 |  |  |
| |
|
| |||||||
 |
| | أدوات الموضوع | انواع عرض الموضوع |
10-21-2011, 02:58 PM
| رقم المشاركة : 15 (permalink) | |||
   
|  رد: روايتي الاولى ( امانة لا تخليني احس انك دفئ سنيني ) / بقلمي ( باربي الشهري ) > رو
وينك يالغلا متى تنزلين البارت | |||
|
|  |
 المواضيع المميزة : | ||
|
10-21-2011, 04:19 PM
| رقم المشاركة : 16 (permalink) |
| رد: روايتي الاولى ( امانة لا تخليني احس انك دفئ سنيني ) / بقلمي ( باربي الشهري ) > رو يب طوووووولتي يالغاااليه |
|
| |
|
10-21-2011, 05:38 PM
| رقم المشاركة : 17 (permalink) |
| رد: روايتي الاولى ( امانة لا تخليني احس انك دفئ سنيني ) / بقلمي ( باربي الشهري ) > رو اسفه حبايبي على التاخير ,,, |
|
| |
| من مواضيعي في المنتدي |
| | رواية امانة لا تخليني احس انك دفئ سنيني بقلمي شِـهــرّيـه آلِـيـمـّـة |
|
10-21-2011, 05:40 PM
| رقم المشاركة : 18 (permalink) |
|
| رد: روايتي الاولى ( امانة لا تخليني احس انك دفئ سنيني ) / بقلمي ( باربي الشهري ) > رو بـــســـــم اللّـــــــه الــرحـــمـــــــن الــرحــــيـــــــم ... ( أمـــآنـــــة لآ تــخــلــيـــنـــــي أحـــــس إنـــكـ دفــــئ ســنــيــنــــــي ) الـكــاتــبــــــة / ( بـــآربـــــــي الــشــهـــــــــري ) •°•°•°•°•°•°•°•°•°•°•°•°•°•°•°•°•°•°•°•°•°•°•°•°•° •°•°• ( الـــــــــــــــبـــــــــــــــــــــــارت الــــــثــــــــالـــــــــــــــث ) للـــخـــســــآرة ,,, عــطــيـــتــــك امــــآنــــــة ,,, مــا جــنــيـت مــنـــهــا إلا الـنــــدامــــــة !!! •°•°•°•°•°•°•°•°•°•°•°•°•°•°•°•°•°•°•°•°•°•°•°•°•° •°•°• فــــــلـــــــــــة مــحــمـــــــد بـ الــريــــــاض عــنــــد مـــــــــــلآكـ .. كانت نايمة و الجوال يدق منبه الساعة 7 صباحا ,, قامت كسلانة اخذت لها شور سريع و غيرت ملابسها لبست تنورة جينز ميدي و بلوزة ساتان حمراء موديلها واسع و ضيق من عند الخصر ,, رفعت شعرها بحركة سريعه و حطت واقي شمس و قلوس و اخذت عبايتها و شنطتها و نزلت .. - ملاك و هي تجلس على طاولة الطعام : صباااااح الخييييير بااباااا . - محمد : صباح الخيرات يا عيون بابا ’ محمد بابتسامة ’ وشفيك مكسلة كذا ! - ملاك : تعبااااانة ابي اناااااام ,, كويس اليوم ما عندي الا محاضرة وحدة . - محمد : احضريها و ارجعي نااامي مثل ما تبين ’ و هو يتذكر ’ اقول بابا .. - ملاك و هي تشرب النسكافيه : هممم . - محمد و هو يضحك : استغليت الفرصة عشان جنان ما هي تغصبك بالحليب تشربين النسكافيه هههههههههه . - ملاك : هههههههههه كشفتني . - محمد : الا اقول قالت لك جنان عن الاوراق ,, خلاص وصلتها . - ملاك تذكرت و شرقت : كــح كـــــح .... - محمد : بسم الله عليك ’ و عطاها كوب الموية ’ خذي بسم الله عليك . - ملاك بعد ما شربت بارتباك : آآآآآممممم ,, ااانااا ,, بااابااا ... - محمد باستنكار : وشفيك ! - ملاك بسرعه قالت : بابا نسيت ارسل الاوراق لـ جنان . - بغضب يحاول يكتمه : ليييييش ,, ما قلت بارسلها و انتي رفضي ,, و لازم ارسلها اليومين هذي ضروري . - ملاك ( اجل لو تدري انها ما راحت الشركة خير شر ): بابا اسفه والله نسيت ,, خلاص الحين ارسلها . - محمد و هو رايح لمكتبه : جيبيها انا بارسلها ,, و تقولين ليش شايفني بزرة و مو مثل جنان ,, اقول بسرعه جيبيها . - ملاك و و هي طاله الدرج بضجر : طيب . راحت غرفتها و جابت الاوراق لابوها ,, و طلعت مع السواق للجامعه ,, في الطريق ارسلت لجنان رساله ( صبااحوو ,, جنّوون بابا بيرسل اوراق للشركة الحين يقول لازم تخلصيها اليوم ,, روحي الشركة الحين بسرعه ) •°•°•°•°•°•°•°•°•°•°•°•°•°•°•°•°•°•°•°•°•°•°•°•°•° •°•°• عـــــنــــــــــــــد جــــنـــــــــــــــــان .. قامت من النو و جلست على سريرها تتذكر اللي صار لها البارح ... ... و فــجـــآة دف خالد الباب و دخل و قفل وراه .. جنان خلاص انجنت ,, رجعت بسرعه على ورى .. - جنان ( يا ربي وش اسوي ,, اهدي يا جنان ,, اهدي ) رجعت و بكل برود متصنع فتحت شنطتها و طلعت المبرد و قعدت تبرد اظافرها قالت ببرود : نعم وش تبي ,, مو اخذت جوالك خلاص تقدر تطلع . - خالد طلع من جيبه ورقه و قال بخبث : لا ,, باقي شئ . طالع فيها لقيها هاجدة و ساكته و تبرد اظافرها ببرود ... - خالد ( لا يا رب ,, لا يطلع اللي في بالي صح ) قال و هو خاق على شكلها : هذا شيك بـ مية الف ريال ,, اذا تبينه مقابل بوووسه حلوة منك بس و يكون لك ياا حلووووة . - جنان نست انها كاشفه من الخوف ( يا حقير يا نجس ,, كنت عارفه انك من اصحاب مازن ) قعدت ساكته و تطالع فيه .. - خالد ( خليني اكمل و اشوف ) قام قرب منها و فــجــــاة شاف شئ بين عيونه ,, كان مبرد جنان و سكين في نفس الوقت مو باين انه سكين لانه شكله مبرد و لونه فوشي و هو غرضها الخاص ... - جنان و هي تطحن بين اسنانها : و اللي خلقني لو تقرب خطوة وحدة زيادة ما ترجع هذي الا من قلبك ,, اطلع برراا يا كلب ,, براااا انا الغلطانة اني وثقت فيك يا خسيييييس ,,’ و بصراخ ’ بــررااااا ,, ما عندي مشكلة اذبحك حتى ,, طعنت واحد قبلك مو فارقه عندي لو اذبحك ,, بــــرررراااااا ...... كانت تتكلم و هي ترتجف ,, و خالد يناظرها و هو مبتسم ,, و فجأة صفق بيدينه و قال : براااافوووو علييييك ,, انتي كذا ’ سوى حركة اوك بيده ’ و اشر على الورقة اللي بيده و قال : لازم تقرينها . و طلع من الغرفة و قفل الباب وراه ,, لحقته جنان و قفلت الباب وراه بالمفتاح و هي شوي و تبكي ,, تذكرت الورقة راحت ركض لها فتحتها و قرات ... ( انا اسف على الحركة اللي سويتها , حركة البوسة و الشيك , هذا كان اختبار لك و برافوا عليك نجحتي فيه و بجدارة , كت ابي اتاكد من حاجة في بالي , و لو وحدة غيرك كانت نطت عطتني 10 بوسات مو وحدة مقابل مية الف , انا اسف و اتمنى تكونين في الصباح في مكتبي ,,, خـالـــد )... قرات الورقه و هي مو مصدقة مصدوومة .. - جنان ( مجنوون هذا ,, هو و حركته الخايسه الوسخة ,, يعني هذا مو شيك ,, بس شاللي يضمن لي صدقه ,, طيب يا خالد انا اوريك من جنان ) .. تذكرت شكلها و استحت مررااا ,, كانت لابسه بيجامة حرير فوشي و شعرها كان مفتوح و كان شكلها مرررة خقققه ,, قطع عليها تفكيرها صوت المسج قراته .. - جنان ( يووووه ماقد رحت الشركة من يوم جيت ,, و الحين بابا بيرسل اوراق ,, لازم اروح ).. قاامت طيراان اخذت شور و غيرت ملابسها و لبست عبايتها و طلعت مع جعفر للشركة ... •°•°•°•°•°•°•°•°•°•°•°•°•°•°•°•°•°•°•°•°•°•°•°•°•° •°•°• فـــــــــــآصـــــــــــــــل للـــتـــــعـــــــــريــــــف (عــائــلـــــة مـــحـــمـــــــد ابــــو جـــــنــــــــــان ) - محمد ’ ابو جنان ’( انسان طيب و حنوون مرررة على بناته ما يرفض لهم طلب ,, هم عنده بالدنيا كلها ,, يشتغل في الشركة مع ابو نواف صديقه الروح بالروح زوج اخته الوحيدة ام نواف ,, زوجته متوفيه و هي بريطانية و ما تزوج بعدها حبا فيها و عشان بناته ).. - جنان ( 23 سنة ,, تدرس في الجامعه اخر سنة ,, راقيه و رومنسية مررة حساسة و حنونة خاصة على اختها ,, فيها شويه غرور بس يحق لها ,, جمالها الجمال البدوي الاصيل جمال خليجي ,, عيونها وساع بس لونها مثل عيون امها لونها لون البحر و ذباحة و رموشها طويله لدرجة تنعكف ,, بشرتها بيضاء بياضها على برونز شعرها اسوود سواد الليل طوييل لين اسفل ظهرها غجري ,, خشمها سلة سيف ,, شفايفها مرسومة رسم مليانة و وردية عندها غمازات تذبح ,, جسمها خطييير مغري رشيقه ,, ما ترضى حقها و حق اختها ينهضم تاخذ حقها و حق اختها بيدها ,, ما تحب احد يدوس لها على طرف ,, لا بغت شئ تسويه لو على قص رقبتها ).. - ملاك ( 20 سنة ,, تدرس بالجامعه ,, مرحة و حبووبة طيبة و متعلقه في اختها مررة ,, شكلها عكس اختها تماما تشبه امها البريطانية بيضاء و شعرها اشقر حرير لين نص ظهرها ,, عيونها وساع لونها اسود و هذا عكس اختها ملامحها حادة انفها حاد ,, شفايفها مثل الكرز حمراء ,, جسمها خيال روعه ,, هي و اختها مررة متعلقين في بعض بحكم ان مالهم غير بعض و امهم متوفيه ).. هذه نبذة بسيطة عنهم .. راح تتعرفون على شخصياتهم اكثر من خلال الرواية ... •°•°•°•°•°•°•°•°•°•°•°•°•°•°•°•°•°•°•°•°•°•°•°•°•° •°•°• عــــنــــــــد خـــالـــــــــــد فــي مـكـــتــبـــــه .. - خالد ( يووم صارت الساعة 9 و نص و ما جات ,, لا يكون سحبت علي من الحركة اللي البارح ,, بس لا اكيد قرآت الورقة و فهمت قصدي وشفيني انا اصلا قايل لها موعدنا الساعة 10 بانتظر اشوف ,, اووف لا يكون زعلت بعد انا ووجهي حركتي قوية ,, ’ و ابتسم لا شعوريا لما تذكر شكلها .. ( بسم الله عليها من جد قمر خقه ,, كاملة و االكامل الله ,, كويس مسكت نفسي و ما عطيتها بوسة من جد ههههههههههه ,, بس والله حركتها رهييييييبه عرفت تلعبها صح ,, من جد ما توقعت ردة فعلها كذا ,, هذي جد داهية بنت رجال ,, الله يحفظها ) .. صوت جواله جاه مسج ,, كان من رقم غريب .. ( رقم مازن 0555..... , ابي المعلومات كلها تكون جاهزة ,, ساعة و انا عندك ,, جــنــــان ).. خالد بغى يطير من الفرحة ( الحمدلله فهمت قصدي ,, بارسل الرقم لـ فيصل يطلع المعلومات قبل توصل) .. ارسل الرقم و ما امداه يجي تم الارسال الا فيصل واقف قدامه .. - خالد : بسم الله من فين طلعت انت ؟؟ - فيصل بابتسامة و هو يجلس : من بطن امي اللي هي خالتك زوجة عمك ,, خخخخخخخخخ . - خالد : ها ها ها ,, تنكت و لا تستظرف ,, خخخخخخخخخ . - فيصل : لا استهبل ,, ههههههههههههه . انتبه فيصل صوت جواله لـ مسج قرأ المسج و قال : وش السالفه محشش ,, قدامك و ترسل مسج . - خالد : لا ما امداني ارسله الا انت قدامي ,, اسمع هذا رقم واحد ابيك تجيب لي عنه معلومات خلال نص ساعة بالكثير . - فيصل باستغراب : وش السالفه ابو دحووم ,, بعدين انا جاي اخذك بنروح البحر . - خالد : بعدين تعرف السالفه ,, بس اهم شئ سوي اللي قلتلك ,, و ماني رايح البحر معكم ,, مشغوول مرراا . - فيصل : اوووك ,, ساعة و هي عندك ,, و اذا خلصت شغلك الحقنا ,, يلا ســلام . - خالد : اوووك ,, مع السلامة . •°•°•°•°•°•°•°•°•°•°•°•°•°•°•°•°•°•°•°•°•°•°•°•°•° •°•°• عــــــنـــــــــــد مـــــــــلاك فــــــي الــجـــــــــامــعــــــــــــــــه.. كانت واقفه مع نوف و مقابلتهم بنت .. - ملاك : نوف هذي مشاعل ,, مشاعل هذي نوف بنت عمتي . - نوف ( لا مستحيل هذي المسترجله تطلع مشاعل ,, يمممه كانها ولد ,, كيف قدرت ملاك تمشي مع الاشكال هذي ) قالت بصدمة: آآآآ اهليين مشااعل تشرفنا . - مشاعل بثقل : لي الشرف ,, يلا صبايا انا رايحة مع الشلة . ’ و اشرت على مجموعة بنات عرابجة ’ - ملاك و نوف : اووك ,, بـــــــــــــاي . بعد ما راحت التفت نوف على ملاك و هي معصبة : انتي كيف تماشين الاشكال هذي ,, هاااا اكيد جنان ما درت عنك ؟ - ملاك بعدم اهتمام : لا عااادي ,, اصلا لعلمك مشاعل تعرف جنان . - نوف بصدمة : مستحييييييل ,, انتي ما شفتي شلتها كلهم منحرفات مسترجلات !! - ملاك : لا بالعكس ,, شلتها كلهم عربجيات بس هي و وحدة ثانية اسمها اميرة مسترجلات بس . - نوف : لا يا شيخه ,, وش فرقت يعني كلهم دايخات ,, بعدين شوفي هذي نعوومة و دلع مو راكبة معهم ابد . - ملاك : لا في فرق بين العربجية و المسترجله ,, و هذي النعومة لمى خوية مشاعل ما تفارقها ,, امشي بس السواق ساعة ينتظرنا . - نوف : السواق و لا انتي تبين تنامين هههههه يا كيس النووم خخخخخخخخخخخ . - ملاك : كويس انك عاااارفه ,, هــع . طلعوا من الجامعه كل وحدة مع سواقهم .... فــي جــهـــه ثـــانيـــه فــــي الــجــــامعـــه عــنــــد مــشـــاعـــــل ... - مشاعل : سلام بنات ,, سوري تأخرت . - سارة : وش تسوين مع البنتين ذولا ,, لا يكون مخاويتهم ,, وين لمى عنك خخخخخخخخخ . - مشاعل التفت على لمى : لا بس عرفتني على بنت عمتها ,, و ترى صداقه لا اكثر و لا اقل . - و لفت على وحدة من البنات : اقوول مييروو ,, عندك زقاير . - سارة شهقت : هيييييه لا يكوون بتدخنين هنا وسط الجامعه . - مشاعل : ايه لييش لا ,, مصدعه و ابي وحدة . - اميرة : عندي بس مو هنا ,, امشي الحمامات . - مشاعل : امشي بسرعه ,, يلا بنات تجون معنا . - لمى : ميشوو انا طالعه اخوي ينتظرني ,, باايوو . - سارة : مافي احد يدخن الا انتو الثنتين ,, يعني بس انتو ,, يلا انا طالعه ,, بااااااااااي . - البنات : باااااايااااااااااااااااااااااااات . •°•°•°•°•°•°•°•°•°•°•°•°•°•°•°•°•°•°•°•°•°•°•°•°•° •°•°• عـــــــنــــــــــــــد جـــــــنـــــــــــــــــــــــــــان .. و هي طالعه من المكتب و تكلم السكرنيرة ... - جنان : انا الحين طالعه ,, و اذا اتصل بابا قوليله خلاص الاوراق جاهزة . - السكرتيرة : اووك ,, ان شاء الله يا استازة . و طلعت من الشركة متجهه لمكتب خالد .. وصلت لـ باب مكتبه بس غيرت رايها في اخر لحظة و رجعت نزلت تحت .. و ارسلت له مسج ( انا في المقهى اللي امس ,, انتظرك ) وصلت للمقهى و لقيته مرتز قدامها .. - جنان بغرور : هه ,, اشوفك واصل قلبي و متحمس . - خالد ببرود : وعليكم السلام . - جنان طنشته و جلست و طلبت لها فطور لانها من الصباح على لحم بطنها التفت على خالد : تبي شئ . - خالد يكلم القرسون : واحد قهوة تركية . - جنان ببراءة نست نفسها : لا ما تصلح قهوة من الصباح ! - خالد ابتسم لحركتها : و لا تزعلين .. و التفت على القرسون : خلاص جيب معسل تفاحتين . - جنان شهقت : تعسل ؟؟ و لا في الصباح كمان ؟ - خالد : قهوة و مشيتها لك ,, اما المعسل فلا انا من عشاااقه . - جنان ( بالطقاق وشدخلني فيه بحريقة ): بكيفك . و ساد الصمت بينهم لفترة .. قطعته جنان .. - جنان : جبت المعلومات عن مازن . - خالد : اعطيتها واحد و باقي مات جابها . - جنان بضجر همست : اوووف . - خالد سمعها : اصبري ,, اذا بغيتي شئ لازم تصبرين عشانه . - جنان ( يعني قلت معجزة انت و خشتك ): ما اقدر اصبر اكثر ,, لازم ارجع الرياض بعد يومين بالكثير . - خالد :خير ان شاء الله .... سكت شوية بعدين قال بهدوء : انا اسف علــ........ - قاطعته جنان ببرود : انا بامشي معك للاخر و باشوف النهاية ,, بس صدقني لو تلعب معي والله تتعب والله . - خالد بضحكة تخقق : ههههههههههه ,, اجل باقي ما عرفتي خالد ! - جنان : الايام بيننا ,, يلا اتصل على صديقك شووف ايش صار ؟ - خالد : اصبري هو اول ما يخلص بيرسلها على طول . - جنان ( والله شاكة فيك يا خالد بس نشوف نهايتها ): هذا الفطور جاء ,, لو اخلص و ما وصلت ,, اسفه بامشي . - خالد بابتسامة : سمّي بالله و كلي . و اخذ المعسل ,, طالعت فيه جنان باشمئزاز و قالت بهمس : وجع من الصباح معسل ! سمعها خالد ما قدر يكتم ضحكته الا بابتسامة .. نزلت جنان الثمة و حطت الطرحة على وجهها عشان تفطر و لا يبان وجهها .. و كان خالد يطقطق في الجوال و يشرب المعسل .. انتبه لها و هي تفرك عيونها المدمعه بعد ما رفعت اللثمة .. - خالد : انا اسف اذا اثرت عليك بالمعسل .! جنان طنشته و تمسح عيونها بالمنديل .... - خالد : طيب نزلي العدسات عشان ما تاخر زيادة ! - جنان باستنكار : نـــــعـــــــــــــــــــــم !!! - خالد يبي يرجع لها حركة المعسل : العدسات اللي بعينك ,, عدسات من الصباح ؟؟؟ - جنان ببرود : هذي مو عدسات ,, خلقه الخالق . - خالد ( لا يا شيخه ,, العبي غيرها هع قال طبيعيه ’’ كان بيرد بس سكت ’’ تذكر شكلها البارح ’’ ايه صح حتى امس كانت زرقاء ’’ و ابتسم ’’ بسم الله عليها كلها على بعضها جناااان ) - جنان طالعت فيه و هو مبتسم ( اهبل هذا يبتسم مع نفسه خخخخخ ) : اسفه الحين راح امشي ,, خلصت فطوري ! - خالد بغباء : مسسسرع ,, ما اكلتي شئ ؟؟ - جنان ( يصرف هذا و لا ايش سالفته ): خلاص شبعت الحمدلله ! - خالد ( و انا اقول هالجسم الخقه مو من فراغ ,, اكلها لقمتين ): اووك راح اتصل عليه اشوف وش صار . اتصل خالد على فيصل .... - فيصل : اهلين خالد . - خالد : هلا وشفيك تاخرت علي ؟ - فيصل : ايه خالد الرقم طلع بدون اسم و انا اعطيته اكثر من واحد نتأكد . - خالد : من جدك !! بسرعه جبلي الخبر الاكيد ,, سلام . و التفت على جنان و هو مرتبك ... - جنان ( تعابير وجهه و نبرة صوته تدل على صدقه ,, نشوف يا خالد ) : وش صار ؟؟ - خالد بارتباك ( يا ربي الحين وش اقولها ,, ما بتصدق بتقول كذاب و تلعب و هالخرابيط ,, باقولها وامري لله بكيفها ): والله يا جنان الرقم طلع بدون اسم ,, و الرجال يقول بيتأكد اكثر و يردلي خبر . - جنان ( ايوه يا خالد هذا اللي ابيه ) قالت ببرود : براااافوو عليييك . - خالد : نعم !! سوري ما سمعت ؟ - جنان : قلت براافووو عليييك ,, و لا تتعب صاحبك عشان يتأكد . - خالد باستغراب : ايش ؟؟ - جنان قالت و نظراتها تقهر تبي ترد له حركته : برافوو علييك هذا كان اختباااار و نجحت ,, يعني تتوقعني غبية لهالدرجة ما فكرت اطلع المعلومات من الرقم !! - خالد فهم عليها و انها باقي شاكة فيه ( والله شكلك دااهيه يا جنان ) . سكتووو شويه ...... - خالد : انتي عارفه وش يبي مازن مقابل الشريط ؟؟ - جنان بغصة : ايه ,, الكلب يبيني انا . خالد اثرت عليه نبرة صوتها حس باحساس مو عارفة شنو كان بيقفل الموضوع بس تراجع كان لازم يكمل اللي بدأه.. - خالد : و لما عرف انك مخطوبة ,, كان باقي مصر على رايه ؟؟ - جنان باستغراب : ايه !! - خالد : مافكرتي فيها ؟؟ جنان تناظره باستغراب .... - خالد ( يا لييل هذي بتقعد تناظر فيني كذا بعيونها الخقه ,, على كذا ما كملت كلامي ) قام لف وجهه عنها لجهة البحيرة و كمل : انا اقولك ,, انتي فهمتي طلبه خ=غلط ,, هو ما يبيك بالحلال زواج ... - قاطعته جنان بشهقه : هيييييييييه ,, اجل يبيني .... - خالد : ايه ,, بالحرام يبيك لعبة بس . - جنان بحقد : الكلب ,, انا اوريه ,, حلم ابليس بالجنه . - خالد : مافيها كلام لو يموت ما يلمس شعرة منك . جنان طالعته صدمها بكلامه ..... - خالد انتبه للوضع اللي هو فيه ( ياا الغباااء الحين بتفهمني غلط ): انتي متى راجعه السعودية ؟؟ - جنان : لو بكيفي اليوم ,, بس لازم الشريط يكون معي ,, و شكلها مطولة السالفه . - خالد يبي يتاكد من ثقتها فيه : جنان ,, انتي واثقه فيني ؟؟ - جنان انصدمت من سؤاله .. ارتبكت ما عرفت تجاوب : آآآآآآآمممممممم ..... - خالد : شوفي يا بنت الناس ,, لو قلتي ايه لك علي عهد الليلة ما تنامين الا الشريط عندك و انتي في الرياض ,, و لو قلتي لا ما الومك و لا اغصبك و الوجه من الوجه ابيض . - جنان بتسرع ,, لان كلامة كان مؤثر كان كلام طالع من قلب واحد واثق : ايه واثقه فيك ,, بس امانة لا تخليني اندم اني في يوم وثقت فيك . - خالد حس بفرحة كبيرة حس انها ترجع تثق فيه : اووك دقيقه . مسك جواله و اتصل على فيصل ... - خالد : سلام فيصل ،، بسرعه قوم من عند الشباب ابيك بسالفه . - فيصل قام عنهم : خير وش صار ! - خالد : اسمع احجز ل سامي و معاذ خلهم يرجعون الرياض الحين و انت تعال عندي في مشكله . - فيصل : خالد وش صاير ؟ بعدين امكن ما يرضون يرجعون . - خالد : مو بكيفهم ،، و لا ترى يطلعون اي مكان ثاني غير شقتي ،، و يحجزون على حسابهم . - فيصل : لا ،، على كذا اضمن لك رجعتهم ،، طيب وينك انت ؟ - خالد : انت خلص من اللي قلتلك ،، بعدين كلمني اقولك ويني فيه ،، بااااي . قفل من فيصل و التفت على جنان... - جنان بخوف : وشفيه !! - خالد حس نبرة الخوف و التردد في صوتها و ما عجبته ابد : لا تخافين مافي شئ ،، بس انا قد كلمتي و بيكون الشريط عندك الليله و بتكونين بالرياض بعد. - جنان حست بثقه كبيرة : طيب وش بتسوي ؟ - خالد وهو يفكر : جعفر . - جنان : وشفيه ؟ - خالد : جعفر قد الثقه ،، نقدر ندخله بالسالفه ! - جنان : ايه قدها و قدود ،، و لو مو قد الثقه ما كان شفتني معه و آمن نفسي ،، هو متربي معنا من احنا صغار . - خالد دخل جعفر في السالفه عشان يطمن جنان : الحين سؤال هو سواق و لا بودي قارد ،، ما شاء الله كانه جدار . - جنان بضحكة ما قدرت تكتمها: ههههههه تقدر تقول الاثنين . - خالد ( يا لبيييه يالضحكه ،، اصيرلك جعفر بس ابيض خخخخخ ): طيب حلووو ،، باقولك الخطة بعدها اتصلي على جعفر يجي . - جنان : طيب ،، بس لو ما عجبتني ! - خالد ( شحات و يتشرط ،، لا والله اني انا اللي ناشب لها خخخخخ ): مو بكيفك . - جنان استفزها بكلمته : نعم !! اجل بكيف مين ؟ - خالد ما كان يقصد ,, يبي يرقع قال : لا لا ،، شوي شوي علي اكلتيني بقشوري ،، انا اقصد مافي غيرها .... - قاطعته جنان : لا يكثر ،، من زينك اكلك وع ،، تكلم بس يلا اسمعك . - خالد ( اقوم اذبحها ذي ): وع هااا ! '' بغرور '' والله اني خقه مزيوون ،، مطيح نص بنات الرياض . - جنان ( و انا اشهد مو نصهم الا كلهم خخخخخ ): الحين بتتكلم و لا شلوون ! - خالد عدل جلسته و صار مقابلها و سند يدينه فوق الطاولة : اسمعي ........ •°•°•°•°•°•°•°•°•°•°•°•°•°•°•°•°•°•°•°•°•°•°•°•°•° •°•°• |
|
| |
| من مواضيعي في المنتدي |
| | رواية امانة لا تخليني احس انك دفئ سنيني بقلمي شِـهــرّيـه آلِـيـمـّـة |
|
10-21-2011, 05:41 PM
| رقم المشاركة : 19 (permalink) |
|
| رد: روايتي الاولى ( امانة لا تخليني احس انك دفئ سنيني ) / بقلمي ( باربي الشهري ) > رو •°•°•°•°•°•°•°•°•°•°•°•°•°•°•°•°•°•°•°•°•°•°•°•°•° •°•°• نرجع للجــــامــعـــــــه ... و تحديدا بدورات الميـــــاه ' و انتو بكرامة ' كانت تدخن الزقاره بمهارة و تنفخها في الهواء بمتعه .. - مشاعل : انا اوريك فيها بنت اللذينا ،، خلاص حطيتها هنا ' تاشر على راسها ' والله لاجيب راسها و اخليها تكره اليوم اللي عرفت فيه ميشوو . - اميرة و هي لا تقل عن مشاعل شغاله تدخن معها : مشاعل هذي بنت اكابر لو تدري انك ورى السالفه تمحيك عن وجه الارض . - مشاعل : هههههه هذا اذا درت ،، اميرة يا ويلك لو تطلع السالفه محد يدري الا انتي . - اميرة : وش هالكلام ،، تشكين فيني ! بس انا خايفه عليك ،، انتي جالسه تلعبين بالنار ... كانت في بنت في الحمامات و سمعت الكلام اللي دار بين مشاعل و اميرة .... •°•°•°•°•°•°•°•°•°•°•°•°•°•°•°•°•°•°•°•°•°•°•°•°•° •°•°• فـــي جــــــــــــــــــدة ... عـــنــد فـــــدوى ... كانت تكلم بنت عمها ريم ..... - فدوى : طيب هو متى بيرجع ؟ و لا بيرجع مع فيصل ! - ريم : والله مدري ،، بس اتوقع بيرجع مع فيصل . - فدوى بلهفه : يااااا رب ،، ابي اكحل عينس بشوفته ،، وهـ بس . - ريم : هههههه اشوف جالسه تتغزلين باخوي قدامي ! - فدوى : والله مشكلتك اني احبه و اعشقه بعد ،، يعني انتي راح تخطبيني له فاااهمه ! هههههههههه - ريم : ههههههه اكييد ،، وين بيلقى احسن منك . - فدوى سمعت امها تناديها : اووك ريوومه اكلمك بعدين ماما تناديني . - ريم : اووك حبيبتي ،، بااااي . قفلت من ريم و نزلت امها جلست جنب امها .. - فدوى : نعم ماما ،، سووري كنت اكلم ريم . - امها : اسمعي يا بنيتي انتي كبيرتي و صرتي عروسة . - فدوى ببرود : وش المطلوب ؟ - امها : يمه قلبتني وحدة من صديقاتي تبيك زوجة لولدها . جات تقاطع امها بس امها اشرت لها تخلص كلامها اول .. - امها : هو حبيب و مبسوط و شاريك و صدقيني راح يسعدك ،، فكري و اعطيني رايك ؟ - فدوى ( هذي من جدها اخذ غير خلودي ) قالت ببرود : مابيه . - امها بعصبيه : شنو ما تبينه ! كل ما جاك واحد رفضتيه بدون سبب . - فدوى بنفس العصبية : ايه مابيه الزواج مو غصب . - امها : انا مالي كلام معك ،، ابوك اللي يعرف لك . و طلعت لغرفتها معصبة . - فدوى ( والله ما اخذ غير خالد لو على قص رقبتي ) .. طلعت ركض لغرفتها جلست على سريرها تفكر ( هذا متى يحس على دمه و يجي يخطبني ،، آه يا خالد عذبتني بحبك ).. رن جوالها .... ناظرت الرقم ( اوووف منه هذا بعد ،، ما يطفش ساحبه عليه و باقي وراي ).. ردت بطفش .. : نعم ! - المتصل : هلا والله بهالصوت . - فدوى : اخلص تركي وش تبي ؟ مشغووله . - تركي : افاااا ،، تنشغلين عني انا حبيبك تركي ! - فدوى ( حبت القرادة قال حبيبك قال ) قالت بدلع متصنع : سوووري حياتي بس عندنا عزيمة و مرررة مشغوولة ،، اكلمك بالليل ،، طيب ؟ - تركي و هو خاق عليها : طيب يا قلب تركي ،، بااااي . قفلت منه ( وجع من جد ذا نشبه ،، اول واحد ينشبلي كذا ،، اووف منه ).. و حطت راسها تاخذ لها قيلولة ..... •°•°•°•°•°•°•°•°•°•°•°•°•°•°•°•°•°•°•°•°•°•°•°•°•° •°•°• عـــنــد خــــــــــــالــــــــــــد .. كـان في مكتبه مع فيصل ... - خالد : و عشان كذا ابي فزعتك . - فيصل : افااا يابوو دحوووم اذا ما فزعت لخوي عمري افززع لمين ! ابشر بعزك . - خالد : والله ما خاب ظني فيك يا اخوي . - فيصل : طيب متى نمشي ؟ و هذي جنان وينها ؟ جنان و هي داخله المكتب بغرور المعتاد و جعفر وراها : موجووده . فيصل التفت فيها و تنح ،، ما توقعها كذا ،، مغروره متكبرة بس تهبل و خقق ... - جنان طنشته و لفت على خالد : هذا فيصل ولد عمك ؟ - فيصل : ايه . - جنان : تشرفنا ،، خالد فهمته على كل شئ ؟ - خالد : ايه ،، اكيد ،، تفضلي اجلسي انتي و جعفر . - جنان : لا مابي ،، يلا مشينا . - فيصل يبي يشوف احساسها و نفسيتها كيف : ااامممم هاا كيف نفسيتك ،، ان شاء الله ارتحتي بالنوم . - جنان : لا يا شيخ ،، كيف تبيني انام بالله . - خالد : كان نمتي و ارتحتي . - جنان ( هذا اهبل و لا يستهبل ،، كيف يجيني النوم و انا ما ارتاح بالي من التفكير في اللي باسويه ) قالت بضجر : يلا خالد ،، خلينا نخلص كل شئ بسرعه ،، تراني على اعصابي . - خالد : ريحي اعصابك كل شئ تمام ،،،، يلا مشينا . - فيصل : طيب بنروح كلنا بسيارة وحدة و لا شلون ! - خالد لف على جنان يبي رايها ... - جنان : عاادي ما عندي مشكله . طلعوا في سيارة جنان كانت جمس ،، جعفر اللي يسوق و جنبه فيصل و ورى فيصل خالد و جنبه جنان و المتكى اللي فاصل بينهم .. في السيارة...... - خالد : جنان ،، كلمتي مازن و ضبطتي الوضع ؟ - جنان : ايه ،، و كل شئ اووكي ،، بس يقول اذا طلعتي اتصلي اعطيك العنوان ،، باتصل الحين ... طلعت جوالها و اتصلت على مازن ... - جنان بدلع طبيعتها بس زادت حبتين : اهليين مازن ،، ايوه انا طلعت من مكتب خالد ،، عطني العنوان ،، ابي أخلص كل شئ قبل بسرعه عشان ما يحس خالد ،،،،، اووك ،،، عمارة ٨ ،، ايوه ،، شقه ٥ ،،، اووك باااي . - خالد كان يناظرها ( يا ويل قلبي على الدلع ،، والله و عرفت تلعب على مازن ،، ان كيدهن عظيم ،، ههههههه) .. أعطت جنان جعفر العنوان .. طلع خالد مسدس من جيبه و مده لجنان : خذي . - طالعته جنان و طلعت من شنطتها المشرط حقها و قالت : تذكر هذا ،، يغنيني ،، طعنت به صديقه و لو وصلت معه باذبحه . - خالد ( يعني اللي تقصده أمس انها طعنته ،، هو صديق مازن ! والله وراك بلاوي يا جنان ،، بس انا اعرفلك ) اعطاها ابتسامة و لف وجهه ... وصلوا العمارة و جنان دقات قلبها تزيد اكثر و اكثر .. بس خلاص مافي مجال تتراجع و لازم تكمل اللي بدأته .. - جنان ببراءة و طفوله : خالد ،، خايفه . - التفت لها خالد و شاف في عيونها الخوف كره هالشئ تمنى يقدر يمحيه من عيونها ،، بلا شعور مسك يدها يبي يطمنها ،، جنان حركت يدها توقع انها بتسحبها لكن انصدم لما شافها تتمسك فيه زيادة و كانها طفله خايفه تضيع .. قال لها : لا تخافين يا جنان ،، كلنا معك ،، لا تخافين بس سوي اللي اتفقنا عليه ،، ولو وصلت الشغله حدها لا ترحمينه . - انتبهت جنان ليدها الباردة تحتضنها يد خالد الدافئة سحبتها و هي منحرجة انها تمسكت فيه اكثر بس ما كانت حاسه بنفسها ،، هزت راسها بالايجاب و نزلت من السيارة ... - فيصل كان متابع اللي صار بصمت .. - خالد كان يناظرها و هي نازله تقطع قلبه عليها حس انها نازله و امانها و امالها في الشخص اللي وراها اللي هو خالد ،، ناظر في يده و هو باقي حاس في برودة يدها و نعومتها ،، ابتسم لما شافها انتهبت لنفسها و انحرجت .... - خالد : شباب استعدوا بعد ربع ساعة بالتمام . •°•°•°•°•°•°•°•°•°•°•°•°•°•°•°•°•°•°•°•°•°•°•°•°•° •°•°• طلعت جنان الشقه .. دقت الباب و هي ميته خووف . - مازن من ورى الباب : يلا جااااي . فتح الباب و شافها قدامه : هلا والله هلا بالممززة . - انصدمت جنان من الشخص الواقف قدامها ،، ما كان مازن كان صديقه اللي طعنته قالت بارتباك : اااا وين ماازن ؟ - مازن : انا مازن اللي ' باستهزاء ' طعنتيه . - جنان انصدمت ما توقعت ابدا انه هو لانه قال لها انه ما كان في الفله اصلا ،، يعني كذب عليها و هذا دليل انه موجود في الشريط بس ما حبت تبين له ،، بدأت لعبتها و دحلت لداخل ،، بدلع : و الله طلعت احلى من قبل ،، الظاهر الطعنة اثرت فيك ،، هههههههه . - مازن خاااق عليها : و انتي احلى و احلللى '' جلس جنبها '' شيلي اللثمة يا بععد قللللبي خليني اكححل عيني بالججماااال . - جنان كانت متقررفه لابعد درجة من قربه لها ( وشفيه ذا يتكلم كذا '' شهقت '' سكرااااان ،، بس حلوو يسهل المهمة اكثر ) كان مازن شارب قبل تجي جنان .. - مازن : يا رووحي امششي الغرفة ،، ترى حددي ولهااااااان عليك . - جنان ( هه خير ان شاء الله ) قالت بخبث : اوووك قلبي ،، بس اول وين الشريط ؟ - مازن و هو سكران ياشر على دولاب في الصاله : هنااا ،، اخخلص منننك و تاخخذيينه . - جنان بضحكة تخقق : ههههههههه ،، شاللي يضمنلي صدقك يا كذاب . - قام مازن عند الدولاب و هو يترنح و طلع منه سي دي مكتوب فيه '' جنان محمد '' .. - جنان ( هذا ليش كاتب عليه كذا ،، هه اكيد عشان ما يلخبط مع اشرطة البنات الثانية ،، بس لا تخاف يا كلب ما راح تشوفها ثاني اصلا ) .. - مازن : هاا صصدقتي الححيين ،، يلا ياا مزززززة . - جنان هنا بدات تخاف اكثر لانها كانت تاخر مازن و تسايره بالكلام ،، و مررت اكثر من ربع ساعة ( لا يكون طحت بلعبة ،، والله اذبحك يا خالد ،، بس لا لا جعفر مستحيل يسويهاا ) انتبهت لمازن و هو يقرب منها ... •°•°•°•°•°•°•°•°•°•°•°•°•°•°•°•°•°•°•°•°•°•°•°•°•° •°•°• - من ورى الباب كان خالد و فيصل و جعفر... - خالد : يلا شباب ،، جاهزين . طراااااااااااااااااااااااااااخ .. كسروا الباب لانه كان مقفل .. - خالد شاف مازن و هو يقرب لجنان و هي ترجع لورى و يدها بالشنطة كانت بتطلع المشرط جن جنووونه لما شافه يقررب لها حس باحساس غريب ما يدري ليش ,, راح بسرعه له و دفه على الارض ،، باللحظة هذي جنان راحت بسرعه ورى خالد ... - مازن سكران : هيييه انت وياه دقوا الباي اوول امكن مششغولييين ،، و انت يا خخاالد وش تبي ،، خلاص اخلص من جنان و ترجع لك ،، يلا لو سمحتوووا بررررااا . - خالد كان حاقد بقووووة و انقهر اكثر من كلامه ،، حس انها شئ ملك له : لا يا شيخ ،، اجل خذ '' اعطاه لكمة قووية طيرته من مكانه ''.. جعفر مسك مازن و كتفه ,, جنان راحت للدولاب .. خالد كان باقي ما بررد حرته من مازن و لو بكيفه كان ذبحه ،، اعطاه ركله قوية ما ينساها ،، و راح لجنان لقيها تحوس في الدولاب و تاخذ اشررطة كثير لشنطتها .. - خالد باستغراب : كل هذي الاشرطة !؟ - جنان : لا ب.... قطع كلامها شخص طالع من غرفة النوم ،، كان ياسر و سكران بعد : خخيييير . - فيصل بصدمة و صرااخ : ياااااااااسر ؟ ياسر يطالع فيه بغباء متنح الاخ سكران ... - خالد يكلم فيصل : تعرفه ؟؟؟ - فيصل : خالد ما تذكره !!! - ياسر : لا ما نعرفكم ،، وش تبووون الحيين ،، خربتوا علينا جونا ،، كنا مستانسين . - جنان بحقد : افااا بس حرااام والله ،، بالله فيصل خليه يستانس زيادة . - فيصل : تامرين امر .. قام و دف ياسر بعد ما صفقه لغرفة النوم و قفل عليه الباب . - خالد : يلا جنان اخذتي الشريط . - جنان و هي تقفل شنطتها : ايه ،، يلا . - مازن و هو مكتف من جعفر : وين ياا حلللوة ،، و انا ما اخخذت اللي ابيييه . - جنان بغرور مشت لعند مازن و هو تحتها مكتف : هههههههه سوووري ما اعطيتك اللي تبي ،، من عيووووني راح اعطيك اياه . و طلعت من شنطتها المشرط ،، قال و هي تفرك بين اسنانها : الظاهر انك تبي وحدة ثانية . - خالد يطالع فيها مستغرب .. - جنان : خالد تذكر صديقه اللي طعنته ،، طلع هذا الكلب ،، الحيوان كذب علي . و لفت على مازن ... - جنان : لا لا ،، امكن تبي شئ ثاني . و بكل غرور نزلت اللثمة ،، خالد كان خااق عليها و مقهور ليه تكشف كذا ،، اما فيصل لما شاف خالد غسل ايده منه ،، و ماازن كان مبسوووط و هو يناظرها فرحاان السكراان . - قامت جنان و '' تفلت على وجه مازن '' و قالت : عشا مررا ثانية ما تلعب مع بنت محمد يا شاطر . الكل انصدم من حركتها و اولهم خاااالد ... - كملت كلامها و هي تحط المشرط قدام وجهه : منهي الجزمة اللي معك باللعبة . - مازن سأكت و يناظر فيها .. جنان حطت اللثمة على وجهها .. : تكلم . - جنان بعصبيه خلقه اعصابها تعبانة قامت شقت التي شيرت من جهت اليمين ،، و طلعت اثار الطعنة وقالت و هي تطحن بين اسنانها : تكلم لا اخلي جسمك كله كذا ' تقصد الطعنه ' . - مازن ساكت .... - جنان حطت السكين على اثر الطعنه و غرزتها شوي باللحم و هي متقرفه بس كانت مجبورة تسوي كذا لين طلع شويه دم ... خالد و فيصل انصدموا من حركتها و كانها من المافيا ،، و خالد ما توقعها كذا ... - مازن بالم : مشااااااااااعل . - جنان انصدمت و طاح المشرط من يدها : مشاااااعل !!! - خالد لما شافها وصلت كذا : يلا جنااان مشينا . - جنان و هي باقي مصدومة طلعت من الشقه و لحقوها .. - خالد شاف المشرط في الارض شاله و لحقهم .. ركبوا السيارة و الكل ساكت .... وصلوا المطار . هذا كان طلب جنان انها تمشي على طول للرياض ... صار كل شئ و جنان سااكته ... •°•°•°•°•°•°•°•°•°•°•°•°•°•°•°•°•°•°•°•°•°•°•°•°•° •°•°• في الطيارة كان ترتيبهم ،، خالد و جعفر .. جنان و فيصل .. بس خالد اتفق مع فيصل و غيروا الاماكن بحيث يصير خالد جنب جنان .. - خالد انتبه لسكوتها و سرحانها من لما سالفه مشاعل ،، كان يبي يعرف وش فيها خلقه مع جنان يحس فيه لقافه انه يبي يعرف شئ عنها .... - خالد : مين مشاعل ! - جنان اعطته نظرة و حطت راسها على المقعد و غمضت عيونها .. توقع خالد انها بتسحب عليه .. بس التفت عليها لما قالت : ما توقعتها منها ،،، ليش يا مشاعل لييييش . - خالد سكت لما شافها متألمة من داخلها ,, و نفسه يعرف وش فيها و يخفف عنها .. قعد يتأمل عيونها من اللثمة و هي مغمضة .. - خالد ( يااا لبى العيوون يا نااس ،، و الرمووش كأنها سهاااام ) .. - جنان كانت تحس بنظرات وعارفه انها من خالد قال و هي باقي مغمضة : مشكوووووور يااا خالد . - خالد بغرور : لا عادي ،، بس هااا قدها و لا لا !! - جنان فتحت عيونها و بابتساامة : قدها و قدوود ،، الله يريحك يا شيخ مثل ما ريحتني .. - خالد كان مستانس من كلامها ... وصلوا الرياض .. في المطار ما كان معهم شنط كثير .. راح جعفر يجيبها اما فيصل انتبه لنظرة خالد انه يخليه لوحدة مع جنان و راح مع جعفر .. - خالد بابتسامة : الحمدلله على السلامة . - جنان بابتسامة احلى : الله يسلمك و يسعدك ،، صدقني يا خالد ما راح انسى لك معروفك و لك وعد اني ارده لك باللي تبي . - خالد : تسلمييين '' بارتباك '' لا تنسينا عاااد ،، رقمي عندك . - جنان ( لا يكون يبيني اكلمه ،، هههههه لا عاد انا مو كذا ): هههههههه ،، لا وشدعوة . جاء جعفر و فيصل ،، راحت جنان مع جعفر بعد ما ودعت خالد و هي مرتبكة من نظراته ... و هي ماشية مع جعفر تذكرت انها ما عطت خالد الشيك بالملبغ المتفق .. - جنان ( يووووه نسيت الشيك ،، بس هو ليه ما تذكر غريبه ،، امكن نسي) .. و رجعت له تعطيه الشيك ،، كانت جنان ورى خالد ،، كانت بتتكلم بس سكت لما سمعت ..... - خالد : يا شيخ ما ابغى اضيعها مني لا هي و لا الفلوس ،، خاصة اني محل ثقة الحين ،، مابي اخسرها ،، والله فرصة ما تتعوض ،، عرفت الحين ليش سويت كذا . - فيصل : اي والله صادق ،، فرصة و لازم تستغلها ،، بس لا يدرون . جنان انصدمت من اللي سمعته و تجمدت مكانها ،، ما انتبهت الا على صوت جعفر .. - جعفر : يلا يا عمة ،، السيارة برا . - جنان ( ليش يا خااالد ليييش ،، وش سويت لك ،، آه يا خالد ثاني مررة تخوون الثقه ،، انا امنتك انك ما تخليني اندم ،، بس للخسارة ندمت قد شعر راسي ،، بس انا اوريك ،، و اعلمك من جنان ) .. لفت لقيت خالد و فيصل طالعين من البوابة .. قالت لجعفر : يلا ،، مشينا . طلعت مع جعفر للبيت .. سلمت على ابوها و اختها و جلست معهم شوي .. - جنان : يلا بابا عن اذنك بروح انام ،، تعباانة . - ابوها : روحي ارتاحي و نامي ،، تصبحين على خير . - جنان : و انتو من اهله ... شافت ملاك قايمة معها .. عرفت انها بتسولف معها و بتسهرها .. - جنان : لا ملاك ،، خليك مع بابا ،، انا بنام . - ملاك حست ان اختها تعبانة و خلتها على راحتها : اووك قلبي .. طلعت جنان غرفتها ترتااح نفسيا و جسديا و فكريا و تريح اعصابها من التعب و من اللي صار لها الايام اللي راحت ،، تبي بس تنااااااااااااام و ترتااااااااااح .... •°•°•°•°•°•°•°•°•°•°•°•°•°•°•°•°•°•°•°•°•°•°•°•°•° •°•°• انـــتــــــهــــــــــــى الــــــبـــــــــــــــارت الــــثـــــــــــــــــــالـــــــــــــــث .. •°•°•°•°•°•°•°•°•°•°•°•°•°•°•°•°•°•°•°•°•°•°•°•°•° •°•°• انـــتـــــظــــــــــر تــوقـــعـــــــــاتـــكـــــم ... و اهــــتـــــــــــــــم لـ آرائــــكــــــــــم ... ** مـــع حــــبـــــــي / بــــــآربـــــــي ـآلـــشـــــهـــــــري ** |
|
| |
| من مواضيعي في المنتدي |
| | رواية امانة لا تخليني احس انك دفئ سنيني بقلمي شِـهــرّيـه آلِـيـمـّـة |
|
10-21-2011, 06:17 PM
| رقم المشاركة : 20 (permalink) |
|
| رد: روايتي الاولى ( امانة لا تخليني احس انك دفئ سنيني ) / بقلمي ( باربي الشهري ) > رو ررررروعة قليله فيها |
|
| |
|
10-21-2011, 07:17 PM
| رقم المشاركة : 21 (permalink) | |||||||||||||||||||||||
|
| رد: روايتي الاولى ( امانة لا تخليني احس انك دفئ سنيني ) / بقلمي ( باربي الشهري ) > رو
تسلميييييييين يااااااا قلبي ... بالنسبة للبارتات ,, انا اول ما اخلص بارت انزله ... و حبيت اقولكم ان اذا ما نزلت بارت نهاية الا سبوع هذا ,, فـ انا مسافرة و ان شاء الله بعد الاجازة ,, راح انزل اكثر من بارت في واقت واحد .. | |||||||||||||||||||||||
|
| |
| من مواضيعي في المنتدي |
| | رواية امانة لا تخليني احس انك دفئ سنيني بقلمي شِـهــرّيـه آلِـيـمـّـة |
|
| أدوات الموضوع | |
| انواع عرض الموضوع | |
| |
|
المواضيع المتشابهه للموضوع: رواية امانة لا تخليني احس انك دفئ سنيني بقلمي شِـهــرّيـه آلِـيـمـّـة | ||||
| الموضوع | كاتب الموضوع | المنتدى | مشاركات | آخر رد |
| رواية ساهر الليل / بقلمي كااااامله | مجهوله وحبيبت عمتها اموله | روايات - روايات طويله - روايات كامله | 23 | 03-12-2012 02:12 PM |
| رواية كلنا أبطال روعه ورمنسيه وحلوه , رواية رومنسية,رواية جريئة,رواية حزينة,روايات | أميرة الحلا | الارشيف | 1 | 11-06-2011 10:26 PM |
| رواية حقوق العشق محفوظة بقلمي ( رواية سعودية جريئة ) | دروب المحبه | روايات - روايات طويله - روايات كامله | 205 | 09-17-2011 05:10 PM |
| رواية سكر وملح << بقلمي | فارس المحبه | روايات - روايات طويله - روايات كامله | 2 | 08-19-2011 10:14 AM |
| رواية حبيبي ليه تودعني؟؟(بقلمي) | لمسة سحر | روايات - روايات طويله - روايات كامله | 26 | 08-14-2011 02:04 AM |
 |  |
العرض العادي
