتي
    وابتدأ الدرب الطويل اللى ابد ماينتهي
    وانتهي العز القديم وماكنت اظنه ينتهي
    والموت بدد فرحتي .. وحطوني في قبر ٍ صغير
    وحزنوا علي .. وبكوا هلي وناس من ربعي قليل
    وارتاح من وجهي كثير
    وبقيت وحدي في حيرتي مابه احد
    لا طال عمرك ولا تحت امرك
    ماغير انا وخوف ولحد وحساب قدامي عسير
    وقتها ذكرت اني من زمان
    يوم انه امهلني الزمان
    هذا ظلمت .. هذا جرحت .. ياما كذبت
    وذنوبي ماتحصي كثير
    وقتها الىَ ندمت .. ونفسي كرهت
    عرفت ان الله كبير وان الهلاك اصبح اكيد
    واني انا مالي رجاء .. ولاهروب من الدجى
    من الجحيم الا بأمل عندي وحيد
    ان الله غفّار ورحيم
    ابسألك ياصاحبي عني أنا في وقتها
    ماني فقير


    ........................................ .......... ...................



    سيد جروحي



    سيد جروحي شمس عمري وظلي = البعد طوّل والخطأ منك واضح
    اذا غرورك يمنعك تعتذر لي= تعال جنبي وابتسم لي واسامح
    تدري احبك لكن الموت ذلي= ادوس انا قلبي لو الشوق جامح
    الله عطاك الحظ واصبحت خلي= والله عطانياك طاغى ملامح
    سألتني يا ياسميني وفُلي = ياكيف يشفى الورد .. والشوك جارح
    مثل العيون اللي لها كل كلي = زايد حلاها لكن الدمع مالح
    وش تنتظر يكفي دلال وتغلى = الوقت ماهو للوصل دوم سانح
    مادمت ترحالك ومادمت حلي = ان صرت انا خسران ماصرت رابح
    لا تعطي الفرصة لعذالنا اللي = لكل ماهو يهدم الحب طامح
    مالك صبر عني ومالي تسلي= والوقت خيل صوب الآجال رامح
    سيد جروحي شمس عمري وظلي = الحب بعد وقرب .. مخطي وصافح
    اذا غرورك يمنعك تعتذرلي = لا تعتذرلي قول اسمي واسامح


    ........................................ .......... ................



    قد الحروف



    قد الحروف اللي في اسامي العاشقين بحبك
    قد الثواني والدقايق والسنين بحبك
    قد الهموم اللي في قلوب البشر
    قد العيون اللي كحلها السهر
    قد ما قلبي اشتكى من نار حبك
    قد ما ليلي حكى عن طول بعدك

    قد الحروف اللي في اسامي العاشقين
    قد الدموع اللي في عيون المجروحين
    قد الحروف اللي في اسامي العاشقين
    قد الدموع اللي في عيون المجروحين
    أنا بحبك

    ليه القمر
    غالي عليه يمكن علشان في نورو وبعدو في حاجه منك
    ليه الشتا
    في قلبي حزين يمكن علشان برضو في قساوتو فيه حاجه منك

    ليه السحاب
    بعشق بياضو يمكن علشان زي قلبي في قربي منك
    ليه المطر
    يصعب عليه يمكن علشان زي دمعي في بعدي عنك

    ليه لما تبعد عن عنيه بخاف عليه وبخاف عليك
    وبرضو منك

    ليه لما أشوف في السما نجوم كثير منها بغير
    ليه لما أشوف في السما نجوم كثير منها بغير
    ليه لما أشوف في السما نجوم كثير منها بغير
    يمكن علشان قد السما وقد النجوم بحبك

    آآآآآآآآه بحبك

    قلبي وعنيه يجرى ايه لو دمعة نزلة من عنيه يوم عليه
    يجرى ايه لو طمنك خوفي عليك وكنت ياما قاسي عليه

    يجرى ايه لو ليله جربت السهاد
    يجرى ايه لو عذبك طول البعاد

    يجرى ايه لو يوم هجرتك
    وجيت تاني يوم وقلت لي اني وحشتك

    يجرى ايه لو عاتبتك وعاتبتني
    وسامحتني وسامحت نفسك

    آآآآآآآآه يجرى ايه............

    لو قلت لي قد الحروف اللي في اسامي العاشقين بحبك
    بحبك
    بحبك


    ........................................ .......... ..............



    انا اخطيت ماانكر



    أنا مدري وش أحساسك
    ومدري وش تظن
    انا الصادق في عينك كنت
    صرت الكاذب الخوان
    انا اخطيت ما انكر ولافي عذر يكفيني
    سوء اني احبك حيل واني دايماً انسان
    انا ادري بمدى جرحك
    وادري الحظ جافيني
    يطول الوقت ما أخطي
    واذا اخطيت كل شي بان
    انا شفت الزهر مايل وظنيته يناديني
    قطفته يوم ضميته لقيته للأسف ذبلان
    عرفت انك زهر عمري عرفت انك بساتيني
    وغيرك قيظ مايروى سراب يشقي العطشان
    انا لو ماحصل ماكان وشو الى يدريني
    بأنك ماسواك أنت سكنت القلب والوجدان
    انا اسف على اعذاري عجزت القي عذر فيني
    يليق بغلطتي في حقك ويرجع كل شي كان
    احبك كثر أخطائي
    وادري انك تحبني
    وادري لو تفارقنا فلانقدر على النسيان
    اذا تقوي على فراقي وبعدي عنك خليني
    انا مليت من دور الكراره ولعبت الغفران
    قليل العمر يالي انت دموعك ماتساويني
    حرام انه يضيع فراق هي من قلها الإحزان


    ........................................ .......... ................



    (( عيونك اخر اَمالي ))



    عيونك آخر آمالي وليلي أطول من اليم

    كيف ألقى كلام عذب يوصف دافي إحساسي

    عشقتك قبل ما أشوفك وشفتك صرت كلي حلم

    أبي رمشك يغطيني وأبيك أقرب من أنفاسي

    يهمك تعرفي إنك قتلتي في سنيني الهم

    قتلني ضحكك .. وجدك .. قتلني لينك القاسي

    رميت أقداري في دربك وصرتي في عروقي الدم

    أحبك كثر ماسالت دموع وما نسى ناسي

    يجول الحزن في ضلوعي بردت وذاب فيني العظم

    ويا كثر الحطب حولي وعندك أنكسر فاسي

    سألتك بالذي زانك تحبي فيني حتى الظلم

    تحبي عيوبي وغدري تحبي المر في كاسي

    أنا من كثر ما أحبك أبيك كثر رمل اليم

    وأبيك فوق الناس وأبي ماينحني راسي


    ........................................ .......... ..................



    اسئل الأعمى



    --------------------------------------------------------------------------------

    اسئل الاعمي .. ان كان في نومه يشوف

    ليه يصحى

    واسئل الى مادرت عنه الهموم

    الى درا ان العمر محدود

    وان الفرح مهما اختفي.. موجود

    اسئله ليه ينوم؟

    وان جاوبوك اسئلني ليه حنا افترقنا

    ياصاحبي مابه سبب لفراقنا

    غير اننا جينا بزمن ماهو زمنا

    ياصاحبي مابه سبب لفراقنا

    غير اننا في حبنا عشنا الصدق

    وفي وقتنا وشهو الصدق

    في وقتنا لجل القاء تكذب

    ولجل تاصل ماتبي تكذب

    ياصاحبي خذها من جرحي نصيحه

    كانك تبي تاصل ؟ اكذب .. اكذب .. اكذب

    الصدق في وقتنا اصبح فضيحه

    في وقتنا دايم تهيم في شي ماتعرف مداه

    دايم تهيم فلي بعد عن سكتك

    والي زهد في محبتك

    والي فيدك ومتحمل جروحك معك

    مايهمك تنساه

    ولو تقتله مايالمك وبقدامك تاطاء على دماه

    ياصاحبي وقتنا في اوله ضيعنا اولا القبلتين

    وفي آخره الله اعلم وش بيبقي

    في وقتنا صار الغدر شيٍ عظيم

    والوفاء ماظنتي ان كان بتدور بتلقى

    ياطاحبي في وقتنا اطول مسافه ممكنه

    تمشيها بين النقطتين

    الخط المستقيم

    ياصاحبي في وقتنا وقت الالم

    من يسمعك مهما حكيت

    من ينصفك مهما شكيت

    منهو الى مايضحك اذا ذلتك دنياك وبكيت

    ياصاحبي في وقتنا

    ماللمشاعر ناس

    ياصاحبي في وقتنا لبعض القلوب احساس

    ياصاحبي في وقتنا وقت الكلام

    وقل الفعل لامات احد وانتقل لعلا رفيق

    من طيبنا نحزن عليه

    نصلي عليه

    ناصل معه للمقبره

    وفي المقبره غير الدعاء وقولت الله يرحمه

    مابه كلام وندفنه .. ولادفناه نبكي

    بدون دموع او بدموع

    المهم بعد مانبكي نتركه ونروح

    وتلقانا نقول مسكين يافلان مسكين

    من دنيتك وش الى خذيت؟

    وبعد باب المقبره بشبرين

    واقل من الدقيقه لامن دخل فينا الزحام

    من طيبنا نضحك ونسمع اغنيه

    لجل نتسلي في الطريق بين المقبره والبيت

    ياربي سبحانك يالي تجير من العذاب

    قلوبنا وش صابها ؟

    في وقت غدا بين الحياه والموت

    وبين البكاء والضحك

    شبرين ودقيقه وباب

    ويدننا الى قد حثت في وجه ميتنا التراب

    هي نفسها الى بعد شبرين واقل من الدقيقه

    اختارت شريط وحطته لجل تقتل طول المسافه

    بين المقبره والبيت

    ياصاحبي في وقتنا احسن كثير

    من بعضنا

    في المقبره على الاقل ميت وندري

    المشكله متنا ولالحين ماندري

    ياصاحبي في وقتنا ضاع احترام الموت

    في وقتنا حكينا ما اكثره

    وللأسف كل الحكي من غير صوت

    وان كان به فم صدق

    وسمحو يحكي بصوت مانسمعه

    ياصاحبي قدامنا كان اختيارين

    يانجاري وقتنا ونكذب ونخدع نفسنا

    يانفترق لان الفراق في وقتنا

    هو الصدق

    افترقنا

    ياصاحبي كانك تشك في اسباب الفراق

    دور لك اعمي واذا صحى اسئله

    ان كان في نومه يشوف ليه صحي

    وليه افترقنا؟؟؟؟؟


    ........................................ .......... ................



    النظرة الخجولة

    ما سألتوا صاحب النظرة الخجولة

    ..... .. كيف يسهرني وله وجهٍ صبوح

    .. كيف يظلمني وله طهر الطفولة

    ............ كيف يفتنّي وهو دايم يروح

    .. وكيف أنا ألقى ربيعه في فصوله

    .......... دام كذبه صادق وصدقه مزوح


    .. له صفاتٍ تورد العاشق ذهوله

    ............ مستكين صامت وكلّه جموح

    .. أصعب الأشياء و أكثرها سهوله

    ........ أغمض الأشياء و أكثرها وضوح

    .. سهل تغرم به وصعب إنك تنوله

    ........ غامضٍ طبعه وواضح في الجروح


    .. أسعد بشوفه ولكن ما أطوله

    ......... كنّي الوادي وهو أعلى السفوح

    .. يبتسم لا منهم عنّي حكوا له

    ........ ولا حكوا لي عنه أعماقي تنوح

    .. لي بقلبه شيٍ لكن ما يقوله

    ........... وله بقلبي كلّ و لكنّي أبوح

    .. كنّه الغيمه و انا أرجي هطوله

    .......... ما نزل غيثه ولا برقه يلوح

    .. ما عرفتوا ليش تسهرني فعوله

    ....... .. وليه يسكنّي وهو دايم يروح

    .. هو يبيني بسّ أطباعه خجوله
  3. mr.hrbi
    Offline

    mr.hrbi .. عضو مميز .. .. عضو مميز ..

    إنضم إلينا في:
    ‏15 سبتمبر 2008
    المشاركات:
    7,938
    الإعجابات المتلقاة:
    495
    نقاط الجائزة:
    0
    عبدالعــــــزيز بن سعـــــــــود
    الســــــــــامر







    رسول الشوق


    أسمع رسول أشواق قلبي يناديك
    ترقص أماني نشوتي لاجل أشوفك

    وأخذ من ظروف الرخاء وقت واعطيك
    عسى الاماني يبدل اشكوك خوفك

    تغلى يا سيد الغنادير واغليك
    واجيب لك عمر الهنا في كفوفك

    يجوز لي يا زين منك تغليك
    واعرف واقدر يا حبيبي ظروفك

    انا على قربك شفوق وبرجيك
    رجوى أملها بالوصال امعروفك

    يا روح روحي بالغلى كله أعنيك
    ياللي تشوق العين حالي وصوفك


    ........................................ .......... ...............



    سود عيون



    ألا يا عين ياللي ما تنام الليل سهرانه
    تنوح من الفراق اللي معنّيها على الغالي

    حبيبٍ كثرت همومي واساهرها على شانه
    لك الله غير نور العين ما يطري على بالي

    عليه ورود قلبي بالتوجّد هزت اغصانه
    يميل الوقت ولا يعتدل بالحب ما مالي

    محبٍ سامرت عينه على فرقاهم أحزانه
    أهوجس والمهوجس بالهوى ماهوب أبد سالي

    خلقها الله كامل زين سود عيون فتانه
    إلي من غاب لا تنشد عن أخباري ولا حالي

    على مهجة فؤادي كاتبٍ إسمه وعنوانه
    على عيني وفوق رموشها طيفه يورّالي

    عليه القلب من جور المحبه صك بيبانه
    خذا نشوة غرامي والموده بأول وتالي


    ........................................ .......... .............



    جرح الغلا




    يا منتهى حبي وياسي ورجواي
    قلبي عليك من الغلا شب ناره

    حيره وضيقة بال وقبال وقفاي
    في ليلٍ أبطا ما تبيّن نهاره

    أقول لنجومٍ سرت فيه مسراي
    جرح الغلا منهو ضميني بثاره

    ثارٍ يحقق لي مرامي بدنياي
    مع من كمل زين ومقام ووقاره

    ما بيه يجرح قلب من تعّب خطاي
    أبي شعورٍ صدق حبي شعاره

    مثل الشعور اللي تضمه حناياي
    نورٍ يزود إن جاد طيفه وزارة

    بين الحنايا ثابتٍ ما خلفه راي
    مفتاحه الإحساس والروح داره

    صدق الغلا يقصر عنه كل حكّاي
    يا زارعه متى بتقطف ثماره


    ........................................ .......... ................



    كل المرام




    يوم سلهم وابتسم عطب السهام
    شرّعت بالقلب من رمشٍ فتون

    كنت أبا سلم وضيعت الكلام
    وارتسم طيف المشاعر بالعيون

    موقف كن الدقيقه فيه عام
    عشت فيه بكون والعالم بكون

    قلت من ما شفت سلم يا سلام
    يا عسى العذال له ما يفطنون

    يا عيونه ما على رمشك ملام
    الغلا خلا لك الكايد يهون

    فز لك قلبٍ بصدق الحب هام
    والحقايق ما تغيرها الظنون

    ماني أول من شكا جور الغرام
    ومن تفوته رغبته مات مغبون

    بس أنا أول من خطب وده وشام
    لين صار اللي حسبته ما يكون

    يوم جيت وشفت بك كل المرام
    قلت ما غيرك على قلبي يمون


    ........................................ .......... ..............



    متولعٍ برضاك



    ما غير أدور ما يسرك ويرضيك
    متولع ٍ برضاك ورضاك كايد

    يا فاتني طالت مسافة تماديك
    جورك طغا وأنا بيّ الشوق زايد

    سر اهتمامي فيك ماهوب خافيك
    عَلمك قلبك قبل تقرا القصايد

    قصايدي نبضات قلبٍ يناجيك
    متعودٍ من رمش عينك عوايد

    عوايدٍ عنها قبل عام ناهيك
    أقول صد إلين تطفي الوقايد

    لا تجرح رماح الهدب قلب مغليك
    ما به مكان ٍ للجروح الجدايد

    تعرف غلاك ومقصدك من تعلّيك
    تبيني أسلا عن قريبٍ ونايد


    ........................................ .......... ...............



    قصة الحب

    --------------------------------------------------------------------------------


    قصة حب



    يا هاجسي مع طيفها لا تغامر
    البعد همه جور والشوق فتاك

    ما شفتني مع قصة الحب سامر
    في دفتر احلامي على كيفي أقراك

    يا بهجة ايامي على عمري آمر
    عسى الاوامر كلها من فداياك

    يم الوصل في تالي الوقت ضامر
    اسباب والاسباب ما ظن تخفاك

    قصر الغلا لك في خفا الروح عامر
    حدايقه تزهر بها احلام دنياك

    زينك لزين اللي بهالكون قامر
    كن القمر في حضرتك من رعاياك

    اضف الرموش السود فوق المجامر
    والورده اللي حدرهن في طرف فاك

    في رمشك الساهي نواهي ووآمر
    تغري اللي نور دنياه روياك
  4. mr.hrbi
    Offline

    mr.hrbi .. عضو مميز .. .. عضو مميز ..

    إنضم إلينا في:
    ‏15 سبتمبر 2008
    المشاركات:
    7,938
    الإعجابات المتلقاة:
    495
    نقاط الجائزة:
    0
    محمـــــــــــد بـــن الـــذيــــــــب






    يا سليم اثنين قهوة



    القصيده التي اثارت غضب الكثير من الكويتين

    واستفزت شعراء الكويت وكانت لهم ردة فعل قوويه

    ولا نعرف
    هل كان سوء فهم ام لا
    والمعنى في بطن الشاعر


    وهذي قصيدة الشاعر محمد بن راشد بن الذيب


    يا سليم اثنين قهوة تركي وواحد بكيت
    موشته لا سبيل ابن العراقي لا ملاه


    استريت إن جيتك وإن روح الوقت استريت
    قالها واحد من العالم وانا واقف حذاه


    والتفت وقلت يا قلب التعاسة وش بغيت
    لو غرامك شربة الدخان ياحي الشلاه


    البلا آلما يزعج الخافق ونينك فالمبيت
    لين يرفع لي اذان الفجر وتقام الصلاه


    اصلب من الكنكري إن خلطناه بالسميت
    صدمة الشيخان لا ذلوا.. لهم عيال الرعاه


    والدفاع الصلب يكسره الهجوم المستميت
    والشجاع اللي يقارن مستواي بمستواه


    ياهل الدوحه نصيحة كان رحتوا للكويت
    جنبوا عن سوق شرق حسبنا الله وعلاه


    فيه بنت الهاص طاغية على بنت السبيت
    وان لقاها شيبة الديمن تعثر في عصاه


    من هنوف حبها قفى عليَ وما دريت
    حطني في وجهة المدفع ولقاني قفاه


    اتصل بارك الله فيك لا منك فضيت
    والجهاز اللي تنادي لي معه عطني نداه


    ذا كلامك يوم اسمِّعك القصايد بيت بيت
    في الصميم وكل بيت ازين من اللي وراه


    الله اكبر يوم وكدت لي الوعد وضويت جيت
    من تولن وبديتتك على وادي المياه


    انصدمت بعنف في مالا توقعت وغديت
    دمع كاهل ما عرف طعم السعاده في صباه


    كل ماقلت اللقا قلتي اصول الاتكيت
    ما يجوز موعد العشاق اسبق له لقاه


    لو حجزتي لي جناح ملكي وألا سويت
    اللقا لابارك الله فيك لوفرض خلاه


    موقع في الأرض ما لج فيه ذكرى لوفنيت
    الظما والجوع لعيونك ولا زاده وماه


    كن في قلبي مثل شجاره اجنوط الونيت
    لا شحطها اللي ظروف الوقت باحثت خفاه


    اطعنيني لاجل اقول آه بوصالك لا حييت
    وان رحلتي ماطعنتيني بعد ما اقول آه


    سرع ما رحتي وأنا توي من الأعماق جيت
    قلت اعشقك من جديد وماياست من الحياه


    والحقيقة مابغيت ابكي ولكني بكيت
    سالت ادموعي على ذيه وذاه


    ادري ان ماعاد منها شي لكني استحيت
    تحسبين اني بدون احساس وان قلبي صفاه


    ان رحلتي والغلا له في ركون القلب بيت
    يحفظك من سخر الهدهد لبلقيسة سباه


    لو ملكتي غطرسة هتلر وحنكة لزا بيت
    ما تناسيتي ليالي الوصل والحب وجفاه


    اندهي واقولك لبيه ياروحي فديت
    ضحكة كنها مساء الخير من حلو الشفاه


    انتي انتي سبة الغزو العراقي للكويت
    ولو غزى صدام مرة ثانية بغزي معاه





    وهذه القصيده لاحد شعار الكويت :


    يامل جوفن ولعت داخله نار
    نارن سعيره تحرق اللي قربها

    ثارت براكين الزعل والغضب ثار
    والنوم من عيني هجوسي سلبها

    ساهر وانقي بالمعاني والافكار
    واقول في نفسي ابرضي طلبها

    هذي كويت العز وعزها لنا دار
    ياما عطتنا من قلايد ذهبها

    وشيوخنا ناسن حلاحيل واحرار
    آل صباح اللي عريبن نسبها

    وكويتنا ماهمها قول ثرثار
    خبلن يهذري وكلمته ماحسبها

    ياراعي الدفين والعود والطار
    طبل وخل الناس تانس طربها

    منتا بحول الشعر يامخاوي الفار
    جنب وخل النار عالي لهبها

    الشعر بحر ولا يبي غير بحار
    لا هاج موج البحر يعرف سببها

    الشعر دله والمعاني لها بهار
    والقاف نار وفكره اوقد حطبها

    يا محمد بن الذيب صار الذي صار
    حقك وصل والناس خلت عتبها

    بكره اذا طاح الحطب والزمن دار
    بالك تجي يم الكويت وشعبها



    ........................................ .......... ................








    قصة القصيده:

    يقال أن " محمد ابن الذيب " ..
    استضافوه في برنامج اذاعي بالامارات وكان الشخص المرافق له شاعر اماراتي اسمه جراح !!
    وبعد ما انتهت الاستضافه ..قام الشاعر الاماراتي جراح بدعوة ولد الذيب شاعرنا للعشاء ,, ولبى ابن الذيب الدعوه ,,
    ولكن تفاجأ عندما وصل للمكان الا هو عباره عن مرقص ...!!!!
    ولان هذا يتعارض مع دين واخلاقيات ولد الذيب اعتذر وخرج من المرقص فورا وتوجه لغرفته بالفندق وبعدها بفتره قصيره الا بموظف الفندق يأتيه برساله من الشاعر الاماراتي جراح متضمنه الابيات التاليه :




    مرقص دبي اللي له القلب يرتاح
    حتى سلا طين الجزيره تدله

    لا صار ما في شربة البن مصلاح
    غرشه من الويسكي بفنجال دله

    وان كان يابن الذيب منته بمزاح
    فانا عقدت الحبل وانت تحله

    هذي بداية معرفتكم بجراح
    اما شربت الكاس والا فخله




    (( رد عليه محمد ابن الذيب بابيات قويه يقول فيها .. ))



    ماهوب صح الله لسانك يا جراح
    يكفي من العله ثلاثين عله

    انت وحكامك هل الكاس لا لاح
    ولا سلاطين الجزيره !! لابله

    حكام نجد اللي ورا هضبة رماح
    ضلالهم مثل الجبال المضله

    صغيرهم يلعب بكم لعب المسباح
    ويسد فاه اهل القلوب المغله

    ان مد كف الطيب ماهوب شحاح
    والى تعزوا دولة مستقله

    مانيب ازكيهم من جا ومن راح
    يمكن يجي في صفة القوم خله

    وان كان هرجك لي ولا انته بمزاح
    يما حلا بعض الحكي في محله

    ما نشرب الا البن الاشقر الا فاح
    ولا حليب بكار في وسط مله

    رجل وطموحي من ورا النجم لا لاح
    اكبر من اني اشتهر في مجله

    يكفيني من المعرفه والتمداح
    اني الا ضاقت علي قلت : يالله ..!

    الوضع مزعجني ولا نيب مرتاح
    بروح واخليلك دبي كله




    ........................................ .......... .......




    (( هتلرت قلبي ))





    ياهتلرت قلبي الله يرحم المانش
    الكبر لله باحاكيش حاكيني

    وانا مبرك اركابي عند بيبانش
    التاجر يسر والرزاق يعطيني

    فديت كبدش فديتش بدت اخوانش
    ولا لقيتش وانا طفشان خليني

    خليني اجر صوتي واقعد اوزانش
    يمكن اوزانش من الضيقه يسليني

    مثل ماطهرتي التربه بكرعانش
    خلي غرامش يطهر مابقى فيني

    وان ماشفعلي افخوخش جاه رمانش
    يمكن تقطع من اللهفه شراييني

    وان طحت مثل الجمل من جور هجرانش
    ما عاد تنفع كبيرات السكاكيني

    محبوبتي احيان تقارب من احياني احيانش
    وشاركش في كثيرات المضاميني

    حتى اني اصيح يا بن الذيب بلسانش
    واقول لبيش من بيني و من بيني

    محبوبتي لانتثر دمعي على شانش
    وش له تقولين وش إلي مبكيني

    حنى اتفقنا انا مندوب لحزانش
    اروي الحزن والدموع تهلها عيني

    ولا خذيتش بحضني هزي بردعش
    مغير ضامي وقرطوح يكفيني




    ........................................ .......... ..........




    يالله مسى خير



    يالله مسى خير قلبي منقبض وشبه
    من رهبة الناس والا القلب متطير

    يامعير شوق قلبي روح وأنحشبه
    مكينة القلب تصرف شوق يامعير

    مثل رذاذ المطر مايحيي العشبه
    يحيي فواد المغربل شوقت نوير

    هنوف بدو طرف قلبي تعشعشبه
    العين تشفق لها والخاطر مشير

    قالت انا فيه موضوع بدردشبه
    قلت أرفعي الصوت لبي وجهك النير

    قالت آخاف أتغير قلت ويلش به
    اما التغيار لا ماني بمتغير

    قالت قبل تبلش احساس وتبلشبه
    تراه قطه وجه من عاده أصغير

    لاتبلش القلب في حبك وتبلش به
    بن آدم وان طال عمره عمره قصير

    وتقول بعدين هذي والله النشبه
    اعلمك بالحقيقه وانت عادك امخير

    وطيت راسي وانا افكر وكنت أشبه
    من حيرته السنين ومات متحير

    ومن ثم أخذت رشفه حنان آتنعنشبه
    ولديت فيها النظر وقلت يانوير

    لو قالوا الناس لك يوم ورح عشبه
    حذفت عمري وراي وجيتك مسير

    لكن لاكممالك به خير وش لش به
    لاتذيرين الغلا ويروح متذير

    وقولى لرمشك اذا جيت آتحرشبه
    يرحمني أشوي ياملعونة الخير



    ........................................ .......... ............




    محاجر نوره



    القميص وبنطلون اهل البلد الافرنجي ....
    احلا منها عباة العز والتنوره

    وان جمعنا ذي معا ذي الدلع والغنجي....
    ماتساوي برقع غطا محاجر نوره

    كن حمار خدودها بأسفل شعرها الزنجي ....
    نجمتين في دجا ليل ماشعشع نوره

    وان تبسم ثغرها طاح الشجاع المنجي ....
    مثل طيحت انور السادات بعد الثوره

    والله انها تزفني زف البحر للّنجي ....
    لاتحامت بالنحر والردف ولا سوره

    وان تثنّت بالغرام في ليلها الاسفنجي ....
    قمت ارتل آية القرآن سوره سوره

    ولو نورح من الغلا يم الغلا لو انجي ....
    والله انها تكرم الحانا عن اهل البوره

    زينها لحاله يبنج خمس الاعضا بنجي ....
    واسمها شور العقيد اللي مايخلف شوره

    يكفي ان سلطان بن عبدالعزيز المنجي ....
    لاتعزوا يلحق العوجا وانا اخو نوره
  5. mr.hrbi
    Offline

    mr.hrbi .. عضو مميز .. .. عضو مميز ..

    إنضم إلينا في:
    ‏15 سبتمبر 2008
    المشاركات:
    7,938
    الإعجابات المتلقاة:
    495
    نقاط الجائزة:
    0
    مســاعــــــــد الرشـيــــــــــدي






    صب لي شمس



    يانهار البشاير صب لى شمس
    باتقهوى وانا والله حياوى


    يكفي اني فداوى عندك امن امس
    وانت تشره على ثقل الفداوى


    احسب انك قبل لاتمد لي خمس
    تحتضني وانا امد الرهاوى


    لاتعجب تلمس خاطري لمس
    لاتغرك من بعيد الكساوى


    جايز اضحك لو انه خاطري عمس
    نوب ضحكني مثل طبعي نحاوى


    يمكن انى قريب ومبعد الرمس
    كل لونٍ لبس جسمي سماوى


    جيت اقص الزمان وجرته طمس
    قلت ابا انشد ، قنب بالرجم عاوي


    ........................................ .......... ...............




    انتي نسيتي



    حتي لو كنتي السنين اللي راحت
    مقدر انا احبك

    حتي ولو كنتي الحنين اللى فى جراحك
    مقدر انا قربك

    أنتي نسيتي وكيف انا ما انسى
    انتي قسيتي وكيف انا ما اقسى


    يا صدى من غير صوت
    مابه حياه من غير موت
    انتي نسيتي وماتبين انسى
    انتي قسيتي وكيف انا ما اقسى
    يا صدى من غير صوت
    مابه حياه من غير موت



    لو تدرين وش انا منه خايف
    ان باقي لك من الذكرى حسايف
    أخاف شوق الامل
    وأخاف ذكر القلم
    اخاف يحكي السطر و الورق
    اخاف يشكي الشقا والارق

    يا صدى من غير صوت
    مابه حياه من غير موت


    يا ذكرى الصحاري والجفاف
    يا يأسي اللي باقي واللي طاف
    ماعاد شىء يربطني فيك
    غير الشقا ان كان يرضيك
    حتي السنين اللى عطت
    وحتي الدموع اللى بقت
    صارت تخاف


    ........................................ .......... .............




    عبسية و عبسي



    قالت ضمينا شعر وأمهلت هجسي
    ماللقصيد اليا ضميتي معاذير

    حطت نوارس عطرها فوق طرسي
    شوي وارياف الحنايا نواوير

    عبسية عيت على قلب عبسي
    عيت على قلبه وقلبه كما الطير

    طير على غصن المواعيد منسي
    ودلال شوقه للهبايب مباهير

    أمارة (ن) بمهيل الشعر نفسي
    رويانة(ن)عشق وسلام وعياطير

    اليا اصطفق موج الطواريق يرسي
    يخت ((الزعيم)) ويفرقون الشواعير

    هاتو لها في فيٌة القلب كرسي
    من طلة النجمة اليا رعشة عصير

    هاتوا لها لاخالط الشوق همسي
    هي غير عن كل البنات الذي غير

    وقولوا لها لاهبت الريح عكسي
    وقامت تصافقني هبوب المشاوير

    تلمني بأهداب نجل (ن) وخرسي
    وتمطر على عمري وتصبح على خير

    تصبح على قلبي وتصحى وتمسي
    وريانة القامة عنود الغنادير

    وقولوا لها لاغيب الغيم شمسي
    هذي سواته لاأفختن المعاذير


    ........................................ .......... ..............




    سوالف مطر



    عذروب وصلك جمر وهذا الذي محليه
    يابهجة النفس باقفاها. . وباقفالها


    وليل ضوى بك عذى. . ياعلني ما ابكيه
    يازين شمسك ويا محلا تختالها


    سبقت قبل الفجر ما يمديه
    يلحق سنا مفرق الحجة ويبرالها


    هذا الضحى جاز لي وهذا المسا. . بأسريه
    ويحلها . . يا وزين الروح . . حلالها


    عشقك سوالف مطر جاب الوسم طاريه
    لا جابتك ليلة الفرقا. . على بالها


    تبغى ندلك ندل. . تبغى نتيه . . نتيه
    الناس ماشي غير رضاك يحلا لها


    ما دمت ناعس هدب تسهر عيونك ليه
    خل السهر . . لي . . وأهدابك على فالها


    ما دمت باشا على عرش الغرام وبيه
    الناس للناس . . والجدران لظلالها



    ........................................ .......... ..........




    احبك لو يموت الحب



    تخوفني مشاوير الطريق المظلم المهجور
    والي مني ذكرتك قلت طولي يامشاويري

    عزاي انك رجاي العذب لو كل الدروب عثور
    وصلت او ماوصلت اعرفك مانته منتظر غيري

    حبيب وكل الله .. لاتحسب اني بليد شعور
    لو انت المستحيل الصعب مابدي لك معاذيري

    احبك رغم تجريح الليال .. لقلبي المقهور
    اشوف الجرح يكبر .. وانت تكبر وسط تفكيري

    احبك لو يموت الحب .. وتصير القلوب قبور
    احبك كلمة .. لو حرموها حل تفكيري

    احبك من هنا حتى طلوع الفجر حد النور
    صحيح انك قدر محتوم بس اجمل مقاديري

    بعذر اللي يحبك لو يصير الشاعر المشهور
    لانك تنهمر حلو القصيدة في تعابيري

    احد ربي يحطك له حبيب .. وما يجيه غرور
    وانا مهما بغيت استوعبك ياقل تقديري

    هلا بك من قدمك لغرتك .. لشعرك المنثور
    هلا في كل شئ فيك وانت اغلى مساييري

    اثر صدق الغلا يجبر حطام الخاطر المكسور
    وانا مهما منحتك من غلاي .. اشعر بتقصيري

    ولو طالت مشاوير الطريق المظلم المهجور
    انا لامن ذكرتك قلت .. احبك يامشاويري


    ........................................ .......... ..............




    سمها



    سمها ذكرى مزوح اللي تسمي
    انت ابو خضر الطعون وسمها

    انت ياشيخ البها سيدي وعمي
    تنثر ايامي عبث وتلمها

    انت همي ول يامحلاك همي
    مع ياملح السنين وهمها

    قبل اقول لسود الحلوين سمي
    من غلا سودك غرقت ف يمها

    ان ندهتك تنبت نواويرك بفمي
    المحك شمس نهاري يمها

    جيت لك من جمر الشوق متحمي
    كل ماتبرد طعوني ضمها

    جيت لك واقصى معاليقي تومي
    هم يخطيها وهم يخمتها

    ان ضميت اشرب سواليفك بدمي
    وان تثاقلت الدروب ازمتها

    وان خذتك مني عين ماتسمي
    العن الدنيا وابوها وامها


    ........................................ .......... ............




    حمرت الشمس



    هذاانت والا حمرت الشمس واليم
    ريح المطر والا نسايم حنينك


    يومك ضحكت وبش باوجانك الدم
    قبل الغياب وكلهم حاسدينك


    كن النهار اللي رسم للشفق فم
    ضحكة ثغرك اللي سماها جبينك


    هذا انت والا من يضم الحشا ضم
    هذي يدين البرد والا يدينك


    ثلجي نحرك أدفى من غفاية الهم
    عن خاطر صحوات همه تدينك


    بأعانق احدود الضما والغلاجم
    وأبقي معك سيد هواك ورهينك


    ........................................ .......... ..........




    وردتين حمر



    جت في يدها وردتينٍ حمر
    قبل الشفق والشمس محمره

    النق نافر والسوالف خمر
    والموت بين العنق والغره

    والريح تاخذ من شعرها غمر
    تلعب معاه شوي وتثره

    ذاك الثليل اللي جمرني جمر
    اللي بغيت اموت من حمره

    قلت انورت كل الدروب السمر
    والعيد جا يمشي على الجره

    برق السنين ومجهمات وقمر
    جيتي وخفاقي نفض شره

    الليله ليله من ليالي العمر
    واحلى ليالي العمر بالمره

    قالت غيابك وانتظارك جمر
    وابطت تعاتبني وتتشره

    قلت ابشري والرمش يا مر أمر
    يالول وجداني ويادره

    واللي جمعنا يا انتظار العمر
    ما اعود هالفرقا ولامره


    ........................................ .......... ........




    حب جديد



    حب جديد وقصيدة عشق مجنونه
    الله يحييك ياحب لفى توه

    حب لكله وحبٍ بس لعيونه
    حبين باقصي خفوقي بس له هوه

    ايه انصتي ياشجون الروح ممنونه
    جاني رقيق المشاعر ناوي الخوه

    جاني حبيبي وعمري فرحة غصونه
    ربيعها يوم سال السيل من توه

    يوم انهمر لي حنانه باعذب لحونه
    قلت الله الله صفا جوي على جوه

    والله لاحبه ولو حظي وقف دونه
    مافيه قوه تصد الحب بالقوه

    بس انتظر يازمن لين اعلن المونه
    ومن بعدها اللي تسوي يازمن سوه




    ........................................ .......... .........




    كثر الكلام



    على كثر الكلام ، وكثر ماقبل الكلام جروح"
    " سكت ، ومالقيت الكلمتين الي علي بالي


    أخاف إن قلتها ، ماقلتها ، وان قلتها بوضوح"
    " توسدني ملامات الرفيق وشرهة الغالي


    كذوبه يالهوجس اللي على الخاطر تجي ، وتروح"
    " بغيت أزبن ذراها ، واستريح وماتهيالي


    ورحت أتلي شتاتي ، واترجي صوتي المبحوح
    " تموج بي الدروب ومسندٍ كفي على ظلالي


    عسي مانتي رجايه يابروقٍ في سماي تلوح"
    "يشرهبني رعدها والضما بالصدر همالي


    نقلت جروح ماعرفها بقلبٍ مرهف مجروح
    " تنطحت البياض ، وسود الله وجه عذالي


    ........................................ .......... ..................




    رماد الشوق



    ولع رماد الشوق يامعذبي نار
    " من كان يحلم باشتعال الرمادي


    ماكنت احسب انه يكون اللقا حار
    " لين التقينا واشبكتنا الايادي


    وقامت لنا الذكرى تغني على الطار "
    " تنساب باسماعي نغم حب هادي


    حسيت شي لفني مثل الاعصار"
    " واستيقظت نشوة غلاك بفؤادي


    اخذت لي سجه وانا شبه منهار
    " بين الخيال وبين علمٍ وكادي


    وفزيت يوم انى تنبهت وش صار"
    " مثل الذى توه صحي من رقادي


    تغير الموقف بلا سابق انذار
    " وغير المشاعر جت مشاعر جدادي


    رديت لك عقب التجافي والانكار
    " وطويت صفحات الزعل والعنادي


    وتبددت ذيك المبادي والافكار
    " ايه جنون افكار وايه مبادي


    تراي انا مليتها لعبه النار"
    " ما احد لعبها قبلنا واستفادي


    من رد للجنه عقب صالى النار"
    " حتى السموم يصير عنده برادي


    ........................................ .......... ..................




    ياطير



    حزين من الشتا والاحزين من الظما ياطير"
    " دخيل الريشتين اللي تضفك حل عن عيني


    دخيل الما ،وملح الما،وحزن الما قبل ماتطير"
    " تهيا للهبوب اللي تصافق في شراييني


    دخيل الغصن والظل والهزيل وهفهفات إعصير "
    " دخيلك لاتشح بنجمتي والليل ممسيني


    ترفرف يافقير الريش ضيقه والنهار قصير
    " علامك كل ماليل جناحك جيت ساريني


    انا ماني بخير وجيت يمي وانت مانت بخير"
    " وانا ياطير في من الهجاد اللي مكفيني


    ترى لو شفت لي ظل ومهابه في عيون الغير"
    " ترى كل الزهاب اللي معي جرحي وسكيني


    ........................................ .......... .................




    عين تشربك شوف



    بين فرحة لقاك وهم فرقاك"
    " لاتذكرت جرح ولا نسيتك

    حي هالشوف ماتنمل دنياك"
    " شف سواة العيون ليا لقيتك

    عين تشربك شوف وعين تظماك"
    " لاذبحني ظماك ولا رويتك

    قمت اخيلك هنا وهناك وهناك"
    " وين ترحل بي النظره نصيتك

    ان تبسمت قلت الموعد شفاك"
    " وان تمنعت بانفاسي دعيتك

    وان طلبت الغلا قلت الغلا جاك"
    " وان سكنت الخفوق البيت بيتك

    وان نثرت القصيد بدرب لاماك"
    " ذاع صيت القصيد وذاع صيتك

    يارجا العمر لو حفتك الاشواك"
    " ليتك اول طريق القلب ليتك

    ودع البرد كف ضم يمناك"
    " صافح الود قلبي يوم جيتك

    حي هالشوف رغم هموم فرقاك"
    " لو تناسيت جرحي مانسيتك



    ........................................ .......... ....................




    تبدين مثل المستحيل



    آخر عباراتي وداع ،وآخر مشاويري رحيل
    " جيتك وبي لفحة ضما واقفيت كبدي ناشفه

    اصعب كلام أصعب خبر صرخه عقب صمت طويل "
    " مثل الهدوء اللي سبق لحظة هبوب العاصفه

    وأنتي بمتناول يدي ، تبدين مثل المستحيل"
    " في عشرتك صوت العقل يقتل طموح العاطفه

    الحب ماهو كل شي إليا وقف حظٍ بخيل"
    " قلوبنا مثل العسل بس الظروف مصالفه

    لاللندم ،لاللعتب ، أوشي من هذا القبيل"
    " وانتي ماجا منك خطا حتى تقولي اسفه

    من غير ليه ، استسلمي ،واستلهمي صبرٍجميل"
    " ولاتسأليني وش جرى مالك بطول السالفه

    قولي لهم ياعزوتي ماعابنا موت النخيل"
    " اللي يوافيها الأجل وتموت لكن واقفه

    آخر عباراتي وداع آخر مشاويري رحيل"
    " جيتك وكبدي ناشفه واقفيت كبدي ناشفه


    ........................................ .......... ..................




    ياللي تموت ببردها



    في زمان كنه البرد ، شبيت القصيد
    قلت ابدفا والليالي تموت ببردها

    في طريق كنه الموت والحالي وحيد
    قلت ابحيا والمنايا تبوح بسدها

    أتقارب هقوة العمر لو كانت بعيد
    واتغني بالمقابيل واخطب ودها

    لاقديم الجرح يقوى ولاجرح الجديد
    يخلف الناس العزيزه عن اللي ودها

    والله اني ماتنازل ، لي رايٍ عنيد
    لين أداعب غرة الشمس ،والثم خدها

    وانزفي ياوردة الشعر ، من دم الوريد
    لاتجفي في عروقٍ ، تراجف يدها

    ياقصيدي كان الأشعار سادات وعبيد
    والله انك من بحور ،غريبٍ جدها

    ماتقاود مهرة الحرف للقلب البليد
    ياقصيدي خذ رسنها ،وخلك قدها

    في طريق كنه الخوف سليت القصيد
    قلت ابحيا والليالي تموت ببردها


    ........................................ .......... ...............




    كلك غلا



    كلك تعالي غلا ... والاارجعي كلك
    بعض الغلا منك مايستاهل الجيه

    طالت وانا في رجا ليتك..وياعلك
    أوراق بالذاكره ..واوراق منسيه

    مابل ثوبك مطر شوقي ولابلك
    لوعلتك من سحاب الروح وسميه

    ليه امشي الدرب دامه مايوصل لك
    تخاف رمضا الضياع اقدام رجليه

    يابنت تو الهوى ماصرت انا خلك
    للحين .. مازالت الصوره رماديه

    ومازال بغض الغموض الشره يحتلك
    وشلون انا اعشقك واحبك على النيه

    اشوفك هناك قدامي .. ولاادلك
    صعب الكتابه ليا صار الورق ميه

    إن كان شمسك تساومني على ضلك
    ماعاد ابي منك لا شمس .. ولافيه

    اما تعالي لقلبٍ .. فز لك كلك
    والا اتركيني ما ابي لك بالهوى جيه


    ........................................ .......... ..................




    وش يبقى لي



    صوتك اللي بقالي من ليالينا
    عاد لو غاب صوتك ويش يبقالي

    صوتك الموج والمجداف والمينا
    صوتك الناس لوني في خلا خالي

    صوتك الذكريات اللي اتدفينا
    كل ماهل شفت العيد يبدالي

    صوتك بعيد مثل البعد يطوينا
    صوتك اغليه ... صوتك يابعد حالي

    من غروب الكلام لشرق اسامينا
    ياحبيبه وصوتك عندي الغالي

    سولفي ... لعنبو همٍ يبكينا
    انت اقصى مدى الهقوات والتالي

    مالها حد شرهتنا وامانينا
    والمسافات قشرى مالها والي

    يقبل الليل لامرفأ ولامينا
    عاد لو غاب صوتك ويش يبقالي


    ........................................ .......... ...................




    مسرح وجمهور



    البارحة كل رمش سل شلفاه
    " وانا على نيتي ساهي وشارد

    مسرح وجمهور متبلد وملهاه
    " يوم انت تطعن حشاي بدم بارد

    ياسيدي من يقول الموت مأساه
    " والموت بغضايتك خيل تطارد

    ماعندك الا حلالك وحلا لاه "
    " لي اركيت قلبي على سود المبارد

    الرمش طاغي وانا ماني بوياه
    " صدرت ضامي غلاك وجيت وارد

    شبيك لبيك قلب العبد لله "
    " بين اصبعينك غدا خادم ومارد

    اطلب وتدلل فداك اللي تمناه
    " لو تطلب الشمس وسهيل وعطارد


    ........................................ .......... ............



    جيتك بقايا حي



    جيتك بقايا حي كل اكثرة مات
    " وصلت لك با اخر رمق من حياتي

    جيتك خوي الخوف في رحلة الذات "
    " بين الرجا وظروفي القاسياتي

    جيتك من الفرقا كثير التلفات
    " جيت انتحر في نجلك الناعساتي

    جيتك مزيج جروح ودموع وأهات
    " نديم لعيون الاسف والشماتي

    جيتك شظايا تشتعل شوق بسكات"
    " ما ادري حزن مدري سعادة اسكاتي

    جيتك لوانتي سابع المستحيلات"
    " اللي يحبك يصنع المعجزاتي

    جيت استجيرك من شمس المتهات"
    " -عيت تظللني تحتها عباتي

    وابا أتعفى عقب عذاب المعاناة "
    " على رصيف اشواقك الدافياتي

    تلقفيني من ايدين التشتات
    "صيري بحلاة الروح قارب نجاتي

    هلى غلا يمحى كدر كل مافات
    " يامزنت افراحي ومنبع هناتي


    ........................................ .......... ..............



    سيف العشق



    كيف أطفي الريح بثيابك وكيف اشعلة
    كيف اتثر على جمرك وكيف احتويك

    نقضت لليل الحرير وجيت ما انت . لهلك
    سميت باللي فتني بك وقلت ابتديك

    هذا اول الدرب اوهذا الطريق اولك
    جيت اتوقا عذابات المدى واهتديك

    شوقي مسافة وهمسات مدار وفلك
    ان ماضميتك غلا ياعلني ما ارتويك

    اية اعرفك واعرف اني من غلاك اجهلك
    مرات اضمك واخاف اني مشبة عليك

    مرات اشوفك بنفس الوقت واتخيلك
    وانشد كفوفي عن اخر سالفة من ايديك

    اعن لك لو تصب الموت واتهيلك
    واجوع لك واتمنى جنجرك واشتهيك

    ماقلتلك عمر سيف العشق مايقتلك
    ماتشوفني حي قدامك وانا اموت فيك

    اشتقتلك قبل اجيك وجيت وشتقتلك
    لبارحة طول ليلي بين هاذي وذيك

    مليت جمر انتظارك واستحيت اسالك
    واحسبني ما بعد جيت وفكرت اجيك

    اثرك بقلبي من البارج وانا استعجلك
    واثري نسيتك من الفرحة وقمت احتريك


    ........................................ .......... ...................




    هبت شمال



    هبت شمال وساقت الوبل هتان
    قالوا روى قلب العطش قلت لله

    توه يبل الريق من ريق المزان
    قلب تفياء غيمة مسفهله

    ودي تفيض بفاتر الصوت غدران
    نقع المطر يرفا عن الكبد غله

    حي الغلاء بشفاك ياعطر الاشجان
    قل للغرير اللي نهى القلب قله

    طاح الربيع ووردت جرد الاغصان
    عشب القلوب مصافح الخل خله

    نش السراب وحادي الغيم نشوان
    هيض غناه معانق الغيم طله

    من فرحتك شابت نواطيرالاحزان
    وبجيتك خان اسود الهم ظله

    هج الظلام وسال في حجرالاعيان
    ضيء تزفه غرة مسفهله

    لك من هنا لاخر تفاصيل الازمان
    عشق تمده راحةً ما تمله

    وليا لفحك القيض بأطراف الاجفان
    خذ نصف قلبي لاااا خذ القلب كله

    لا تستذير معاند الشوق غلطان
    الله عطاك امر الخفوق وتوله

    احيان اسوق العمر وتسوقه احيان
    بيني وبينك دق عمري وجله

    نمسي على جال المقادير خلان
    ونصبح ومرباع الغلاء في محله

    ما عاتبك لو ساهي الرمش كسلان
    القاء العزاء بمزاح شعر تفله

    هاك القصيد تفجر العشق بركان
    خذ من سناه وبارد الحرف خله

    ياعل شعراً منت قافه والأوزان
    تصداءعليه شهورهن والاهله


    ........................................ .......... .............




    عزتي غالية



    ينجرح قلب لكن ترتفع هامة
    والله إني لأموت ولا انحنى راسي


    لو رماني زماني وسط دوامة
    العواصف شديدة والجبل راسي


    أنقل الحزن وأمشي منتصب قامه
    قاسي الوقت لكني بعد قاسي


    وأسمع الحلم يصرخ لحظة إعدامة
    رابط الجأش ماهز الخبر بأسي


    عزتي غالية والناس سوامة
    قلت ما اطيع حتى تقطع انفاسي


    زانت أيام عمري وشانت أيامه
    مارجيت العز من رحمة الناس


    من عجز لا يدوس الهم بأقدامه
    لازم انه مع الايام ينداسي


    يندمل جرح قلب ماتت أحلامه
    بس ما أظن يبرى جرح الاحساسي


    يوم صارت مابين القلب والهامة
    ويش ابي بالحياة لنحنى راسي
  6. mr.hrbi
    Offline

    mr.hrbi .. عضو مميز .. .. عضو مميز ..

    إنضم إلينا في:
    ‏15 سبتمبر 2008
    المشاركات:
    7,938
    الإعجابات المتلقاة:
    495
    نقاط الجائزة:
    0
    خــــــــــالد الفيصــل





    ليل الهوى



    سريت ليل الهوى لين انبلج نوره"
    " امشي على الجدي وتسامرني القمرا


    طعس وغدير وقمر ونجوم منثوره"
    " انفاس نجد بها جرح الدهر يبرا


    يا نجد الاحباب لك حدر القمر صوره"
    " طفلة هلال وبنت اربع عشر بدرا


    حبيبتي نجد عيني فيك معذوره"
    " معشوقة القلب فيها للنظر سحرا


    فضة شعاع القمر في نجد مسحوره"
    " من شاف لمع قمر في خدة سمرا




    ........................................ .........




    الهوى الغائب



    إذا التقينا يوم

    ولا عرفتيني

    فلا عليكِ لوم ..

    شاب الزمن فيني

    أنا الهوى الغايب



    أنا اللي كان ذاك الزمان

    وقت و مكان

    أنا اللي كان

    في نظرة عيونك حنان

    ومضة في عتمات المسا

    فرحة فؤادي اللي نسى

    بسمة صباحك

    ودمعة جراحك

    خاطر عبر مرة في حياتك

    أنا الهوى الغايب



    في ليلة عشتها عمري

    لموعد انتهى بدري

    رسمت أحلام

    وعشت أيام

    وغنيت الهوى أنغام

    وكنت الهوى للقلب

    وكنت الوطن للحب

    ولو غيرت وجهي

    مسافات السنين

    ما تختفي في العين

    نظرات الحنين



    ياللي تركتيني

    وخاواني الغياب

    رحتي ونسيتيني

    وتذكرني العذاب

    سارت بي الأيام في غربة حياة

    لا طريق أمشيه

    أو أعرف مداه

    زحمة وجوه وعابرين

    لا روح فيها أو حنين

    ولا شبه منك في عيون الناظرين

    أنا الهوى الغايب

    جيتك على غفلة زمن

    هيا قبل يصحى الزمن

    انهي عذابات الشجن



    أنا الهوى الغايب

    أنا اللي كان ذاك الزمان

    وقت و مكان

    أنا اللي كان

    في نظرة عيونك حنان

    ومضة في عتمات المسا

    فرحة فؤادي اللي نسى

    بسمة صباحك

    ودمعة جراحك

    خاطر عابر مرة في حياتك

    أنا الهوى الغايب



    ........................................ .......... ...




    حداني وقتي



    حدّني وقتي على شيٍ .......جديدي

    السهر ماهوب من عادة ........عيوني

    أبعدوني عن هوى بالي ........وسيدي

    ومنعوا عنّي خطوطه ........ياصلوني

    شطروني عنه في دارٍ ........بعيدي

    حسبي الله كانهم منه ........قطعوني

    صارت الفرقا لنا علمٍ .........وكيدي

    ليتهم راحوا وانا عنده ........نسوني

    عاقني عن صاحبي سورٍ حديدي

    دونه البحور حرّاسٍ ودوني

    الرجا بك يابو خالد يا ........عضيدي

    لا تخليني تراهم ........عذّبوني



    ........................................ .......... ....




    ياضايق الصدر



    ياضايق الصدر بالله وسع الخاطر
    دنياك يازين ما تستاهل الضيقه

    الله على مايفرج كربتك قادر
    والله له الحكم في دبرة مخاليقه

    حلو العيون استهانت دمعها الحادر
    كف العباير حزين الدمع ماطيقه

    حسايف الحزن يغشى وجهك الطاهر
    والورد في وجنتك حرام تغريقه

    يفداك قلب على ماتشتهي حاضر
    يفداك بالي بقالي من معاليقه

    مافات خله ولا تهتم من باكر
    وأغنم من اليوم ماساقت توافيقه



    ........................................ .......... ......




    في ظل الوعد



    أنتظرت أزمان في ظل الوعد

    احسب الخفقات يا أغلى وعد

    انتظرت و الظاهر انك يا وعد ما جيت

    عيّا عليك الوقت و إلا يا وعد عيّيت

    انتظرت لكن النجمة سرت

    والقمر راحوا أصحاب السمر

    ونسمة وفا مرّت

    ولفّت مكان الوعد ضمّت

    تعتذر

    وانتظر

    انتظرت أزمان في ظل الوعد

    ما احسب يجيني يوم أكذب إحساسي

    وإلاأقول طوّلت يا قاسي

    سقى الله أمسي العاشق

    ونورك في السما شارق

    تعاطينا المحبة شوق

    تساقينا هوانا ذوق

    نقول لليل لا ترحل

    ترى الباقي معك أجمل

    سرينا و الوعد باكرحضرت و لا حضر باكر

    انتظرت أزمان في ظل الوعد

    الله يا هو الوعد ظالم

    إذا جيته و لا جاني

    وأنا ما أظن ينساني

    ويتركني لأشجاني

    دعاني بالأمل لكن مسّح قدّامي دروبي

    و لا أدري شي أو لا شي

    أغني فيه مسحوبي

    تأكد يا وعد وإلا

    ترى لى جيت باتغلّى

    وبتأخر و لو لحظة

    وأجيك أسابق اللحظة

    و لاأغمض و لا غمضة

    تفوّت من سناك ومضة

    انتظرت أزمان في ظل الوعد



    ........................................ .......... ...




    أنا السّعودي


    أنا السّعودي رايتي رمز الإسلام
    وأنا العرب واصل العروبة بلادي
    وأنا سليل المجد من بدأ الأيام
    الناس تشهد لي ويشهد جهادي
    دستوري القرآن قانون ونظام
    وسنة نبي الله لنا خير هادي
    امشي على الدّنيا وأنا رافع الهام
    وافخر على العالم وأنا اجْني حصادي
    إذا تأخّر بعضهم رحت قدّام
    وإذا توارى خايفٍ قمت بادي
    إن جيت ساحات الوغَى صرت قدّام
    وان صرت بلْحالي فلانيب عادَي
    واظهر على غيري إذا صرت بزْحام
    عقيد قومٍ بالطّبيعة ريادي



    ........................................ .......... ...




    مرتاح احبك


    مرتاح احبك ولا علَّمت
    . . . حتَّى انت عيّت أبيّن لك

    و البارحه يوم انا سلمت
    . . .شكّيت لو عيني تدلك

    برقٍ لمع في العيون و خفت
    . . . مواجع القلب توصل لك

    عساك في ناظري ما شفت
    . . . كيف المعاليق يومنّ لك

    من خوفتي لا احترق جنَّبت
    . . . هربت من شمسك لظلّك

    اخشى عليك الهوَى لو طحت
    . . . ما تلّني يمّك يتلّك

    أبي قليلك ولا حصّلت
    . . . بعضك تركني مع كلّك

    ما ادري صواب او خطأ ما قلت
    . . . إنك حبيبي و انا خلّك



    ........................................ .......... ......




    ((علامك))




    قالوا علامك قلت مابي خلاف
    مابي بلا ياكود فرقى المحبين


    الحب لو يجحد عليله يشاف
    يدري به الّلي عارفٍ لوعة البين


    شيٍ يشاف وشي باجوف خافِ
    عشرٍ تبين وخافيٍ منه تسعين




    ........................................ .......... .....




    ((لا تسألوني))



    لا تسألوني ليه انا
    عاشق خزامى مستهام

    اذا عرفتوني انا
    تدرون وش سر الغرام

    اصلي انا بيتي شعر
    والبر هو ديرة هلي

    فرشي ثرى وسقفي سما
    وترابها غالي علي

    اشفق على خزة ظبي
    في طعس من فوق الغدير

    ومشاهدة سرب القطا
    من روض للثاني يطير

    الله على شمس المغيب
    والليل الى نسنس هواه

    الضو تقدح بالجمر
    والنجم يقدح في سماه



    ........................................ .......... ........




    ((شبيه صويحبي))



    يا شبيه صويحبي حسبي عليك
    كل ما ناظرت عينك شفت ذاك


    شفت لونه في خدودك والعيون
    في سلامك في كلامك في حلاك


    كل شي فيك يطري به علي
    يا حلو بسمة حبيبي في شفاك


    ماهقيت ان القمر مثله قمر
    لين شفتك ياشبيه احلى ملاك


    ليتهم سموك بإسمه واستريح
    كل مانابيتك اغلط في نباك




    ........................................ .......... ........




    (( من بنات الريح ))



    من بنات الريح لي صفرا جفول
    كنها ظبي الفلا بجفالها

    منوة الخيال عساف الخيول
    زينها في دقها وجلالها

    زينها ماشفت وصفه بالمثول
    ألله اللي بالجمال اصخى لها

    تستذير كحيلتي من كل زول
    ما يصخرها سوى خيالها

    اذكر الله كل ماقامت تجول
    واحمد الله خصني بحبالها

    كنها تمشي على قرع الطبول
    فتنة اللي خافقه يبرى لها

    ظافي القصه على الطرف الخجول
    تنكسر شمس العصر بظلالها

    وصفها وصف السحاب اللي يجول
    كل عين تستخيل خيالها

    أو كما طاري على الخاطر عجول
    صاحبه حقيقته ماطالها

    كل رجلٍ في حياته له ميول
    والهوايه تمتلك رّجالها



    ........................................ .......... .....




    يا ساعة الفرحه


    يا ساعة الفرحه تشوقت للعيد

    عيد العيون وعيد قلب الصبابه

    رد الجمال لشوفتي يا اتلع الجيد

    واسحب على حرفي لحون الربابه

    حرفي بصوتك يا اجمل الصوت تغريد

    يا رمز حبي هاك رمز الكتابه

    يا صبح عمر فيك للعمر تجديد

    وحبك يجدد كل يوم شبابه

    للعين والقمرا وحسنك مواعيد

    وليل الهوى شرع للأحباب بابه

    ياما زعجت الصوت باسمك تراديد

    وياما نسيم الوجد يمك سرابه

    وياما تمنيتك على باقي الغيد

    واقول مثلك يا غلا الروح ما به

    ابيك تهوى مثل ما اهواك وتزيد

    يا من خفوق القلب حسنك غدا به

    يا قطرة الغيمه على يابس البيد

    رد الحياة لخافقي يا ذهابه



    ........................................ .......... ...




    (( لا يطول غيابك))



    لايطول غيابك ... ثم اخذ عليه
    لو تخليت عنى ... عنك قلبي ماتخلى


    العذر والتعلل والحكي ... مانبيه
    من تحرك فؤاده ... بالهوى ماتخلى


    طبعي الصبر لكن وش عليه ارتجيه
    من طويل الصبر يعقوب وايوب ملا


    دامني حي عطني وش بقي نحتريه
    مابي دموعك ...اللي عقب موتي تهلا


    مابقي بالعمر مقدار ماراح فيه
    كل مازل يومٍ ... يوم بالعمر ولى


    مايعرف الجمر مثل الذي يكتويه
    احد يدفا بناره ... واحد فيه يتصلى


    يامن القلب حطيته براحة يديه
    مارضى له مكان غير كفك محلا


    كم تعذر وعيا عن هوى محتويه
    لين طاح بيمينك بالغرام وتجلى



    ........................................ .......... .....




    عز القصيد

    عَزّ القصيد وزاعلتني حروفه
    من يوم غاب الّلي قصيدي مهاويه

    غابت به الدنيا وخلّت طيوفه
    عزّي لمن مثلي زمانه يعاديه

    عقب الملاقىٰ بس بالقلب أشوفه
    وعقب المناجىٰ بس بالفكر أناجيه

    كلامي وشوفي لغيره حسوفه
    من غيره يْخاوي غريبي وأخاويه

    يا لوعة المشتاق تصفق كفوفه
    لين التفت ما شاف بالدّار غاليه

    كنّ العيون بكل شين محْذوفه
    والقلب كنّ جموع الأيام ترميه

    تسابقتني من زماني سيوفه
    تجرح مْرادي في حياتي وتدميه

    يا عونة الرحمن وين النكوفه
    لين انتحىٰ الخفّاق وش عاد يثنيه

    ما رحت أدوّر عند خلّي مروفه
    ما يرحم إلاّ الله فلا شك مغليه



    ........................................ .......... ........




    افكاري


    رَكضتْ ألحَق الهَارِب ومِتمَرّد أَفكَارِي
    أبَارَوّض الفِكرَه عَلى حَالِي الجَارِي
    أبَاقضِب عَنَان الطّامِح الجَامِح العَاصِي
    أبَا ألمَس حَنَان السّاهِم الحَالِم السّارِي
    أبَا أجْمَع شتَاتِي عقُب رِحْلات غربَاتِي
    وَأنَاغِم هُوَاجِيسِي عَلَى بَاكِي أَوْتَارِي
    تَعَتبت وَجَرَحنِي يَاهل المعرفَه دَربِي
    وطَالَت مِسَافَاتِي وَاناَ أطَارِد أفكَارِي
    ورَاهَا تورَاى مِن ورَى حَاضِر أيّامِي
    ورَاهَا تسَافِرمِنْ ورَا قَدرَت أَسفَارِي
    ورَاهاَ توَارَى عَجزِي تشُوفَه عيُونِي
    وَراهَا تطِير وكِلّي قيُود وَأعذَارِي
    حَبَسْنِي رَمَانِي بِالثّرَى والسّما حِلمِي
    أغَازِل سَحَابَاتِي وَأنَا أكتِب لَهَا أَشْعَارِي
    أرَوّح لَهَا صُوتِي مَع رَايِح النّسمضه
    وَأقُول إِمْطِرِي يَاغِيمِتِي جَفّت أَنْهَارِي
    ويِمسِي عَلَي اللّيل خَالِي وَأنَا خَالِي
    لابَاح لِي سِرّه وَلا بِحْت بَأَسْرَارِي
    نُجُوم السّمَا تِدِحّ ولِيلِي بَهَا سَاكِن
    عَجِيب السّكُون بلِيل فِيه الفَلكْ جَارِي
    وَيَا فِكرِي الهَارِب وَيَانُورِي الغَارِب
    بدُونِك فَرَاشَاتِي تَهَاوَتْ عَلَى نَارِي
    وَأَنَا لَوعَذَرْت الغِير مَااِعْذِر أَفْكَارِي
    أَنَا مَواطِن أَفْكَارِي وَدَار الفِكر دَارِي




    ........................................ .......... ...........




    حنا العرب ....

    حنا العرب يا مدعين العروبة
    وحنا هل التوحيد وانتم له أجناب

    وحنا شروق المجد وانتم غروبه
    وحنا هل التاريخ وأنتم به أغراب

    يوم الفقر شلتوا علينا عيوبه
    واليوم عقب النفط جيتوا لنا أنساب

    ويوم الفقر فينا البداوة سبوبة
    واليوم صرتوا مثلنا بدو واعراب

    لو الهوى منكم منعتم هبوبه
    لا شك رزاق الملا رب الأرباب

    ولو المطر منكم منعتم صبوبه
    لا شك رزق الخلق من عند وهاب

    جيش الحسد سقتوا علينا حروبه
    كل يبي يزرع على جسمنا ناب

    حرب على المحسن تراها عقوبة
    بالله عساكم ما تفيدون حراب

    يا ما عطينا ما ندور مثوبه
    إلا من اللي من ترجاه ما خاب

    ويا ما نصرنا صاحب ضيقوا به
    عاداتنا نقدم الى مالردى هاب

    وياما نصانا من تعثر دروبه
    يدخل حمانا من تعذرة الأصحاب

    حنا بنينا دارنا من طيوبه
    وانتم سلبتوا داركم كل ما طاب

    الله سقانا من بحرنا عذوبه
    وانهاركم مثل البحر هدر تنساب

    حنا زرعنا الحب بارض خصوبه
    وانتم زرعتوا كره الأجيال بتراب

    وحنا دعينا السلم نوبه ونوبه
    وانتم حمام السلم بعتوه بغراب

    يا من دعا للحرب ما درك خطوبه
    لا تحسب أن الحرب تهديد وخطاب

    من شب نار الحرب يصلى شبوبه
    ومن ثور الفتنة تعرض للأسباب

    ما يستر الرجال ملبوس ثوبه
    الدين وافعال الكرامة له ثياب

    ما يقبل الرجال بحماه حوبه
    ما دام له حق وللحق طلاب



    ........................................ .......... .......




    بشروني عنك





    بشروني عنك ما يدرون عني
    ما دروا باللي شغل فكري وظني

    اتسمّع للحكي بك واتحفّظ
    خايف دقات قلبي يفضحنّي

    كل ما سمّوك باسمك فز قلبي
    والضماير والمدامع شاغلنّي

    يا حبيبي يوم جنبت الحبايب
    عفت لجلك كل من قبلك فتنّي

    من عرف قربك عرف طعم السعادة
    وإن تشطّرت أدرك غبون التمنّي

    في هواك من العسل لذّة مذاقه
    لكن حروس النحل عنها حدنّي

    ماعد اسمع بك ولا اوحي فيك عاذل
    والعذارى جهّل لو داعبنّي

    لك عيون فعلها بي فعل ظالم
    من عرفتك يالغضي ما ريحنّي

    إن تفارقنا تغايا لي بليلي
    وإن تقابلنا دهنّي واخجلنّي



    ........................................ .......... ..........




    في سحابه





    في
    سحابه..على متن التمني
    شفت عمري .. خيال في سحابه
    يا ذهابه ..تعدى ما ارجهنِ
    كن عامه .. نهار يا ذهابه
    من غدا به .. ربيع العمر منّي
    حسبي الله .. على وقت غدا به
    إلتوى به .. رجا قلب يونِ
    ويل قلب تعلق والتوى به
    في شبابه ..حبس نشواه عني
    ما تهيا لذيذه في شبابه
    ذا صوابه .. عقب ما هو طعني
    لو نسيته يذكرني صوابه
    من هقابه ..يخيّب كل ظني
    واعذاب الخفوق اللي هقابه
    رد بابه ..زماني وامتحني
    يوم ثوّرعجاجه .. رد بابه
    يا ربابه ..على المسحوب غني
    من قصيدي .. بكى قوس الربابه



    ........................................ .......... ........




    نفسي عيوف




    نفسي عيوف يا اريش العين تجزع
    ما تقبل الحقران لو من عشيري
    إلى متى في طلبتك باتخضع
    وأسأل متى يوم الوصل بي يصيري
    لو كان قلبي في هواك يتقطع
    خله لعله بالقسى يستخيري
    أنا جزمت أنساك يا زين وانزع
    اللي بقى من حبكم في ضميري
    مثلي عزيز النفس عنك يترفع
    دور هبيل فواد مثلك غريرِ



    ........................................ .......... ..........




    فدوة عيونك




    فدوة عيونك لو غدت روح مغليك
    وش عاد لو راحت لعينك عشاير
    أبيع مايغلى على الكون واشريك
    واسوق لى جتني علومك بشاير
    وازعل جميع الناس بالحيل وارضيك
    واصبر لو دارت علي الدواير
    واخذ من ايامي لك ايام واعطيك
    وان راح عمري لك فلا هو خساير
    أحب أنا شوفك وصوتك وطاريك
    دايم وفكري فيك هايم وحاير
    بالصمت أهوجسبك وبالصوت أناديك
    والله عليم البينة والسراير
    أنا وقلبي والهوا بن أياديك
    عندك مفاتيح الهنا لضماير
    من روحي أحبك ومن روحي أفديك
    يامن غرامة والحسن فيه ثاير




    ........................................ .......... ......




    (( يا صاحبي ))



    ياصاحبي هانت عليك المحبه
    لاوحسايف عقب هاك المواثيق
    جمر الغضا في وسط قلبي تشبه
    نارٍ حطبها يابسات المعاليق
    كاسٍ مليته بالوفا لاتكبه
    خلّه يبلل بالوصل يابس الريق
    صبّه بقلبي ثم ملّه وصبّه
    وان كان ودك غرق القلب تغريق
    دام الهوى راسي وراسك يهبه
    خذ سجّةٍ ترى زمانك توافيق
    ترى حلاة العمر مع من تحبه
    شخصن تريد من جميع المخاليق




    ........................................ ..........





    يا زمن العجايب



    زمان العجايب وش بعد ما ظهر
    كل ما قلت هانت جد علمٍ جديد

    إن حكينا ندمنا وإن سكتنا قهر
    بين قلبٍ عطيب وبين راس عنيد

    لو تفيد المدامع كان أسيّل نهر
    مير كثر التوجّد والدمع ما يفيد

    اصبر ايام واشهر واتصبرّ دهر
    وان حصلّ لي مناتي جيت لوني بعيد

    ارجي الله واراقب كل طالع شهر
    يجلي الهم عني أو عسى ما يزيد

    يا غزالٍ فضوح الزّين عنه أشتهر
    في عيوني ملاك ووسط قلبي وحيد

    مخطي اللي يشبّه وجنتك بالزهر
    الزهر ما له رماحٍ تصيب وتصيد

    لو جحدت المحبة سقم حالي جهر
    مير ما كل قلبٍ ياصل اللي يريد




    ........................................ .......... ........




    (( يوم أنا طالب ))





    يوم انا طالب هقيت اني عرفت
    كل مافي الكون من سر الحياه
    يوم انا طالب تحمّست ووعدت
    اني اصلح ما تبيّن لي خطاه
    يوم انا طالب على الغيمه رسَمت
    ضحكة الدنيا على عذب الشفاه
    يوم أنا طالب تخيّلت وحَلمت
    اني البس من هَدب شمسي عباه
    يوم انا طالب حَسبت اني وصلت
    اثرني ما دست بالرجل الوطاه
    وانتهى ربيع الاحلام وظهرت
    اصدم الواقع ويصدمنى عطاه
    ينجرح شوف العيون الى التفت
    كن في حجر العيون اكبر قذاه
    ان بغيت امشي لقيت انّي وقفت
    وان رفعت الصوت ما جاني صداه
    الحقايق فاجأتني ما بدأت
    والزمان اسرع من اللي في رجاه
    وانكسر غصن الخيال اللي زرعت
    والتوى صدري على تسعين اه
    لكن اني رغم هذا ما انهزمت
    واستمريت ادعس الشوك بحفاه
    كلما زادت مواجيعي صبرت
    بين ثلج وبين جمرات الغضاه
    ما غلبت الوقت لكن ما انغلبت
    اعتصر نبعي من بطون الصفاه
    كلها لعيون معشوقن عشقت
    ديرتي ديرة رفيعين الجباه
    في ثراها غالي احبابي دفنت
    وفي سماها اجمع الحلم وهواه



    ........................................ .......... .........




    ياعل قلب


    ياعل قلب ما شكا الحب والتاع
    تنهار من فوقه محاني ضلوعه

    يا ما نهيت القلب لا شك ما طاع
    ما طاع يد له والليالي تلوعه

    أثر المولّع دمعته تجرح القاع
    وإلى ذكر ما فات هلّت دموعه

    يفز قلبي تالي الليل مرتاع
    أخاف تبعد عن ربوعي ربوعه

    الموت كان العرف عقب البطا ضاع
    والمنتحى يا سعود صعبٍ رجوعه

    في غير شوف العين ما نيب طمّاع
    حقّه علي أمشي بدرب المطوعه

    أبو عيونٍ رمشها سود ووساع
    في ذبحها العاشق فتون وبتوعه



    ........................................ .......... .......




    (( أرفعي سهام المنايا ))

    إرفعي سهم المنايا يالعيون
    مابقى فيني مكانٍ للطعون
    كل شبرٍفي حياتي إنجرح
    و الذي شقّوا خفوقي يشتكون
    يا العيون الطاغيه خفّي علي
    كبرت اللّي باوّل ايامي تهون
    في عيوني دمعتين واقفه
    ردّت الايام دمعي بالجفون
    بالغَت فيني تباريح الهوَى
    و أستبدّت بي مواجيع الظنون
    خبّريني يا غرام العاشقين
    كيف يستهوي هل العشق المُنُون
    إرحمي قلبٍ تجاريبه قست
    في زمانٍ ماعرف يومٍ حنون
    اللسان يخون و البسمه كُذُوب
    و اصدق التعبير نظرات العيون



    ........................................ .......... .....




    (( من شمال ))




    هب نسناس الهوا لي من شمال
    حاملن ريح الخزامي والنفل

    من فياضن ظبيها يلعب دلال
    لى لمح ظله من النشوه جفل

    يذبح العشاق صعّاب المنال
    كم شطيرن بالقناصة قد قتل

    مثل شمس العيد فضّاح الجمال
    كل نجمن لا ظهر نوره افل

    خصّني بمواجه السحر الحلال
    واشهد ان السحر في قلبي نزل

    ضارين بمقابل فحول الرجال
    وارتعش قلبي من الفتنه خجل

    قلت راح العمر من دون الوصال
    قال لو حاولت يا القاطع حصل

    قلت لوني طامعن لو بالخيال
    كان بدّلت التوّجد بالأمل

    يا ندى الغيمه على ورد الجبال
    يا عبير زهور ريضان السهل

    إجتمع حسن الحيا بك والجلال
    ما تبدّل بك مع العالم بدل



    ........................................ .......... .......




    لاتملين الشعر


    لاتملين الشعر وأنا القصيدة
    صاغها من لوعة ايامي زماني

    المعاني من غرابيلي جديدة
    من عذابي لحّنوا حلو الأغاني

    كلما ونيت ردوها نشيدة
    واسمع جروحي تصيح بصوت ثاني

    حرفي المجروح سامرهم يعيده
    كلما ودعت موجوع ٍلفاني

    مع جميع الناس وافكاري وحيدة
    شالوا الحاني وأنا شلت المعاني

    زلّت الأيام وأحلامي بعيدة
    والغريب يعذبه طول الثواني

    الحزن لى ضاق في صدري شديدة
    ابتسم لين يَغبطني من لقاني

    ياحبيبة شعري وغالي خريدة
    يااشتياق الروح ياداعي حناني

    ياعروس ٍفي خيالاتي فريدة
    زفّها ركب الغرام إلى مكاني

    انت ِوالأيام في وجهي عنيدة
    والليالي سارية والعمر فاني



    ........................................ .......... ....




    (( لو وفيت ))


    لو وفيت و جيت يومن زرتني
    لو صدقت أفنيت روحي في هواك

    لوسمحت بنظرتك و أمهلتني
    أحضن عيونك بقلبن ما نساك

    لو لمست الوجد بي ولعتني
    و اهتديت بنور قلبي و افتداك

    لو نظرت بعين قلبك شفتني
    ما معي مخلوق يستاهل غلاك

    ليتك من الحب ما خوّفتني
    كان اعيش ألفين عمرن في رجاك

    يا قليل الحظ لو رغّبتني
    كان أبخجل كل بدرن من ضياك



    ........................................ .......... ..........




    (( أمسح الدمعه ))




    امسح الدمعة ترى ضعفك قوي
    انهزم قدام ضعفك ياغلاي

    امسح الدمعة بعمري لو تبي
    عطني احزانك وخذ مني هناي

    امسح الدمعة قبل تقضي علي
    دمعتك تغرق صباحي في مساي

    لاتروع مثل روعات الظبي
    روعتك ياروعة ايامي بلاي

    كل ليلٍ مع نهارك ينجلي
    يابدايات الهوى يامنتهاي

    ياوطن قلبي وغربة ناظري
    ياحتياري ياصوابي ياخطاي

    يابنات الفكر غني وارقصي
    عند خلي وانشدي له من غناي

    واسعي صدر الحبيب واطربي
    طربتي له كلما ذعذع هواي



    ........................................ .......... ...........




    (( سمرت ))

    سمرت بصحبة حروف القوافي

    احملها تناهيت خوافي

    اشكل بالحروف الوان صوره

    احركها من المعنى بصافي

    اشيل الحرف من معنى لمعنى

    واجاري ما زهر واظهر بخافي

    والى منى عطيت الحرف ونه

    بها حرفي على النجمات طافي

    يقوم كل نجم من منامه

    أنا ما نيب اسامر نجم غافي

    يجيني كل نجم منه معنى

    ولا قد قلت للنجمات كافي

    تصور لي دموع وابتسامه

    من عيون تقصوت ما تشاف

    ألا يا نجم يا عالي تبصر

    شف بعين المحبه عين وافي

    وخبرني عن علومه وحاله


    عسى قلبه مع الأشواق دافي

    ولو ممشاي في جمر يفيده

    مشيت بجمرها كنه عوافي

    ولكن وش يفيده لو ذبحني

    ومن يوصف جماله عقب قافي



    ........................................ .......... .........




    (( يوم ميلادي ))






    يمرني كل عام يوم ميلادي
    يوم أعرفه ويوم انسى مواعيده
    يمرّني وانتبه للغايب البادي
    واهوجس بحال غيري من مواليده
    أرتاع وارتاح له .. يفرق وهو عادي
    ينقص من العمر عام في ضحى عيده
    أناغم الحرف ذا باكي وذا شادي
    وارسل مع كل دمعه وجد تغريده
    ياوابل الغيث كان الحظ به جاد
    يزهر حياتي نداه وتزدهر بيده
    ياركب الايام معك العمر ينقاد
    كم ليلتن وسّدتني فيك تنهيده
    ويارحلة العمر في صحوات ورقاد
    ويارعشة الجفن في غفوه وتسهيده
    في لحظة العمر تسري فزّة فوادي
    لحظه وفزّه وباقي العمر ترديده
    الّلحظه الماضيه ما عاد تنعاد
    والقادم من العمر باالغيب تفنيده
    ثلاثة ايّام للرجّال يا هادي
    يومين دنياه ويوم البعث تخليده



    ........................................ .......... ....




    (( يا مسافر للجفا ))


    مسافر للجفا و الوصل يبكي عليك
    وين عهدك بالوفا للخفوق اللي يبيك
    لي جناح ولك جناح ولانطير إلاّ سوى
    اسقني عذب القراح لي زمان اشرب هوى
    ليت لي قلب خلي ماعرف فرقا الوليف
    لا عليه ولا علي لا ربيع ولا خريف
    الهوى أمره عجيب مرّه يسابق حلاه
    إن صفا ود الحبيب الزمان ابعد مداه
    ويل قلبي يالغرام كل يومن لي قصيد
    اشتكى مني الكلام اجرح حروفه و أعيد



    ........................................ .......... ...........




    (( يموت الشجر واقف ))


    يموت الشجر واقف وظل الشجر ما مات

    رياح الدهر تصرخ وهي تجرح جنوبه

    لك الله شجر للموت ما ترخي الهامات

    بقت وقفتك يا رافع الراس مهيوبه

    شجوني لها مع وقفتك يا شجر وقفات

    عيون النظر مع نظرة الفكر مصحوبه

    شموخ الشجر عبره لمن يفهم الشارات

    و الانسان في غفله و الايام محسوبه

    ارد النظر لاشك يا نظرتي هيهات

    أبا ستوعب العبره بالاشجار مكتوبه

    و انا يعتريني ضعف الانسان والهقوات

    أروم العزايم يوم وايام مسلوبه



    ........................................ .......... .......




    (( كل ما نسنس ))




    كل ما نسنس من الغربي هبوب حمّل النسمه سلام
    و إن لمحت سهيل في عرض الجنوب عانق رموز الغرام

    لك حبيبن ما نسا .. كلمته دايم عسى
    اطلب الله وارتجيه .. صبح يومي والمسا

    كل زين اشاهده وانتم بعيد منوتي ليتك معي
    و إن سهرت الليل اهوجس بك واعيد هلّ لاجلك مدمعي

    وانت هاجس خاطري .. و انت فرحة ناظري
    يا قريب و يا بعيد .. فيك امس وحاضري

    نشوَتك تَلعب مع قطر المطر .. و انتشى قطره معك
    والسحاب يطاردك بين الشجر .. خالق الزين ابدعك

    الندى في وجنتك .. صار عطر بلمستك
    و الهوا غنّى طرب .. تستثيره بسمتك

    كلما ضمت عيوني منك طيف .. يا بعد كل الطيوف
    قلت ما مثلك على الدنيا وصيف .. لا حشا مالك وصوف

    لا سحاب ولا مطر .. ولا نسيم ولا زهر
    ولا طيور ولا غزال .. ولا مع باقي البشر



    ........................................ .......... ........




    لو نسيت العمر


    لو نسيت العمر ما أنسى دمعتك
    صرخةٍ ذابت من عيونك دموع

    ترتعش مرتاعةٍ في وجنتك
    وانتفض قلبي لها بين الضلوع

    أزعجت صمت الليالي عبرتك
    بالخفا ثوره وبالظاهر خشوع

    تسكب الدمعة وتظمى نظرتك
    مشهد النظرة وهي تظمى يروع

    يا ضياع العمر ضيعة بسمتك
    ضاع معها خافقٍ مثلك جزوع

    ليت من يمتص جارح لحظتك
    والفرح يشعل دياجيرك شموع




    ........................................ ..........




    الله عليها

    الله عليها عودت وانا احسب الغالي نسى


    الله عليها لي بغت ما يطفي الشمس المسا

    هلت سحابة وصلها على حياتي وازهرت


    واهتز قلبي من نبات الحب زهرٍ واكتسى

    يا وصلها الغالي هلا حييت ياعز الطلب


    لا خير في قلبٍ على مغليه بالدنيا قسا

    وش خانة الحب البعيد إن كان عشاقه يموت


    يخيل براقه وهو ما ذاق طعمه واحتسى

    ياحلم الايام الشداد ياحلم الايام الليان


    ابطيت اقول الله كريم والكلمه عسى

    من عقب وحشة ليلتي هلت تباشير الصباح


    عادت وليفة هاجسي عادت مزعلة النسا



    ........................................ .......... .........




    المعاناة


    يا ليل خبرني عن أمر المعاناة
    هي من صميم الذات ولا أجنبية

    هي هاجس يسهر عيوني و لا بات
    أو خفقة تجمح في قلبي عصية

    هي صرخة تمردت فوق الأصوات
    أو ونة وسط الضماير خفية

    أو عبرة تعلقت بين نظرات
    أو الدموع اللي تسابق همية

    أعاني الساعة و أعاني مسافات
    و أعاني رياح الزمان العتية

    و أصور معاناتي حروف وأبيات
    يلقى بها راعي الولع جاذبية

    و لاني بندمان على كل ما فات
    أخذت من حلو الزمان و رديه

    هذي حياتي عشتها كيف ما جات
    آخذ من أيامي و أرد العطية



    ........................................ .......... .....



    طال السفر ..


    طال السفر
    والمنتظر مل صبره
    والشوق با محبوب في ناظري شاب
    رد النظر
    خليت بالكف جمره
    سعيرها في داخل القلب شباب
    عز الخبر
    والمهتوي ضاق صدره
    يا من يرد العلم عن هاك الأحباب
    طيفه عبر
    ما أرسل مع الطيف عذره
    هو خاطره من لوعتي ما بعد طاب
    هو ما ذكر
    أن الجفا فيه كسره
    للخافق اللي من هوى صاحبه ذاب
    يا ما سهر
    طرفي على حبس عبره
    اردها والوجد للدمع جذاب
    دمعٍ حدر
    جاله على المنع جسره
    عظيم وجدي للدمع شرع الباب
    يوم وشهر
    عزاه والعمر مره
    والناس واجد لكن الولف غلاب



    ........................................ .......... .




    هذه القصيده للشاعر الامير / خالد الفيصل .. موجهه

    بصيغه غير مباشره نحو اليمن :


    ماينسينا الخطا حب الخشوم
    ولا يطهرك المطر عشرين عام
    مخطين ترضى لنا ظلم الظلوم
    ومخطين ترضى على شعبك يضام
    بايعن شاري على شعبك تسوم
    مايهمك بالحلال وبالحرام
    لأجل شعبك بيننا كنت محشوم
    لكن الحشمه خساره باللئام
    يوم فشلنا صواريخ الخصوم
    رحت ياوجه الفلس ترمي كلام
    من شمال ومن جنوب أمسيتم قوم
    وأنت تنخى كل مجرم بالظلام
    وأتفقتوا خذلكم الله يالرخوم
    تطعنون الجار وظهور الكرام
    لاحيا فيكم ولانفسن تشوم
    غركم فينا محبتنا السلام
    كل غدارن تجهز للهجوم
    من طمعكم ماحسبتم للملام
    المعارك ماخذت ليله ويوم
    سلموا جند الخطا ماب الحزام
    وعود الغازي من الغزو مهزوم
    وأمست دياره من أفعاله هدام
    وطاحت قصور التماني والحلوم
    وأكتفيتوا في طلب ظل الخيام
    نحمد الله شيخنا راعي عزوم
    والعظايم مالها غير العظام
    قاموا اللي يطلب العليا يقوم
    ماينام اليا بغى غيره ينام
    أنتهض مثل العقاب اللي يحوم
    لين جات صقوركم مثل الحمام
    شيخنا قرمن تحدر من قروم
    الملك ابن الملك ابن الأمام
  7. mr.hrbi
    Offline

    mr.hrbi .. عضو مميز .. .. عضو مميز ..

    إنضم إلينا في:
    ‏15 سبتمبر 2008
    المشاركات:
    7,938
    الإعجابات المتلقاة:
    495
    نقاط الجائزة:
    0
    حمــــــــــد السعيــــــــــــد





    بين جفنك وعينك



    بين جفنك وعينك الف معنى ومعنى
    وش بقاء للقصايد يوم ترخي جفونك


    انت ياللي بزينك جيتنا تنتزعنا
    وسع الصدر وارحمني على هون هونك


    انت والله لو اني نبي نسري رجعنا
    لا انتهاء زين غيرك كنهم يبتدونك


    حي ذلك الحلا فيك عنهن قطعنا
    مبطي ما ورد الزين من يشبهونك


    كم بغيناك في وصف وانا اقول ضعنا
    عجز ابيات شعر معذبك يا صفونك


    كم شرينا بسوق الوصف غيرك وبعنا
    وانت مهما وصفنا كله يطيح دونك


    يا مضيق صدور البيض في مجتمعنا
    والله اني بشعري ما قوينا عيونك


    تذكر النظره اللي من ورائها اندفعنا
    يوم تقبل سكوتك مختلط مع جنونك


    ما تكلمت لكن سمعنا واطعنا
    كن الناس مثلي كلهم يفهمونك


    جيتنا في غرور ورحت تعلن ولعنا
    لو انك تبيع كلامك والله اني زبونك


    يوم قفيت والله ثقلنا ما نفعنا
    اخذت ناس وناس ودهم يتبعونك


    دام قلبك كبير وراهي يتسعنا
    ظفنا معك او ظفنا في ردونك


    اثر للزين هيبه تونا ما اقتنعنا
    اقراء لا جيت تطلع وانتبه يحسدونك


    لو معانا سكاكين لك الله قطعنا
    بس ربك حميد وقطعتنا عيونك



    ........................................ .......... ...




    لا تسأل حبيبي


    تمنعت فيك وجيت هايب وانا ما هاب
    ولا أقفيت عنك الا وانا هالغلا معطيه


    عليك العيون اللي لهن فعل غزو عقاب
    ضعيفات خلقٍ بس ياويل من تنويه


    ولك نور وجه كن لك بالنجوم أنساب
    وليلٍ عجز من طوله الكف لا يسريه


    ولك مبسمٍ ما كنه الا شفق لغياب
    حمارٍ من الله جمر من ولعه ناسيه


    عبث وانت مقبل تستفز وتثير اعصاب
    تبي تلفت الأنظار مناك لي منيه


    وعبت وانت مقفي تاخذ وتكسر الألباب
    عبث جاهلٍ توه مشى ف بيت من يغليه


    دخيلك على بعضك ولا هي بدعوا عتاب
    تعيد النظر فالبعد من قبل لاتبديه


    عليك الله اكبر وانت حكمك شريعه غاب
    تجي بالطعون وتجرح الخافق وترميه


    وانا اموت فيك وصال واموت فيك غياب
    وهي موتةٍ وحده مع فارق التشبيه


    ومن قال ما به موت بالحب قل كذاب
    جميل وبثينه ما ذبحهم مرض ياهيه


    احبك ومن حبك خسرت اغلب الأصحاب
    اذا عاتبوني فيك وعتابهم ما بيه


    احبك ولا تسأل حبيبي عن الأسباب
    انا لو اعرف اسباب حبك قدرت أنهيه


    الا يا معرض رجل مغليك للمرقاب
    أثر بالطوال تفرج الهم يا راعيه


    انا بسألك هو صحيح الهوا غلاب
    انا بنصح اللي مثل شرواي لا يمشيه


    ومن لا يحتسب بالهوى للفراق حساب
    لك الله ما غنى سلامه يبي يغنيه


    مثل هل دمعي وانت رايح وطرق حجاب
    ومثل ما رمى عبدالحليم الزهر يرميه


    واذا فيه بكتاب النحو للفراق اعراب
    فهو فعل مطلق بالبشر والجفا ماضيه


    الا ليت ربي ما خلق بالغرام غياب
    واذا فيه فرقا طاري الحب لا نطريه



    ........................................ .......... .....




    رجل المواقف


    يا دار نورك غاب مع راعي الدار
    يا لله عسى ما يبطي النور غايب


    عساه يرجع مع سلامات الاسفار
    كن الزمن من عقب فرقاه عايب


    يا لله يا منجي هل الكهف والغار
    يا عالمٍ باسرار دنيا العجايب


    يالله وأنت اقرب لعبدك بالاسحار
    تفرج لشيخ طايع أمرك وتايب


    غلاه وسط قلوبنا كبار وصغار
    متوارثين الحب ما هي غصايب


    حنّا نحبه عشق بالطيب واحرار
    وغيره يحبّونه على غير طايب


    لا ما نجامل في غلا الوالد البار
    شف ورعنا يبكي ويبكيه شايب


    كل تحرى عنه علوم واخبار
    لا قيل طيب يصبح الشعب طايب


    يومه طلع مع كلمته شوف وش صار
    كنا ندور للسعادة .. سبايب


    قمنا نتباشر فيه هو كحل الانظار
    اجر وعوافي يا عطيب الضرايب


    شف صورته بقلوبنا رمز وشعار
    نغليه ونفديه روح وقرايب


    لو بالمرض تجيير ما هو بمحتار
    كم واحدٍ دون المرض عنه تايب


    الشعب عايش كربته سر وجهار
    شعب يحبّه حب ما هو بهايب


    حبّه نبت بقلوبنا مثل الازهار
    واللي يحاول قطف الازهار خايب


    وشلون ما نغليه تفداه الاعمار
    وعمره غلا للدار سلم وحرايب


    يا ما تحمل لاجل هالارض الاخطار
    تفجير واكبر منه غزو وطلايب


    مصايب دارت على راسه كبار
    أحداث مرت تودع القلب ذايب


    من دبرته شف رغم الاخطار إعمار
    رجل المواقف بالرخا والنوايب


    هي بس للتذكير وان عميت ابصار
    داره عمار ودار غيره خرايب


    ويا ما جمعنا رغم وجهات الانظار
    على الوفا وشعوب غيره كتايب


    يوم ان غيره شغلته رفع الاسعار
    شيخٍ علينا ما فرح بالضرايب


    ويوم ان غيره بين ظالم وجبار
    جابر يدارينا مدارا حبايب


    بالطيب والرحمه وعطفه بالاقطار
    ما دار مثله والمواقف حسايب


    هو سورنا الأول إذا عدّن اسوار
    هو عزنا وان كان صارت نشايب


    هو شبرنا الطايل إذا طالت اشبار
    هو درعنا هو سترنا بالصعايب


    هو شورنا وان كان ضاعن الاشوار
    هو راينا ومن كان له رأي صايب


    هو شيخنا وادري توافيق واقدار
    هو وهبة من عند راعي الوهايب


    هو ظلنا وإن شحت الظل الاشجار
    هو بردنا في وجه حر اللهايب


    هو غيثنا وان شحت المزن الامطار
    هو شمسنا وان زاد ظلم السحايب


    هو نورنا وان شحت النور الاقمار
    يالله عسى ما يبطي النور غايب



    ........................................ .......... .......




    ياخالق الدنيا


    كل مافي الكون فاني غير وجهك يا عظيم
    لا إله إلا أنت وحدك نسألك حسن الثواب


    يا مجير المستجير ويامديم المستديم
    فالق الأصباح يامنشي معاريض السحاب


    يا معز ويامذل ويا رؤوف ويارحيم
    يا مغيث المستغيث ويامنجي من عقاب


    إيه مؤمن في وجودك وأعبدك صبح وعتيم
    وأجتهد طاعه عساني للنصر يوم الحساب


    لك سجودي وانت يا سبة وجودي من عديم
    ولك ركوعي وانت ياسبة خشوعي للكتاب


    ياكثر ماني طلبتك بين زمزم والحطيم
    دعوةٍ يا علها تلقى من الضعف الجواب


    طلبتي يارب هديك للطريق المستقيم
    ونجني ياخالق الدنيا من أصناف العذاب


    يوم نعرض يوم لا يوجد لديك من خصيم
    في نهارٍفيه عطف وفيه عتقٍ للرقاب


    أسقني شربه هنيه من فياضٍ بالنعيم
    شربةٍ لا اضما وراها يوم يبسات اللعاب


    أشتكي ضعفي وجهلي اتباعي للرجيم
    لا منزه من خطايا ولا عصيم من ارتكاب


    أعترف بأني بشر اخطي واهيم واستهيم
    وانت بايدك هدي خلقك فاهدني هدي الصواب


    وأسألك قربا من الصالح وبعدا عن لئيم
    وأسألك تفريج همٍ كل ماحل إكتئاب


    وأسألك دايم حضوري قبل لا المذن يقيم
    وعن صلاةٍ للجماعه لا كسول ولا غياب


    وأرتجي عطفك ولطفك والنجاة من الجحيم
    وأسألك حسن الختام وكل هالدنيا ذهاب


    دام كل الكون فاني غير وجهك يا عظيم
    نجني ياخالق الدنيا من أصناف العذاب



    ........................................ .......... .....




    المرسيدس


    راكبه الي طلعة عقب ما استوفا الرسوم
    مستقيظ من كراج البشر والكاظمي


    عقب دوج فزته كنها فزت رخوم
    لا نخاهم واحدن في ذراهم محتمي


    مرسيدس هو منوة الي يبي يقضي لزوم
    ما صنع في ديره تحت سلطه خاتمي


    ما فحط ضغط المكينه جواد ولاغلوم
    والله ان مصمم ما هرج فيه عجمي


    صانعه وانتو بكرامه زبون الباثروم
    من شراب اللب تحلي...... ذوذ بغمي


    كلمته بالليل قد نخت بالبنز مخدوم
    جرمني لاهو بزيدي ولا حضرمي


    موتر فيه المزايا كثر مالي خصوم
    صنعت اللي لا انتخى قال تكفى يا جمي


    لا سفط ثقله تقول هرس عيا لا يقوم
    عن ضيوفه قاضب مسنده ومعاظمي


    وان مشى ما كنه الي تقاطيع الغيوم
    لا تقفن الهبايب سحايب موسمي


    لا انغسل ما كنه الا عزيز ومحشوم
    لاركبته تشعر انك حقيقه ادمي


    لا زهمته موترن ما خذن طبع القروم
    فيه قومات السعودي وفزعة عازمي


    لا نطحته كنه مع الغبه يعوم
    ولا قفيته كنه قوله تنشق عادمي


    موتر لولا التواير وكيبات الكروم
    كان قلت لصواريخ يمكن ينتمي


    راكبه تكفى ولاني معرضه السلوم
    ابي اتجنبهم ولو كثروا تهايمي


    ابي اترك الشعار مابين مبلي ومهموم
    كد نخيت اللي عجز يقظي لازمي


    لا تقربهم وانا ابي اختصر لك بالعلوم
    رح عساها سفرتن مع طريق السالمي


    ولا تكمنت الجمارك وختمت الختوم
    لا توقف جعل يفداك فيصل قاسمي


    الين تاصل من بها القلب معطا ومحروم
    منحرم شوف ومعطى غلاي ما ينحمي


    سم حالي جعل من لامني يعطي السموم
    وابتلاني جعل يبلى بمثله لايمي


    كن من دونه معادين وجيوش وقوم
    داخلي واصعب عليه من شعيب الغانمي


    مل قلب عنه عيا لا يسج ولا يلوم
    ل ذكرته من معي يفطن لجر انسمي


    واحدن بالوصف ما كنه الا بالنجوم
    دور اقواهم وحطه لمذهبني سمي


    بين رمشه ذا وهذا مشي ليله ويوم
    كحلته من وسع عينه اسبوع وترتمي


    كنه الي يعتق البيض الي جاه نوم
    وانصحا من مرقده شاخ فيهن ملهمي


    كنه زين البيض في كوم وزين في كوم
    واحد من سبته يا كثر هزايمي


    في جفاه اجر حقت عبادي يا ظلوم
    وفي الوصل اجرها ميجنات ودارمي


    الزمن في مواصله تقل مشفوح ومعزوم
    والزمن من مفارقه تقول عود منعمي


    يا نديبي ما نخيتك وانا فيني عزوم
    شفني اشحذ من غيابه بعض عزايمي


    وصله علم من الراس للراس مختوم
    لاوسيط الا انت اخذ ما سمعته من فمي


    لا تخليني وانا بين نصح وبين لوم
    خايف لو طال البعد اصدق لايمي



    ........................................ .......... .......




    قمر عشره


    قمرا شهر عشره وبراق جبلي
    لا شفتهن مالي مع الناس مقعاد


    يا كثر ما قالوا لي الناس مبلي
    وراعي الولع ماهو عن الناس نشاد


    لا جيت قيعانن عقب رش وبلي
    ولقيت جرت من له القلب منقاد


    باطراف روضن ما توطاه قبلي
    حين من اللي تارسن راسه عناد


    جرة خرابين فطينن وخبلي
    الليل كله ماهتنا فيه برقاد


    ولا خذت عن حرن تقل قوس نبلي
    متفاختن جرمه مخاليبه حداد


    لا تل مني واودع السبق سبلي
    ثم ارتفع واهوى تقل دلو وراد


    لا تلها تلة نشيطن لحبلي
    هذاك شفي يا قليلين الابعاد


    ولا قمت ابرز للمغدا بشبلي
    وزينت فنجالن على شف وامراد


    هذا الولع لو قالوا الناس مبلي
    راعي الولع ماهو عن الناس نشاد



    ........................................ .......... ............




    ياسعود


    انا احترق وهي ولا همها شي
    وانا انتظر وهي تمدد سفرها

    يا سعود عقب غياب شهرين وشوي
    جتني تشاورني بقصت شعرها

    غابت وجرح الحب في خافقي حي
    ينزف اذا عانق خيالي صورها

    ليلي دموع براحتي وابله كي
    وصوت الجفا للعيت يدعي سهرها

    بغيابها صمتي طوى بسمتي طي
    جاملت انا والصمت ثاني شهرها

    طال السفر ولا خبر جاني منها لي
    ياسعود اسال مير محدن ذكرها



    ........................................ .......... ..........




    يامعذربين القنص


    يا معذربين اهل القنص بالبهاذيل
    اخذو اهروج الي لقاكم يعله


    ان سهل الله بالليالي المقابيل
    ديوانكم ما عاد رجلي تدله


    باكر لمنه بدل الجو تبديل
    وجه الشمال والوثب بالكوس غله


    لا قام من عقب البطا يزحف اليل
    على النهار بساعتين ويسله


    عقب التوبيع وكلابين وسهيل
    لاصرت بظلال الضحى ما تمله


    لا فارقن خضر جديد المحاصيل
    لا شفت مقعاد العصر طال ظله


    هذاك والله دورنا يا العواذيل
    يالي طربكم صورتن بالمجله


    انا طرب قلبي هذيك المداهيل
    لا صارت الحره علينا مطله


    غربي مهيل بين ذيك الشخاليل
    وقت العبور وصيدها حل حله


    لا جيت من جليقم علوم ومراسيل
    وجابوا علوم الصيد دقه وجله


    ثم انتوينامه ارجال حلاحيل
    النفس معهم دايم مسفهله


    كلن جهز موتره بالتدابيل
    يبي الي لا راحت عليهم يتله


    ربعن نشامه بالمواقف رجاجيل
    والا الردي معنا شحيح محله


    وقت المغذا كلبوهم شواغيل
    محدن حسب خدمه خويه مذله


    اكبرهم لا دار ببيض الفناجيل
    من خف روحه بينهم زان دله


    منزالنا قاعن عسا فاله السيل
    عقب الحروره وكل روض يبله


    عاقن توسع خاطري بالتعاليل
    الشيح فيها ما كل الخد كله


    يا عاذلين القلب والله ما اشيل
    عديت كل نجومنا المستحله


    راعي الولع من كثر ما يرغب سهيل
    كنه خليل وشوف خله



    ........................................ .......... ..




    السياحه


    ماني بضد السياحه يا اهل ديرتنا
    انا معكم سياحي واصلن حدي


    من سبت الحر والروتين هجتنا
    متوارثين السياحه من سنة جدي


    يعني نسافر ولو كثرت مصيبتنا
    اقساط وقروض وحبة خشم ونعدي


    مافي شعب يسافر مثل سفرتنا
    لفت كل الدول وانا على قدي


    تاجر وفقير متساوين بسعادتنا
    بخير والطائرات تشيل وتودي


    الفضل لله ومن بعده لحكومتنا
    مهما اختلفنا معاها دايم تهدي


    والله يطول بعمر طاقم سفرتنا
    اللي دعوني وانا ودي ولا ودي


    خبري بلبنان كنت صغير حارتنا
    يعني على قولت اهلها كنت (هل ادي)


    يا كلامهم يا هو يحرك غريزتنا
    شيصير فينا اذا قالت ( تعا حدي)


    جيت ابو حمدون والا اكثر جماعتنا
    في كل ساعه يبدل لبس ويعدي


    اكبر طموحه بارقم بنت جارتنا
    بر البلد يستقلون الامر جدي


    وشعب على الطاولات شكثر هوشتنا
    من اللي حجزها والمشكله شدي


    ماعندهم سوق شرق وفيه لجتنا
    بلاش غربه وليش الكل متحدي


    يعني بمفهومكم هذي سياحتنا
    ( لك دخيل الله سياحه هيك ما بدي)


    لبنان طول العمر تبقى حبيبتنا
    يا حبها ساكن فينا ومتعدي


    لبنان يا قصة تشبه حكايتنا
    نفس القضيه ولاني مبيح بسدي


    شعبين نفى ولا تقبل اهانتا
    اصغر دول واكبرها وذا ردي


    للي يقول ان امريكا ولايتنا
    نعم معاها ولا للي وقف ضدي


    مهما اكرهونا نبي نمدح سياستنا
    احرار للموت لا نرضخ ولا نعدي


    كل الدول عودت تطلب وساطتنا
    دامك كويتي تنهض قول من قدي


    الله يطول بعمر قايد مسيرتنا
    ابو مبارك بحبه واصل حدي



    ........................................ .......... ....




    الحاج متولي


    الله يذكر زمان فات له سيره
    اسمع بذكره وانا ما عشت به كلي

    بقول يمكن تلاحقنا مواخيره
    وقت فيه الرجال تقوم وتهلي

    ماهوب الحين لا دشو مسايره
    رحب وهو مرتكي والحنج متدلي

    بلشان بشيشته ويجر تعميره
    زوله وشكله ابد كنه يزولي

    وان قالوا افلان عند الباب في حيره
    طنش تسمع بقولة خله يولي

    ما يقظي الازمه لو انها صغيره
    ما جذ ذبح في حياته غير قلب الي

    يتعب على كشخته يا قو تبزيره
    يا قو بخله على الطولات ومقلي

    يا كثر ربعه وهو حاله مثل غيره
    وان جيت للحق تبي تاخذ وتبي تخلي

    موكلهم في ناس كلها غيره
    لا شك بعض الطبايع ما يجوزن لي

    اكثرهم اللي يدوج في بناطيره
    وراعي الدشاديش متخلف ومختلي

    واحدهم اذا جاك قصاته وتخصيره
    يضيع هو مقبل والا انه مولي

    وسط القهاوي ضروري صار تحظيره
    بالصالحيه تعال وشوف يا مهلي

    هذي طويله وهذي كنها قصيره
    ما دام بيدينه الجوال متسلي
    ملت عجوزه تسدد فواتيره
    وهو سوات الكديش ينام ويفلي

    الوضع واضح ولا يحتاج تفسيره
    ابي اختصر السوالف زودة غلي

    لا شك ودي قبل لا افضها سيره
    ابقول ما دام الجمهور يرسلي

    اصدق شعوره وتصفيقه وتعبيره
    وان عودته للحقائق وان تهيلي

    حريم الوقت تعميره بتدميره
    يا ق منهي تحفظ البيت وتصلي

    هن سبت المشكله هن كل تفكيره
    كم واحدن عرضنه صادق الذلي

    ماعنده غير خدامه وتاشيره
    وغير المصاريف قل وش عندهن قلي

    السوق والحش وابلش كل تاخيره
    اسمع من الناس وناس جت توصلي

    والله ما يذبح الحرمه بها الديره
    الا ثلاث ثبات ما يتخيلي

    كبر العمر وانشدوني وايضا الغيره
    وانك تسوي سوات الحاج متولي

    اخذو عليهن حريم وعلها خيره
    شوفوا بالتمثليه حيل متسلي



    ........................................ .......... .....




    اثنين بالميه


    يا العود ما للجمر في قصة احراقك
    هم البشر طبعهم قسوه وانانيه

    فنيت عمرك وفا لعيون عشاقك
    والناس في هالزمن محد ذكر حية

    وجه التشابه كبير الفرق بفراقك
    مره احتراقك وانا اللي احترق ميه

    هاذا الزمن وان تساوى الليل باشراقك
    بعيون من حاضره يشبه لماضيه

    ما عاد انا مخايل مزنك وبراقك
    وجعل الشقى ما يجي شغلة وراثيه

    ويا الحزن لولا الامل والصبر من طاقك
    مع البشر كن لك روح عدائيه

    والحلو في هالزمن المر من ذاقك
    باقول واحد لا بقول اثنين بالميه

    ان بعثرك هالزمن من يجمع اوراقك
    وان جمعك فاعرف ان الوقت له نيه

    يا ضحكة العمر ياني حيل مشتاقك
    لا شان وجه الزمن لا تقطع الجيه

    ما قلت لي شها لجفا من بعثر اشواقك
    وتدري بليالي الجفا ماهي ب عاديه

    اذا طروك احترق واشتاق لعناقك
    واقول تكفون لا تجيبون طاريه

    يا ما تمنيت اشوفك والزمن عاقك
    اللي مثل حالتي يا صعب امانيه

    كد قالها شاعر عن قولهم باقك
    كن البلاوي تشابه مع بلاويه

    مدامها بالتمني باطلب فراقك
    لان الاماني مع شرواي عكسيه


    ........................................ .....



    اللكزس


    ألا يانديبي فوق جيب ماهوب نيسان
    ولا حط به خط تحت حرف قيطانه



    مواريه ليتاته مثل بارق الرحمن
    وليا من فتحت الباب حياك سكانه



    ايورد علي الساير من صناعة اليابان
    ضعيف المرتب ما وقف عند بيبانه



    جديد بتي ما شاف خليف بالصمان
    ولا داج به راعي الغنم عند رعيان



    امصمم ابلوفه ما تعوذ من الشيطان
    عليه المره في فترة الصنع زعلانه



    اليامن كفخت اسليتره جنه الزعلان
    جزع من محله فاقد اعز ورعانه



    الياقبل يموه ابمقدمه جنه ابليهان
    واليا اقفي مدبر جنه اطيار شيهانه



    عذاب المسافه الياستوت والمقير زان
    انومس غريب منوته شوفة اوطانه



    ايا ساقه لامن تقهويت في الديوان
    ونخيت الخوي ثم فز واشتل دخانه



    توكل علي الله وحروتك مليت الخزان
    ولا توقف الا ماخذ وصف ديوانه



    ابتلقا حلي اللي دفع قيمته سلطان
    علي الوصف ابوخالد دفع غالي اثمانه



    عديم الوصايف واغتني من وراه اشنان
    تعب ما لقاله برقع عند جيرانه



    وقبل تلتبس فانشد عن امصخر القيفان
    انا ما جذبني له سوي زين قيفانه



    ولابه معرفه سابقه مع هاك الانسان
    سوي سمعة مثل الزهر وسط بستانه



    وعن الشكه انشد وين ضيدان بن قضعان
    انا اقول ديوانه ابشرواه مليانه



    ولا من عرفته قضبه حاجة الولهان
    تعابير قلب شرع الوقت بيبانه



    توطاه زلزال الشقي اول الهجران
    مثل ما وطي اسطنبول واهتز بناينه



    له الله حنينه لاتذكر هوي الخلان
    مثل حنة اللي ضاربن خد هشتانه



    يساقيه بالقيرات ومن فنه السكان
    وهو خايف قولة توايرك هلشانه



    عذابه من اللي جنها قايد الغزلان
    عشقها القمر وامست من الزين رويانه



    عذاريبها طول تثنيه غصن البان
    تعبت انحني له وتثني علي شانه



    وعين اليامن سلهمت جنها حاكم بطران
    اليا طالعتني هزت القلب بركانه



    وانا ويش ابي بك لو تغاليت يا الرمان
    ولها مبسم تفجرت فيه رمانه



    وعلي هون ياليل سهرتك شقي وحقران
    لها ليل ياما نمت في حروت امتانه



    وبلياك يا صبح تعبت انطرك سهران
    لها صبح لا ، وجه ينور لجيرانه



    اليا من غشاني وصلها جني السلطان
    وليا من جفتني صرت من عرض صبيانه



    تحكم ابوضعي جنها سلطة ادراغان
    علي المنتخب يوم المبارات خسرانه



    وتامر علي اوامر الظابط الفسقان
    علي عسكريا حدته لقمة اخوانه



    اتشره ولا تقبل مشاريه يا ضيدان
    بلتني بلاها الله بمضيع ايمانه



    يقولون وادري بالجفي طبه النسيان
    وانا اللي عجزت انسي والاعصاب تلفانه



    نصتك المعاني لا عدمناك يا ضيدان
    تعابير قلب شرع الوقت بيبانه



    ........................................ .......... .....




    ياضيقه الصدر


    يا ضيقة الصدر وش باقي على بكره
    يا طول الساعتين وطول غربالي

    الليل كله وانا فكره وراء فكره
    ومن دلة الهم ماهزيت فنجالي

    ما كنت اضن الحبيب اليا عشق يكره
    الين جربت فرقا اللي شغل بالي

    اثر الجفا موت مثل الموت له سكره
    يالله لاتقطع الغالي من الغالي

    من يوم قفا وانا للموت ابفتكره
    والله ليبطي بقلبي منزله خالي

    الطير لامن غدا ما عاض به وكره
    يقضي وفعله مع المده يورالي

    لا صار فعل وغلا بالقلب محتكره
    في ضيقته يااخذ الاول مع التالي

    كد قالوا الطير يا وفيه يانكره
    واقول نكاره العشره بروا حالي

    ارجع لموضوعنا السابق على فكره
    ماني بانا اللي مفارق بس بلحالي

    البعد سم البشر ماني بمبتكره
    عزي لمن جرب الفرقا وعزالي

    هذا الجفا موت ومثل الموت له سكره
    يالله لاتقطع الغالي من الغالي



    ........................................ .......... .....




    اخر اللي تركه الطير


    اخر الي تركه الطير يومه غدا
    برقع وجرحه اللي بين اصابع يدي

    كنت اضن قضى العشق واثر بدا
    ليل فرقاه ليل موحشن واسودي

    كن عيني تشوفه غير مالي جدا
    راح يومي بجناح الجفا يجردي

    الفضا هو مداه والنظر لي مدا
    نوب اسند جنوب ونوب اسند جدي

    جيت حروة مضيع الطير ويا الندا
    جاء معي فزعتلي خيرا واجودي

    صحتله ولاسمعني غير ذاك الصدا
    منه كن في خفوقي مثل رش بردي

    ماهدا هذا الشعور بغيبته ما هدا
    شفت وكره خلي والحزن يبتدي

    عادت الطير يجفا طيب مدري ردا
    هودي يا هجوس البارحه هودي

    من غدا الطير مني قلت عله فدا
    وين ابي اشقى وانا اللي فقدت اولدي



    ........................................ .......... .....




    لو هو تشاطر غبي


    هاك كل القصيد اخذه مثل ماتبي
    والله اني اغبط الخاطر المستريح

    كيف لاجيت بكتب أحترق بلهبي
    شمعة ماتحس بعمرها من تسيح

    كل شاعر ترى لو هو تشاطر غبي
    يطرب الناس شعره وهو جروحه تصيح

    خذ قصيد بدا قبل يخط شنبي
    يوم الايام كانت مثل ريضان شيح

    أه ياليت تجمع بعثرة مكتبي
    والله اني نويت أبني لشعري ضريح

    جم كتبت واكتبت ولا وصلت اطلبي
    مدري العيب فيهم اوبطبعي صريح

    كن الايام برد وهالقصيد أحطبي
    الاماني رماد وها التوافيق ريح

    بدل الوقت شكلي ولاقوى مذهبي
    وادري ان الاماني به الزمن من صفيح

    سهل ويا الصديق وللردي مصعبي
    دون طيحة خويي والله اني لطيح

    هيه يامن تفتش دفتري وشتبي
    كل بيت يمرك اعرف انه جريح

    وكان ماكفاك شعري يخلف الله تعبي
    مايخلد ويبقى الا القوي والصحيح

    يالقصيدة تثني واطربي والعبي
    في زمان بوجهه اللي هقابه شحيح

    دامها بالبدايه للنهايه حبي
    لايغرك قوي العود باكر يطيح



    ........................................ .......... .




    بس لحظه


    بس لحظه يامهملنى وناوى فى غيابك
    دامك اللى ناوى الفرقا باأقول اللى باأقوله

    أنت يعنى لانويت تغيب باقف عند بابك
    لاوربى تاقف الدنيا وأنا " تأبى الرجوله "

    ماتعودت اتبع المقفى ولو حضرت جنابك
    رح عساها خيرة والدرب لك عرضه وطوله

    روح لاجابك امجيب الغيم واترك لى صوابك
    جيت حلم ورحت حلم تشبه احلام الطفوله

    ماأنت بأول من طعن هالقلب والدرب انتهابك
    ياثقل خطواتك البارح وهالليله عجوله

    باغى الفرقا جعل ربى يعجل فى ذهابك
    بايع قلب لك الله كنت ماتحلم تطوله

    من يلومك..؟ شايف حالك وف.. بداية شبابك
    طاغى تجرح قلوب الناس تحسبها بطوله

    بسألك: كم واحد قبلى هقابك واشتقى بك؟
    أنت ياللى نظرة عيونك قبل عرفك خجوله

    ياكثر ماكانت ظنونى دخيل الله تهابك
    بس اكذبها واقول اوهام والقلب وميوله

    اثرك اللى تستلذ ان ذاقوا العالم عذابك؟
    مشكله !! والمشكله هذى بسيطه ومحلوله

    كان مالبستك الغيره مثل لبست ثيابك
    قل عوافى.. قل مثل غيره تركته وبسهوله

    واجد اللى مشتهين الوصل والخط متشابك
    كان لك جوله ترى محاكيك له تسعين جوله

    لابغيت تغيب فارق لاوربى مادرابك
    شاعر ياكثر ماتل القلوب وصفقوا له

    لاهلا بك فى حضورك .. فى غيابك لاهلا بك
    رح مهف امقيط يوم مقيط ودنه رجوله

    باكر ان ماشفت غيرك جا يعوضنى غيابك
    قل حكى شعار ماتفعل ربع هاللى تقوله



    ........................................ .......... .....




    مات الجمر


    مات الجمر فيني وقلوب الاحباب حيه
    والموت لا ماتت قلوب الحبايب

    يا شيشتي لو فيك ذنب وخطيه
    معاك احس اني عن الناس غايب

    العام كانوا لي من الاصحاب ميه
    وقت الرخا لكن جفوا بالنوايب

    لا هنت يا قلب شكا من خويه
    كم راس من طعنات الاصحاب شايب

    مرات اقول ان الخبل يا هنيه
    ولقيتهم يشكون ظلم القرايب

    ومرات اقول النذل لا رحم حيه
    واثر النذل في بعض الاوقات صايب

    يا نفس شيليها على السامريه
    شيلت طرب ما عاد فيها طلايب

    وش لي بتنيهه القلوب العميه
    وحنا في هالدنيا دروب وركايب

    ابتغزل في هذيك البنيه
    بنت تفل القلب فل الذوايب

    كم بعثرتني وجمعتني هنيه
    بنفس المكان اللي جمعنا غرايب

    يا ضعفها معهم وعندي قويه
    منها غدى ثلثين قلبي خرايب

    مرباعها بين العيون الشقيه
    ومقيضها بين الجروح العطايب

    ما قول يذبح زينها بس هيه
    تلفت لها قلب عن الحب تايب

    ولا قول مغروره ولا هي خليه
    فيها دلع طفل تبناه شايب

    جمال نجد وفتنة حايليه
    وش جمع الثنتين فيها عجايب

    اليا قبلت بين حسنات وسيه
    يا كثر ذنبي بين طيب وغصايب

    وليا دبرت في دمعتين نديه
    قلب معاها وقلب في الصدر ذايب

    راح العمر ما بين روحه وجيه
    يا كثر غلطاتي ولا نيب هايب

    شب الجمر ما دام الاشواق حيه
    وطف العتب والعمر ضحك ومصايب



    ........................................ ..........




    بالحالتين مغلوب


    ضاع الرجا فيك يامزن تحدر iiجنوب
    ماغير اخيل البروق ولاغشاني مطر

    انا ادري انك سحاب ماتبل iiالقلوب
    مير البلا قلبي اللي من بروقك iiخضر

    الناس تفرح بضوح البرق لو هو كذوب
    وكم خال برق الصداوي ساكنين iiالحفر

    عني حدتك الدعاوي والقدر iiوالهبوب
    والغيم لامن تقفته الهبايب حدر

    عرضتني للضما والقلب منك iiيذوب
    ذوبة خفوق العماني عقب غلبة iiقطر

    يا اطهر مخاليق ربي وش تبي iiبالذنوب
    ما واحد قال خاف الله في iiهالبشر

    مشكلتي اني معك بالحالتين iiمغلوب
    الوصل مامن وصل والبعد عنك قهر

    والمشكله قلبي اللي عنك عيا iiيتوب
    ان قلت خله يدور لك ويلقى iiعذر

    العمر يفداك يركض والزمان iiمحسوب
    والصبر بكذب عليك ان قلت فيني iiصبر

    ان كان ما جابك الله مثل رجع iiالنصوب
    وابتل غصن المحبة قل تراه iiانكسر



    ........................................ .......... ....




    غلطتي


    يومها بين ايديني والغلا عادي
    ويوم قفت تفجر حبها فيني

    كنها حطت التوقيت بفؤادي
    لامشت حبها يفجر شرايني

    قبل تقفي وانا متماسك وهادي
    وعقبها ضاق كل الكون في عيني

    غلطتي كنت متراهي ومتمادي
    كنت احسب الزمن والوقت يمديني

    واثر من لا تغانم فرصته غادي
    اه يا فرصتن ضاعت من سنيني

    توني في غلاها قلت يا هادي
    روحت لعنبو من لامها فيني

    ما نفع طويل الوقت وعنادي
    يومها مقبله ما كان يعنيني

    بس راحت وكني فاقد ابلادي
    اثر ما ارخص من الي تطوله ايديني

    يا وجودي هليها وجد بن هادي
    وجد لا وجد فراق ولا ديني

    غلطتي وارتكبها بثورت ازنادي
    يوم جر العزاوي راحت ايميني

    والله اني عليها حدني حادي
    من يرد المواصل بينها وبيني

    علموها تجي وترجع ارقادي
    كل ماجيت ابنسى وش ينسيني

    علموها الغلا ما عاد هو عادي
    مشكله الولع عقب الثلاثيني



    ........................................ .......... ...




    البسكول




    سقى الله زمان فاتلي مع غزير الزين
    ياليت البشر ما فات منهم يردونه

    يعنك ما فاتك من الوقت زين وشين
    رجوعه عليك اصعب من السيل لمزونه

    انا حد علمي بالغلا يوم طبعه زين
    قبل لا يطيع اللي عن الحب ينهونه

    سمع سالفتهم وش وراء الحب وش بعدين
    ومن وقتها يا قل ما القاء تلفونه

    اجي وافتح البسكول يا مال فرقا العين
    ولا اشوف رقمه جعل الارقام يفدونه

    اخيل الجهاز اقول يبي يتصل الحين
    واثر اقتنع في فكره جت معلونه

    من العاذل الي شغلته تفرقت قلبين
    انا اوحيت قلبي واجد اللي يسبونه

    عذول المحبه جعل شرواه يعطى الشين
    حرمني من اللي رغبتي فيه مرهونه

    تغير علي واذا اتصلت ما سمعت اهلين
    اخذ ثقل جعل مغيره تثقل ديونه

    مثل ما ثقل ديني من مقاسط التموين
    هاك البنك الاقشر جعلكم ما تمرونه

    ذبحني غلاه وحط وسط الحشا جرحين
    الاول من الصده والاخر من فنونه

    وانا من هذاك اليوم ومعايد الثنتين
    يا صعب الوصال وصده عن ملعونه

    تمكن غلاه بوسط قلبي عام الفين
    ومن يومها الحب يكبر على هونه

    يقولونه خله يا معود واقول انزين
    ابي فكه منهم وانا اموت في عيونه

    هذاك اذا ضحكلي رحت كلي ولا ادري وين
    كم واحد جذ راح لعيون مفتونه

    وهذاك ان طرالي منه يقصني نصين
    معه نص وابقى نص ما اعيش من دونه

    وهذاك ان طلع رقمه وانا مشغل خطين
    يروحون فدوه للنمرته ولتلفونه

    عساه يرده اللي رد ركان بن حثلين
    من الترك لدياره وللي يتحرونه

    هذاك ان رجع عقب البطا ناذر نذرين
    اني اسامحه واني مع الوقت ما اخوانه



    ........................................ .......... ...




    سبع الصنايع لاكن البخت ضايع



    لا خانتك الدنيا قال عادت البنت
    دنيا وفيه من العذارى طبايع

    من كثر ما جربت امنة وايقنت
    الطيب بالدنيا وبالبنت ضايع

    لاهنت يا قلب شكى الضيم لاهنت
    من دنيتك ضاقت عليم الوسايع

    كم كنت قاسي لكن من الزمن لنت
    الي اطلقك لا يع تكفاك لا يع

    رغم السنين وخبرتك ما تمكنت
    رايح حيا تك بين شاري وبايع

    الحظ كم عاند من الناس حتى انت
    ما طاعك من الحظ يا قلب طايع

    كم شانت وجيه الرفاقه ولاشنت
    خابرك يا قلبي تحب الرفايع

    وفيت معهم واكثر من الوفاء كنت
    والغدر بين الناس هل وقت شايع

    اسرفت باخلاصك وطيبك ولاخنت
    مع دنيتك جربت سبع الشرايع

    كن المثل يا قلب راكب عليك انت
    سبع الصنايع لاكن البخت ضايع



    ........................................ .......... ........




    الهموم




    يا الهموم اللي علي اثقل من هموم الركايب
    ساعد الله قلبي الي مرتكي لحمول همي

    يا الظروف الي علي وين ما وجه صعايب
    ياكثر ما مسحت الدمع منها براس كمي

    يا الجروح الي يجي هذا وذاك العام طايب
    كل ما هبت ظروف الوقت شمي وستشمي

    من عرفت العلم والضحكات ننهبها نهايب
    لا تقافلنا الزمن قمنا علىت الضحكه نسمي

    وان ضحك وجه الزمن تقلى مثل شرواي هايب
    اي اهابك يا زمن وان سقت ضحكاتك يمي

    منك وانا وان زنت بعيوني يا بو وحهين تايب
    ادري انك لا ضحكت القاك طاعن ولد عمي

    تشتكي من سطوتك وتقول من شقر الذوايب
    وكل جرح يهون غير جروحك مات دمي

    بس تنزفنا هموم ونضحك بوجه القرايب
    ومن نشدني مالي الا بخير وهمومي بدمي

    وانت يالي منك ثلثين الخفوق اصبح خرايب
    دام بعثرني زمان الذل ما يغيرك لمي

    لمني تكفى ترى ما عاد فيني لمصايب
    يا خلف جدي وناس والا يا ريحته امي

    لا تخليني وانا شفني شباب براس شايب
    كان انت اقفيت مع هالناس محدن لديمي

    مثل مال للهم سبة للفرح تبقى سبايب
    انت يا فرحه ويا ضحكة ويا مدري شسمي

    انت اخر ما بقى للي في الحياة من الحبايب
    في زمان ما نشد والله عن مدحي وذمي

    الزمن كم واحدن قبلي موريه العجايب
    والمصبيه كانك اللي مع زماني صرت همي




    ........................................ .......... ........




    ياللي تزعل




    ياللي تزعل وانا ماني بغلطان
    خلك على راحتك واللي تبي سوة

    لا ترفع الخشم يوم انك تعداني
    والله لتبطي وانا ما قلت لك قوة

    في غيبتك جاء مكانك واحد ثاني
    والحب ما ينوخذ ياهيه بالقوة

    ان كان قصدك عبث ودك تحداني
    فابشر بقلب على الصدات يا قوة

    نسيت يومك تلذذ بتعذيبي وحرماني
    وان جيت تلقا حبيبك منقلب جوة

    ان قلت وينك حياتي قلت لي كاني
    يا نار هالقلب من كاني ويا ضوة

    ان كان جت زلة وحده من لساني
    الواجب انك تطوفها من الخوه

    لكن على راحتك واليوم صحاني
    اسلوبك اللي يغير للاسف توه

    تكفى على هالزعل خلك على شاني
    عشان تبطي وانا ما قلت لك قوة



    ........................................ .......... ......




    اغلى من سكن الكويت



    يوم سافرت وانت من الزعل ما رضيت
    كل شي بعيني صرت اشوفه كئيب

    وش يضرك بو انك قبل لا امشي نسيت
    هالزعل وابتسمت وكل جرح يطيب

    والله اني على ذاك الزعل ما قويت
    سامح الله طبعك كل ما جيت اغيب

    تفتعل مشكله والموت كانك بكيت
    اه من دمع عينك يا البعيد القريب

    مابغيت ارتكك في هالزعل مابغيت
    وانت يا اعز ناسي وانت يا اغلا حبيب

    وسع الصدر يا اغلا من سكن بالكويت
    لا تخلي الحزن يا خذ بعمرك نصيب

    يا كثر ما انت في بالي لك الله طريت
    كل ما اسج تطري غصب ماهو بطيب

    دونك البعد لكن كم سرحت وضويت
    في خيالي تعال وشوف وقت المغيب

    لا بغيت انتهي ما كني الا بديت
    فيك تفكير ياللي منك جرحي عطيب

    كل ما قلت ادور لك عذر ما لقيت
    غبت والموت اعرف ان الجفا وجه ذيب

    واذكر اني افز اليا تعبت وغفيت
    هب يا ليلة فارق الولايف يهيب

    كثر ماني على الفرقا بقلبي دعيت
    كثر ما الله كتب لي بالمفارق نصيب



    ........................................ .......... ......




    بعض العلاقات



    بعض العلاقات ما منها ابد فكه
    يا شينها كان جبتها لك القدره

    لاجاك دمه ثقيل ومنطقه سكه
    يضيق صدرك وهو مستاسع صدره

    لاصرت ضيق الصدر بالي معك صكه
    لاتجامل الي غييث وشفته ودره

    زك الخوي من قبل لا تعاشره زكه
    ترى خوي النشاما صابته ندره

    وقت الشدايد اذا بتجربه ضكه
    يمد شوفه وتلقى فزعته حدره

    الاجودي اجودي ما تلحقه شكه
    وفرخ النخل ما يجي في قاعدة سدره

    من رافق اجرب تبي تبدابه الحكه
    والطير سلم عليه ان صابته جدره

    باب يجيب الهواء ان طعتني صكه
    ارقى الرفاع وتجنب كل من حدره

    ما يبخص شعاب مكه الا اهل مكه
    الصاحب انشد وتلقى عندهم قدره

    كل القلوب بهل وقت مندكه
    سبت كدرهم خوي حاشهم غدره



    ........................................ .......... ......




    ضحكت الورع




    يا ضحكت الورع مدري وين شايفها
    ان كان ماني متوهم ضحكت فلانه

    قمازته وشفته تشبه شفايفها
    وعيونه عيونها يضحك ونعسانه

    والله يا ضحكته عجز اطوفها
    اللي شغلني معه من جملة اخوانه

    وقفت والنفس مابدت حسايفها
    ضيعت وقتي غصب كله على شانه

    انشده والبشر تتبع ولايفها
    يلعب طرب بالملاهي بين ورعانه

    صديت والعين ماتنسى وصايفها
    هذيك نفسي عليها حيل شفقانه

    وا نفس ياللي تحلفني واحلفها
    حاولت اشكك وهي ماهيب غلطانه

    تقول هل الورع والله من خلايفها
    واقول ربي يخلق اشباه سبحانه

    هذيك راحة وانا ماني بعايفها
    حكم المقدر وكلن راح في شانه

    خبريبها يوم جاها من طويفها
    الي خذاها ويتبع سلم جدانه

    ماشافته ولاهو ماهو بعارفها
    ماشاورها ابد ما كنها انسانه

    راحت وانا بشقى كني مناصفها
    يا مل قلبن شكى همه وحرمانه

    لليوم قلبي يرددلي سوالفها
    هذيك نفسي عليها حيل شفقانه



    ........................................ .......... ........




    ،، مجنون زعلاتك ،،





    تزعل واراضيك واتلذذ بتزعيلك

    تبي الصراحه انا مجنون زعلاتك


    لاقمت تبعد وانا اقرب وادنيلك

    وامسك طرف غترتي وامش دمعاتك


    وتبدي تعاتب وانا كل انتبااهي لك

    ما اسمعك شتقول انا عيني على شفاتك


    وتعيد حجيك وتفرك حيل منديلك

    وتخالطت صادق حروفك بوناتك


    واحاول ارضيك ومدري منين ابديلك

    واحتار واذكرك في بعض زلاتك


    واسمعك ماكتبته بك واغنيلك

    طاروقك اللي تحبه واكسر سكاتك


    واستسمحك واعذرك واسمعك واشكيلك

    واتلهف لبسمتك ورد ضحكاتك


    يسرقني الوقت ولا يمديني احجيلك

    كلام اللي تحفظته لشوفاتك


    وقت الوعد فات وعيوني تراعيلك

    وقفيت واشغلت القلب بلتفاتك


    عيني على خطوتك والقلب يدعيلك

    الله يحفظك من الحاسد وشماتك


    تزعل واراضيك واتلذذ بتزعيلك

    تبي الصراحه انا اعشق كل حالاتك




    ........................................ .......... ..........




    كنت الوم الى يضيق


    والله انى كنت ألوم اللى يضيق أن غاب خله
    لين جربت المحبه والفراق وقلت توبه


    لعنبو جد المفارق فيه هم وفيه ذله
    أثر كل الحب لذه والفراق أكبر عيوبه

    امس فارقت الغلا ومفارق الخلان عله
    والعلاج الوصل لا تبلش طبيب ولا حبوبه

    الزعل هو سبه الفرقا يهز الحب كله
    ليتنى طولت بالى قبل لا يعلن غروبه

    وآهني اللى وسيع الصدر.. صدره وسع فله
    غلطه الصاحب تجى وتروح ماهى بمحسوبه

    عارفً قدره.. وقدر اللى يحبه فى محله
    ذاك نفسه لا حشا ماهى على الحب مغصوبه

    ليش تحسب غلطه الصاحب على الصاحب مذله
    ليش ماتحسب ميانه لو تجى عشرين نوبه

    لا وربى.. كنت أحبه حيل مادورت زله
    لا تشكك فى غلاه ولا تساعد فى هروبه

    لايمى قبلك تعبت ألوم شعار المجله
    وكنت مؤمن فى مقوله اعذب الشعر الكذوبه

    وأثر كلن فى حياته له تجارب مستقله
    وانت لا تشره على مثلى وتبلا لك بحوبه

    كان جابتك.. الحميه روح له تكفى وقله
    لا يخلينى واذا وده يخفف من ذنوبه

    يستخير وله غلا قلب صدوق مايمله
    فدوة له كل قلبي من شماله لى جنوبه

    يوم قفى والخفوق يفوح عقبه فوح دله
    وسط وقدرة واحد عز الشتاء والسهر دوبه

    لا تقهوى بارده من برد فنجاله وزله
    ثم قربها على جال الجمر وأرهى شبوبه

    وين يدله هالخفوق وكل مايدله يتله
    طاري اللى ياكثر ماأتعبت رجلى فى دروبه

    لا طرى جريت ونه من بلاده مستحله
    مثل ماراحت بلادى مع شعارات العروبه

    كل هاجوس يجيبه جعل شعرى فدوة له
    وأعذابى كل ماجبت لى الجبله هبوبه

    مشغلن قلبي يحبه دون خلق الله من الله
    هيه ياللى ممتلكنى حسن وأسلوب وعذوبه

    ماسمعت ان الخوي له بالخوي تسعين زله
    وانت طوف زلتى ياعل تفداك اللعوبه

    صاحبي سيف الهجر لا صرت تقدر لا تسله
    ماتظن ان العفو عند المقدره اكبر عقوبه

    ايه انا اللى كنت ألوم اللى يضيق ان غاب خله
    لين جربت المحبه والفراق وقلت توبه



    ........................................ .......... ..........




    ماهو بكيفك


    ماهو بكيفك تواصلني تقطعني
    اما غلا بين او فضها سيره

    ياشين لاجيت تقطع لاتوادعني
    ليتك تحس الوداع شلون تأثيره

    ياماخذ الحب قل فيني وسمعني
    حب على كبر صعب ابدل بغيره

    أبحتفظ فيك وادري مانت نافعني
    يمكن مع الوقت اقول محبتك خيره

    والله تدري وش اللي معك دافعني
    اني معاك انت امارس آخر الغيره

    واحب فيك البرود اللي يقاطعني
    لو ماتكلمت صمتك صعب تفسيره

    ياللي عليك البشر شفها تقاطعني
    منين ماوجه الهقوات لك سيره

    ياشينها من الخوي قول اتركه طعني
    ماغير شره ولا انت بشايفن خيره

    ياشينها منك لاجيتك توزعني
    في عذرك اللي على هالظرف تجييره

    شف كبر صبر البشر ماعاد ياسعني
    واكبر هموم العباد اشوفها صغيره

    وش جاك مني خطا يومك تبيعني
    في سوق ذقها عليك اسوقها جيره

    انا اذكر انك الا من قلت دلعني
    القلب هانت علشانك مشاويره

    يامشغل القلب بين تحبني و يعني
    شفني عليك احترق ياسيدي حيره

    مرات اقول اتركك لاشك يمنعني
    شي يقول أعذره واقبل معاذيره

    قلت احتفظ فيك وادري مانت نافعني
    يمكن مع الوقت اقول محبتك خيره




    ........................................ .......... ........




    المتينات
    للزيين قالوا من قديما علامات
    عين ومبسم والجسم والرشاقة
    لكن كسرها لقاعدة ها لمتينات
    من واقعاً ماهو كلام وبلاغة
    اللي محليهن ولا هن ثقيلات
    دايم خفاف الدم وفيهن لباقة
    الله ياهن يا جماعة رشيقات
    وفي الكلام الحلو فيهن طلاقه
    ما هو ضروري بالرشاقة رشيقات
    وزود الوزن ما هو بيعني إعاقة
    وما هو ضروري يلبسن استرتشات
    يا زينهن واللبس واسع نطاقه
    لا بارك الله فيك يا لضيق بذات
    ترى السعة مرات تعطي أناقة
    قالوا الرجيم اليوم هم البنيات
    قلت الرجيم ادري يبي له فراقه
    وقالوا رياضة قلت ماهن مريضات
    للسكري لا ما معاهن بطاقة
    قابلهن الله بالرجيم او رياضات
    بهدي لهن مني من الورد باقة
    هن دفا هذا المجتمع هن رقيقات
    هن ملح هن سكر لذيذ ألمذاقه
    هن لا سالتوني عن الحب بإسكات
    أقول ما فيهن عن الحب طاقة
    ما هو كلام اللي اقوله وإشاعات
    انا ربطتني مع متينة علاقة

مشاركة هذه الصفحة

الاعضاء الذين يشاهدون محتوى الموضوع(عضو: 0, زائر: 1)